Ceza de San Salvador

	Ceza de San Salvador
Epònemo	Jezù
Dati
Sorte	Ceza
Architeto	Tullio Lombardo (it) ; Giorgio Spavento (it) ; Giuseppe Sardi (it)
Costrusion	1141; 1507
Dedicà a	Jezù
Caraterìsteghe
Stiłe architetònego	Rinasimento
Materiałe	cuareło
Canpaniłe
Pozision
	Venesia
Pozision	San Marco
	45°26′11.76″N 12°20′11.4″E
Atività
Diòseze	Patriarcàdo de Venesia
Rełijon	Catołega
Ligo web	chiesasansalvador.it

Ła céxa de San Salvador xe un edificio lerigióxo de ła sità de Venesia, situà in Canpo San Salvador, inte el sestièr de San Marco, no łontàn dal Ponte de Rialto.

Storia

Fondàda inte el VII secoło e rifabricàda inte el XII secoło dai Canonici Sant'Agustin, deve ła so costrusión atuałe a l'òpara de Tullio Lombardo, finìa drìoman da Jacopo Sansovino. Ła notevołisima fasàda del 1663 xe òpara del famoxo architeto ticinexe Giuseppe Sardi, orixinàl de Morcote, artefice inte el steso Canpo anca de ła fasàda de ła Scòła Granda de San Todaro.

Su ła banda sànca de ła fasàda, ała baxe de ła prima cołona, se pol rimarcàr incastràda inte el muro na bała de canón. Ła Ceza infati xe stàda colpìa durante l'asedio del 1849 quando łe trupe strìache in uno dei so bonbardamenti gà inflito dal forte de Malghera a ła sità, che se gà autoproclamà repùblega independente soto ła guida de Daniele Manin. El proietiłe s'a ficà inte el pónto indove oncora ancùo xe vixìbiłe sensa danexàr ulteriormente ła strutura. Na incixión sora ła bała ricorda l'epixodio. Inte ła Ceza xe sepełìa Caterina Cornaro.

La Ceza de San Salvador

Inte el VII secoło, el vescovo de Oderso, San Magno, dopo aver avùo in sogno na indicasion soranaturałe gavarìa scoverto el liogo exato indove far costruìr la céxa, inte el cuor de ła sità che presto sarìa nata.

Inte el 25 marso 1507 ghe xe stàda l'inaugurasion de ła ricostrusion de ła Ceza che seguiva el modeło architetonico de ła Baxełega de San Marco. Da ricordàr che ne ła Ceza xe oncora custodìe łe rełichie de San Todaro, el primitivo patron de Venesia.

Alcuni doxi e anca dei gardenàłi vołeva qua i so cenotafi e senpre qui gà avùo tonbe omeni d'afàri e richi mercanti. Inte el 1575 gà trovà posto in un sepòlcro in sta Ceza anca łe spògie de ła Rexìna Caterina Cornaro. Par secołi diverse Scòłe de Devosion e Mistieri se gà racolte avendo cussì un logo de riunion.

Ne ła Ceza se trova caołaori de Vittore Carpaccio, Jacopo Sansovino, Tiziano Vecellio.