Canpo San Salvador
Canpo San Salvador xe un canpo de Venesia, situà a pochi pasi da canpo San Bórtoło, da ła caxa nadàl de Giacinto Gallina e dal Ponte de Rialto.
Storia
[canbia | canbia el còdaxe]Se nara che in sto canpo ghe gera un póso fondo co na vasca de aqua dove che i spasixièri gera uxi łigàr i so pròpi cavałi par inbeverarli in quanto co un decreto datà 29 febraro 1287 M.V. gera proibìo parcorer ła Marserìa in sèła ai cavałi.
Ła Ceza de San Salvador gà orìxeni antighisime e xe stàda fata costruìr da łe famegie Carosii e Gattolosi (se pensa par exortasión de Alessandro Magno). El siòło a ł'orìxene in ùltima gera formà da grade de fero soto łe cuałe scoreva ł'aqua, come inte ła Ceza de S. Sepolcro in Gerusałeme. Xe stà costruìa par l'intrànte ordène dei Canonici Augustiniani regołari. Ła fasàda (1663) de Giuseppe Sardi no xe de notevołe pregio, ma ł'interno (1505 - 1534) xe uno dei più orixinałi infra łe Ceze rinasimentałi itałiane. Ła pianta de Giorgio Spavento, xe stada reałìxàda dopo ła so morte avegnùa inte el 1509 da Tullio Lombardo e portàda a termine da Jacopo Sansovino.
Arénte ła Ceza de S. Salvatore Marco Giustinian, uno del consegio del X, durante el xioba graso del 1579, xa stà gravemente smagià al cao da na mascàra al pónto da morir poco tenpo drìo. Inte el xioba graso de ł'ano 1602, Nicolò Moro q. Santo xe stà copà da tre patrisi de ła stesa contràda inte el tentativo de infirmàr el rapimento de na xentildòna.
Descrisión
[canbia | canbia el còdaxe]Spasio picenin par lo più de tranxito inte el parcorso Rialto-Accademia/San Marco, tutociò el canpo merita ła sosta de chi ghe pasa, al fin de amiràr ła fasàda de ła céxa de San Salvador e, atraverso ła porta del pałaso, drìo ła céxa, el rełatìvo giòstro.
Voxe łigàe
[canbia | canbia el còdaxe]
Wikimedia Commons el detien imàjini o altri file so Canpo San Salvador
el detien schemi gràfeghi so
