Chitara baritona
La chitara baritona la xe na variasion de la chitara normal, co na scala pì longa che la permete na incordadùra pì bassa. La so prima aparision se gà avesto inte el mondo de la muzica clàsegca. L'azienda mericana Danelectro la xe sta la prima a prezentàr la chitara elètrega baritona sul fenìr dei ani sinquanta. Poco dopo anca la Fender la gà relasà el Bass VI che el pole èsar descrivesto sia cofà na chitara barìtona che come na chitara baso.
La chitara baritona su'l scominsio no ga avùdo suceso infra i musicisti e i ascoltatori. Drìoman può el strumento gà tacà a comparìr ne la surf music, nonché cofà sotofondo ne le colone sonore de tanti film, massime inte i spaghetti western. Inte la storia più recente la chitara baritona gà trovà posto inte el rock e inte el metal. Le chitare baritone gà anca la capaçità de esser usàe come chitare basso se sonàe coretamente.
L'cordadùra stàndar de na chitara (da la corda più bassa a quela più alta) xe mi-la-re-sol-si-mi. Le chitare baritone xe solitamente acordàe na quinta giusta più in basso (la-re-sol-do-mi-la), na quarta giusta più in basso (si-mi-la-re-fa♯-si), una tersa mazor più in basso (do-fa-la-re-sol-do) o na otàva più bassa.
Gretsch, Fender, Gibson (EB-6), Jerry Jones, Burns London e un mucio de altre dite gà prodoto chitare baritone insinaménte dai ani sessanta, sebén sempre in picole quantità a causa de la bassa popolarità del strumento.
Le chitare baritone gà un corpo più largo rispeto a le chitare stàndar, massime in caso de strumenti acustici, e gà na scala più longa che permete a le corde de esser acordàe più basse pur restan a na tension circa gaulìva a quela de le altre chitare. Su na chitarra normal (acustica, steel, eletrica) la longhezza de la scala (distanza tra blocacorde e ponteselo) xe de solito compresa intra 24,9" e 25,7", e lo spessore delle corde in diametro va da 0,012" a 0,054". La lunghezza della scala par varie chitarre baritone varia invece da 27" a 30,5", e el spessor de le corde dal stàndar 0,012"-0,054" a 0,017"-0,095".
Sostanzialmente le chitare baritone xe simili a le chitare normali ma co mazòr volume a le mèdie frequenze, par el fato che la longhezza mazòr de la scala e le corde più pesanti da un timbro più basso al strumento. Xe sonàe de solito col metodo "tic-tac bass" in cui na chitara baritona smorzàda radopia le parti sonae da la chitara baso o dal contrabàso. El metodo xe usà spesso ne la musica country
Chitaristi baritoni
[canbia | canbia el còdaxe]La chitara baritona xe stada usada ne le registrazion da Merle Haggard, Johnny Cash, Wes Borland, Dwight Yoakam, George Jones, e Willie Nelson, spesso radopiando la parte del basso acustico.Brian Wilson gà spesso inserìo chitare baritone inte i so arangiamenti par i The Beach Boys, come in "Dance, Dance, Dance" o "Caroline, No". Anca el cantante Folk-Pop Jimmie Rodgers preferiva la chitara baritona, che pol esser scoltà ne le batùe iniziali de "Woman from Liberia".Ian Mackaye usava na chitara baritona quando che sonava co i so The Evens.
Le band metal gà tacà a usare la chitara baritona inte i primi ani novanta, non apena gà scominsià a deventàr popolar le incordaùre sbassàe ("down-tune" o "drop-tune").
El chitarista Jazz Pat Metheny gà utilizà de le chitare baritone prodote da Linda Manzer inte el so album solista del 2003 One Quiet Night. Anca Ani DiFranco sonava spesso chitare baritone, incluse quele de produtori quali David Berkowitz, Joe Veillette e Alvarez, uzsndo frequentemente cordadùre alternative.
Clifton Hyde gà zontà la so chitara acustica baritona a le musiche de Sigur Rós, Gato Loco, e Pape Armond Boye. Dylan Carlson del grupo drone metal Earth sona na chitara baritona ne l'LP del 2005Hex (Or Printing in the Infernal Method). Nico Audy-Rowland dei Trocadero xe conossùo anca par el sonàr na chitara baritona Danelectro durante el so lavoro par el tema musical de la serie machinima Red vs. Blue.
Pete Loeffler dei Chevelle usa una PRS Custom 22's,24's co mànego baritono oltra a do Fender Stratocaster Baritones. Ko Melina dei The Dirtbombs sona na Fender Jaguar Baritone Custom.
Le baritone xe stàe anca usàe dal grupo inglese The Cure ne la prouduzion del so primo album Faith inte el 1981. Teppei Teranishi dei Thrice sona na chitara baritona ne la mazor parte de l'album The Alchemy Index. Dave Matthews sona na baritona in algune canzon, quali "The Space Between" e "Some Devil". Parker Lauzon dei Evans Blue usa un Ibanez baritona inte el segondo album "The Pursuit Begins When This Portrayal of Life Ends" in "Shine Your Cadillac", "Q", "Pin-Up", "Fear", e "The Pursuit". Brian 'HEAD' Welch usa Ibanez baritone inte el so album de debuto da solista "Save Me From Myself". Chest Rockwell usa na chitarat baritona ne la so canzon "Body Prop 3".
El musicista viazador australiano (za membro de The Stu Thomas Paradox, Dave Graney, Kim Salmon, The Brass Bed) utilizo na chitara baritona Barracuda par un serto numaro de ani, sonando assoli, e co i The Lurid Yellow Mist insembre a Dave Graney & Clare Moore, Kim Salmon e Billy Miller dei The Ferrets. Anca Kazu dei Blonde Redhead dal vivo usa na chitara baritona.
Dal 2006 anca i Breaking Benjamin fa uso de le chitare Prs baritone, co incordadùra tanto bassa, che varenta un son comunque potente e enorme, classico de sto grupo.
La medema Prs, ga in produzion na chitara baritona dedicàda a Ben Burnley, el cantante-chitarista-componidòr-fondaòr dei Breaking Benjamin.
Wikimedia Commons el detien imàjini o altri file so Chitara baritona
el detien schemi gràfeghi so
