Carpenèo

Da Wikipedia, l'ençiclopedia libara.
(Rimando da Carpeneo)
Jump to navigation Jump to search
Carpenèo
locałità
Parocia dei Santi Gervasio e Protasio
Parocia dei Santi Gervasio e Protasio
Dati aministrativi
Stato bandiera Itałia
Rejon Veneto – stema Veneto
Provincia Venesia – stema Venesia
Comun Venesia
Teritorio
Coordinae 45°30′18″N 12°15′02″E / 45.505, 12.250556Coordinate: 45°30′18″N 12°15′02″E / 45.505, 12.250556
Altitudine 3 m s.l.m.
Abitanti 19 081[1] (06-03-2009)
Altre informasion
Còd. postałe 30174
Prefiso 041
Locałixasion
Mapa de locałixasion: Itałia
Carpenèo
Carpenèo
Mapa de locałixasion: Itałia
Carpenèo
Carpenèo


Carpenèo ła xé na locałità de ła Sità de Venesia, catada 'nte ła teraferma.

In orìxene viła rural con storia e particołarià sóe, dal secondo daspò guera ła xé stada tolta drénto al slargarse de ła conurbasion de Mestre de ła qual ancuo ła xé na parte. Deso Carpenèo ła fa parte de ła Munisipałità de Mestre-Carpenèo, istitusion che ła ga ciapà drénto i quartièri de prima n.9 Carpeneo-Bisoła e n.10 Mestre Séntro.

Storia[canbia | canbia el còdexe]

Un primo séntro de Carpenèo el gaveva da èser nasùo xà verso ła fin del'età romana (V sècoło). L'insediamento forse el gaveva come magior atività el tor legno de carpeni chel costixava ła via Claudia Augusta Altinate fin a Dexe. Soravisùa, co łe altre viłe datorno, a łe destrusion dei bàrbari, ła xé stada de novo colpìa da guere e svałixade soratuto a cauxa del visin casteło de Mestre, fortifegasion de Trevixo al séntro de ła lota contro ła rival Pàdova. Ła gà seguìo łe sorte de tuta ła Marca có, 'ntel 1337, sta qua ła se ga data a ła Repùblica de Venesia. Daspò altri conbatimenti, dal XVI sècoło el ga scomensà, a ła fin un ténpo, de bastansa paxe e benèser. Łe camnpagne de Carpenèo łe xé piaxue ai patrisi Venesiani che qua i ga tirà su qualche viła.

Caxua 'ntel 1797 ła Serenìsima, el paxe el xé pasà co tuto el Vèneto ai Franséxi e daspò ai Austrìasi. I xé stai istituii i comuni e anca Carpenèo ła xé deventada un de sti qua. Tornà a ła Fransa, el xé deventà dónca parte del Regno Lonbardo-Vèneto ('ntel 1818 el comune el xé stà anułà e'l xé deventà frasion de Mestre) fin al 1866, ano del'anesion al Regno d'Itałia.

Verso ła fin del'Otoxénto el xé stà stabiłio de far na granda strada per cołigar diretamente Piasa Fereto a ła Cexa dei Santi Gervasio e Protasio (vial Garibaldi de ancuo) co anca na lìnea tranviaria, e per far sta qua ła xé stada butada xó l'ùltemo tóco del Casteło de Mestre łóngo via Spalti, indove non ghe gera mai stada na porta. Prima de ła reałixasion de Vial Garibaldi existeva łe vie Trezzo e San Donà, che łe cołigava el Teragio a Fàvaro, Via Ca' Rossa e Via Casona che ła rivava dai Cavergnaghi. Altra strada de na serta inportansa ła gera Via Vallon, che ła 'ndava a finir 'nte ła canpagna a nord.

Fonte[canbia | canbia el còdexe]

  1. Demografia del comun de Venesia. URL consultà el 04-06-2010.

Łigami da fora[canbia | canbia el còdexe]