Dexe

Da Wikipedia, l'ençiclopedia libara.
Jump to navigation Jump to search
Dexe
locałità
Dexe – Panorama
Ła céxa de ła Natività de Maria in piasa f.lli Pomiato
Locałixasion
StatoItałia Itałia
RejonVeneto – stema Veneto
ProvinciaVenesia – stema Venesia
ComunVenesia
Teritorio
Coordinae45°31′45″N 12°18′14″E / 45.529167°N 12.303889°E45.529167; 12.303889 (Dexe)Coordinae: 45°31′45″N 12°18′14″E / 45.529167°N 12.303889°E45.529167; 12.303889 (Dexe)
Altitudinem s.l.m.
Abitanti1906
Altre informasion
Còd. postałe30173
Prefiso041
PatronoNatività di Maria
Carte interative


Dexe xe 'na locałità del comun de Venesia situà a nord-est de Mestre e conprexa 'nteła munisipałità de Favaro Veneto[1]. Raprexenta l'ultimo sentro abità del comun de Venesia prima del confìn co'Marcon. El nome xe łigà al fiume omonimo che score 'rénte l'abitato.

Storia[canbia | canbia el còdaxe]

Ła visinansa ad Altin fa pensar che in xona fusse ben diramà ła prexensa umana sin da l'età romana. L'ipòtexi xe conprovàda anca dai numaroxi reperti archeołogici catà (anfore, ceramiche, 'na vera da posso).

Durante el medioevo, el teritòrio xe decadùo e se gà salvadegà. El sentro s'a sviłupà datórno ała céxa de Santa Maria Nassente, ricordàda xa 'ntel 1152 cofà capeła co' fóntego batiximałe dipendente da ła parochia de Tesèra. L'antiga céxa xe stàda butàda xo 'ntel 1940, co' xe stà ultimà l'atuałe edificio rełigióxo.

I tereni de ła xona, recuperà co' diverse òpare de bonìfega, gera posedimenti de fameje patrisie (intra łe quałe i Collalto) e de monastièri ed istituti rełigióxi co' sede a Venesia. Tutocio', come che se nòta su 'na carta, ancora 'ntel 1816 el teritòrio se caraterìxa par la prexensa de anpie selve, restànse de ła granda foresta che un tenpo se esténdea da ła Łaguna de Venesia ałe Prealpi Venete.

Neła parte meridionałe de l'abitato, in via Cimitero Dese, ghe xe 'na tóre medievałe (ła cussì dita tóre de Dexe): alta debòto 20 metri, a piànta quadra, guarnìa de merladura in sima, xe stà costruìa in ùltima intórno al XII secoło; ła faseva verosimilmente parte de un sistema de presidi dei teritòri del pian, che svòlxeva contemporaneamente el dovér de rimàrco, difexa e comunicasión [2].

A póchi km de distànsa ghe ne xe 'naltra simiłe (Tóre de Tesèra).

Infrastruture e trasporti[canbia | canbia el còdaxe]

Dexe xe servìo da alcune łinee automobiłisteghe de l'ACTV da l'area urbana de Mestre, che ło cołega a Venesia e Mestre.

Inaxonta xe prexente in prosimità del centro abità un svincoło che se cata so' l'A57-Diramasion Aeroporto che consente un fasiłe cołegamento co' l'A57 Diramasion de Mestre e l'aeroporto Marco Poło.

Note[canbia | canbia el còdaxe]

  1. http://www.comune.venezia.it/flex/cm/pages/ServeAttachment.php/L/IT/D/D.691a8a7312b9407917f6/P/BLOB%3AID%3D8719
  2. Storia del territorio dal Sito del Comune di Venezia. Lingambo vardà el 23-01-2009.

Altri progeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dexe&oldid=771727"