Clitoride
| Clitoride | |
 | |
| Anatomia del Gray | Modeło:WikidadesQ |
|---|---|
| Łocałixasion anatòmega | Vagina  |
| Órixane | |
| Inerva | |
| Insersion | |
| Antagonista | |
| Asion | |
| Arteria | dorsal artery of clitoris (en)  |
| Vena | superficial dorsal veins of clitoris (en) e deep dorsal vein of clitoris (en) |
| Nervo | dorsal nerve of the clitoris (en) |
| Łinfàteghi | |
| Indentifegadori | |
| MeSH | A05.360.319.887.436 |
| TA | A09.2.02.001 |
| FMA | 9909[1] |
| TI | |
| TE | |
| ID NeuroLex | |
Ła ze prezente anca inte i strusi e inte i mamifari de seso femenino.
A'l contrario de'l pene, el só omòłogo mascołin , ła clitoride normalmente no ła contien ła vertura distałe de l'uretra, e no ła ga mìa nesun roło inte ła minsion e inte ła reprodusion.
In serti animałi , fra i cuałi ła iena, ła clitoride ła ze partegołarmente granda: ła vien uzada anca par ła minsion, el copiamento e el parto. Acna inte i mamifari, fra cui i łemuri e łe simie ranjo, ła clitoride ła rezulta de dimension notévołe.
El primo anatomista a darghene na conpleta descrision anatòmega e funsionałe A ze stà Georg Ludwig Kobelt.
.jpg)
Anatomia e fiziołozìa[canbia | canbia el còdaxe]
Ła clitoride ła fa parte dei organi eretiłi de l'aparado zenitałe femenin, insenbre ai bulbi de'l vestibolo. El ze un organo inpari e mediano, situà inte ła porsion anterosuparior de ła pota, a'l de soto de ła comesura anteriore dei łavri . a ga na parte łibara de forma siłindroide de łonghesa 2-3 cm e diametro de 6-7 mm che i aumenta durando l'ecitasion sesuałe. Ła ze costituìa da do corpi cavernozi de ła clitoride, che i forma un organo ùnego, dito corpo de ła clitoride, che'l se porta insima e in vanti, par repiegar po in baso, termenando co un glande soramontà da un prepusio clitorideo. A ze propio i corpi cavernozi de'l clitoride che i ghe ne parmete l'aumento de dimension durando l'esitasion sesuałe, co i stesi mecanizmi che i avien inte i corpi cavernozi de'l pene.
L'inervasion sensitiva de ła clitoride, partegołarmente bondanrte, ła ze asegurada dai nervi provenjienti dai do nervi pudendi interni e i decore so ła suparfise de'l clitoride fin a termenar inte'l glande. In tuta ła clitoride, co màsema fisesa inte'l só glande, eziste in nùmaro notévołe corpuscołi sensidivi de varia natura, cofà cuełi de Meissner, de Pacini, de Krause ecc.).
Ła ze ancorada a ła sinfizi pùbega tramide el łigamento suspensorio de ła clitoride.
Da'l ponto de vista de'l zviłupo enbrionał ła clitoride ła ga l'istesa orìzene de'l pene. Ła ze infati anca ciamada "pene arcàego".
Ła conosensa de ła clitoride e de ła só anatomia carsa ła ze scarsa respeto a cueła de n'altri organi sesuałi e ła ze influensada in modo sinjifegadivo da łe parsesion culturałe de 'sto organo.[2] Na major educasion a'l revardo ła podarìa jutar a suparar i zudisi asosiài a'l corpo femenino e a'l piaser sesuałe femenino; cofà par ezenpio, el fato che ła masturbasion femenina ła sipia un tabù.[3]
Orgazmo clitorideo[canbia | canbia el còdaxe]
Ła clitoride no ła partesipa a ła funsion reprodutiva.[4] N'oportuna stimołasion atuada inte'l glande de ła clitoride ła porta ła dona a l'orgazmo.
Fin a tenpi resenti A venjiva eroneamente definìi do tipi de orgazmo par ła dona, cueło clitorideo e cueło vazinałe. Un studio condoto so un sazo de vołontarie da Foldes e Buisson e intitołà Il complesso clitorideo: uno studio ecografico dinamico el porta a'l suparamento de ła distinsion tra i do orgazmi, sostenjendo che l'orgazmo el ze senpre zenarà da ła clitoride. L'orgazmo inpropriamente dito vazinałe el sarìa provocà da ła stimołasion par fregametno indireto de ła clitoride mèdema. Soło el 25% de łe donne łe sparimenta regołarmente l'orgazmo durando ła penetrasion vazinałe.[5]
Mudiłasion clitoridee[canbia | canbia el còdaxe]
L'esision de ła clitoride ła ze eroneamente ciamada sirconsizion femenina. Cuando, oltra a l'esision de ła clitoride, A se ga l'ablasion dei grandi łavri e el restrénzimento co sumario intarvento serùzego ocluzivo de l'orifisio vazinałe, A se parla de infibułasion.
Tałe pràteghe łe ze atuàe in racuanti Paezi de'l mondo, masime in serti paezi arabi e afregani, co diverse finałidà:
- inibir asessałità femenina;
- łe ze par łe done un obligo sosiałe derivante da fatori econòmeghi (łe done no łe ze economegamente independenti);
- A se retien ła clitoridectomia na pràtega "izènega" in cuełe sosietà che łe considera el piaser sesua łe femenin calcosa de "sporco": in realtà l'izene ìntema femenina ła pezora, soradetuto co l'infibułasion che no ła parmete l'eiesion dei fluidi corporei (urina, sangue mestruałe, segresion vazinałe).
Łe mudiłasion łe conporta na un cało e a volte n'ałienasion de ła capasità de ła dona de razonzer l'orgazmo. Par de pì a ferida sicatrizada simentada da l'infibułasion ła se reverze in maniera asàe dołoroza co ła deflorasion.
Łe Mudiłasion Zenitałe Femenine (MGF) łe conporta gravi dani psicołòzeghi e fìzeghi, e łe pol condùzer anca a ła morte par emorazìa e/o infesion. Le MGF łe ze na viołasion dei deriti umani, parseguìa penalmente in tanti paezi de'l mondo, conpreza l'Itałia.
Le MGF riflettono una disuguaglianza radicata tra i sessi, una forma estrema di discriminazione nei confronti delle donne e delle ragazze.[6]
L'articolo 583-bis del codice penale italiano punisce entrambe le pratiche.[7] La legislazione coranica non prevede interventi mutilatori, mentre è "raccomandata" (sunna), la circoncisione. La tradizione in alcune parti dell'Egitto e nel Corno d'Africa fa sopravvivere tali pratiche, talora eseguite anche dopo il trasferimento all'estero per motivi legati al fenomeno migratorio.
Piercing de ła clitoride[canbia | canbia el còdaxe]
Ła clitoride ła ze una de łe zone sojete a ła pràtega de'l piercing, sepur asàe manco comunemente de altre aree de'l corpo cofà par ezenpio łobo de ła recia, nariza, caviełi o bonìgoło. Storegamente ła pràtega ła se atesta a'l pòpoło de'l Borneo dei daiachi (ndove che A ze in uzo anca el piercing de'l glande mascołin dito ampallang), ndove che'l vien prategà zbuzando ła clitoride co na spina insarindoghe po un picoło aneło d'oro o un zogeło a forma de fuzo e che'l rarezenta un grando orgojo par łe done daiachi.
Note[canbia | canbia el còdaxe]
- ↑ Declarà da: Foundational Model of Anatomy. Data de consultasion: 1° de agosto del 2019.
- ↑ voze de refarensatheguardian.com.
- ↑ http://dx.doi.org/10.1023/a:1011093123517.
- ↑ voze de refarensainail.it.
- ↑ voze de refarensapsychologytoday.com.
- ↑ voze de refarensaun.org.
- ↑ voze de refarensacamera.it (archivià dal URL orizenałe il 10 de febraro 2010).
Bibliografia[canbia | canbia el còdaxe]
- Łibri
- (EN) Pauline Clarke, The Eye Of The Needle, Pauline Clarke, 1994, ISBN 0-9521175-0-9.
- (DE) Georg Ludwig Kobelt, Die männlichen und weiblichen Wollust-Organe des Menschen und einiger Säugethiere in anatomisch-physiologischer Beziehung, Friburgo in Brisgovia, Druck und Verlag von Adolph Emmerling, 1844.
- Thomas Laqueur, L'identità sessuale dai Greci a Freud, Editori Laterza, 1992.
- Carla Lonzi, Sputiamo su Hegel. La donna clitoridea e la donna vaginale e altri scritti, Milano, Scritti di Rivolta Femminile, 1974.
- Serafino Massoni, La stirpe del serpente, Aliberti editore, 2008.
2ª ed. Leonida Edizioni, 2019.
- Reviste
- (EN) Pierre Foldes e Odile Buisson, The Clitoral Complex: A Dynamic Sonographic Study, in The Journal of Sexual Medicine, vol. 6, nº 5, maggio 2009.
Voze corełàe[canbia | canbia el còdaxe]
Altri projeti[canbia | canbia el còdaxe]
Wikimedia Commons el detien imàjini o altri file so Clitoride
Linganbi foresti[canbia | canbia el còdaxe]
- clitorideTreccani.it – Enciclopedie on line, Istituto de ła Ençiclopedia Italiana.
- Clitoridesapere.it, De Agostini.
- (EN) clitorisEnçiclopedia Britannica, Encyclopædia Britannica, Inc.
