Ceza de San Nicołò dei Mendigołi

	Cèxa de San Nicolò dei Mendigoli
Epònemo	Nicoła de Bari
Dati
Sorte	Ceza
Costrusion	sèculo XII
Dedicà a	Nicoła de Bari
Caraterìsteghe
Stiłe architetònego	architettura romanica in Italia (it)
Materiałe	cuareło
Canpaniłe
Pozision
	Venesia
Pozision	Dorsoduro
	45°25′57″N 12°18′57.24″E
Atività
Diòseze	Patriarcàdo de Venesia
Rełijon	Catołega
Ligo web	anzolomendicoli.it

Ła cieza de San Nicołò dei Mendigołi ła ze un edifcio łerigiozo de ła sità de Venesia, situà inte el sestier de Dorsoduro.

Storia

Ła Cieza de San Nicołò de i Mendigołi ła ze una infrà łe più antighe de Venesia: se prezume che ezistese za na costrusion inte'l VII sècoło.

Ghe ze do ipòteze su l'orìzene de'l nome de ła cieza. Segondo łe prime ipòteze, Mendigołi sarìa ła strupiada de Mendigoła che'l ze l'antigo nome de l'ìzoła sora ła cuała ła ze fabregada. Segondo l'altra ipòteze, Mendigołi derivarìa da mendici a indegar łe gran modeste condision de vita de ła contrà, abitada prevałentemente da pescaori e artezani.

Ze propio in 'sta contrà che gaveva sede i cusìditi Nicołoti, una de łe fasion de łaoradori de l'Arsenal, acerimi scontri de ła sìmiłe fasion de i Castełani, situài a l'estremo oposto de ła sità inte ła zona de San Piero de Casteło. Almanco na volta a l'ano łe do fasion łe se scontrava viołentemente su'l Ponte dei Punji inte ła visina parochia de San Barnaba, in una tradisional batàgia a man nùe.

Ła Cieza ła ze restada seriamente disestada da ła diłuvion de'l 4 novenbre 1966. Inte i ani setanta ła ze stada a'l sentro de un conpleso intervento de restauro, finansià grasie a'l Venice in Peril Fund, durante el cuało se ga prosedùo anca a na montada zenerałe de'l pavimento, esposto continuamente a i dani de l'acua alta, séndose venjìo a trovar ben trenta sentimetri soto el łiveło medio de i canałi.

Inte'l 1973 ła Cieza ła ze stada uzada anca come set sinematogràfego par el film A Venezia... un dicembre rosso shocking de Nicolas Roeg.

Descrisión

Ła costrusión del VII secoło xe stàda sostituìa da l'atual Ceza del XIII secoło, de inpiànto romanico baxełegal a tre navàe. Anca sta segónda fabrica xe stàda anpiamente rimanixàda inte el corso del tenpo, sia a l'esterno, co ła xontadùra inte el XV secoło de un picoło pòrtego su'l lai setentrionàl, sia a l'interno, tanto rico, dove inte el XVI secoło.

San Nicołò
picoło pòrtego su'l lai setentrionàl

ła navàda sentràl xe stàda nobiłiàda co statue in legno indorà. Łe paréde soràne xe decoràe da un ciclo de dipinti rafeguranti sene de ła vita de Gesù Cristo, òpara de diversi pitori apartenenti a ła scòła del Veronese. Al so interno xe paràltro prexente el corpo de San Niceta (martire goto). Pregevołe anca l'organo del XIX secoło, de ła dita Bazzani.