Cararesi
| Cararesi | ||
| ||
| Stato | Sioria de Padoa | |
|---|---|---|
| Titułi | Siori de Padòa | |
| Fondator | Gunberto | |
| Ultemo sovran | Francesco II da Carara | |
| Data de fondasion | X secoło | |
| Data de estinsion | XV secoło | |
| Data de depozision | 1435 | |
| Rame cadete | Papafava | |
Ła famegia Cararesi (tal volta anca da Carara) xe sta na famegia aristocràtega vèneta, e soratuto padovana, de i secołi XII-XV.
Ła storia
[canbia | canbia el còdaxe]La famegia de i Cararesi, ła provien da Do Carare in provincia de Padova, origina da un un soco de homani d'arme feudatari de canpagna de origine łongobarda che intel corso de ła storia i ga fato i bessi, divegnendo siori de Pernumia,e duchi de Anguiłara (indove i xe proprietari dell'intiero paexe) goadagnando poder fin a far aretrar el Cangrande de ła Scała (de ła famegias veronexe dei Scałigeri). I ga regnà a Padova dal 1318 al 1405, con ła paréntexi Scaligera 1327-1338 e Viscontea 1388-1390, instaurando ła Signoria (prima Padova ła gavea na forma de goerno comunałe) anca co ła consułensa del jurista Raniero Arsendi, noto come "el monarca de łe legi".
Inte l'antica Carara, atual Do Carare i Carraresi i ga fondà intel 1027 la granda e splendida Abasia de Santo Stefano, de cui uncoi rimane l'antiga e bełisima ciexa in piera nera. Casca in rovina dopo el 1405.
Torno al 1390 i Cararesi i sostien de łe lote con el marchese Alberto d'Este.
Ne el 1405 Jacopo, fioło de Francesco Novello, el casca prixoniero de i venesiani. Secondo ła storiografia ufixial na 'pidemia de peste a Pàdova ło costrinxe a ła rexa; Francesco Novello, co l'altro fioło Francesco III, se consegna ai venesiani e dopo, Francesco Novello e i do fiołi i vien copai in prexon. Riserche pi recenti e ła mèdema testimoniansa de i disendinti łe conferma che i Cararesi i xe sta invece senplicemente costreti da i Venesiani a canbiar nome in Papafava, famegia ncora unco existente.
Ne el 1435 Marsilio, el terso e ùnico fioło de Francesco Novello restà in vita, el tenta el rientro a Padova ma el vien caturà e scavesà in Piasa San Marco. Da łori el ciapa nome el Cararese, un toco d'argento da 4 schei de łira padovana emeso da Francesco I (1355-1388).
Conponenti
[canbia | canbia el còdaxe]- Gumberto (m. av. 970)
- Gumberto (m. av. 1027)
- Litolfo da Carara, fonda l'abasia de Santo Stefano.
- Artiuccio donasion a l'abasia
- Gumberto
- Marsilio
- Marsilio m. av 1210
- Jacopino m. av 1262
- Niccolò (n. 1282, m. 1344)
- Jacopo I, Sior de Padova m. 22 de novenbre 1324
- Marsilio, Sior de di Padova
- Ubertino I, Sior de Padova m. 20 de marso 1345
- Marsilietto, Sior de Padova m. 1345
- Jacopino II, Sior de Padova
- Francesco I, Sior de Padova
- Francesco Novello (n. 19 maggio 1359.
- Conte
- Francesco III (m. 1406)
- Jacopo (m. 1406)
- Marsilio (m. 1435)
Nosion
[canbia | canbia el còdaxe]On ramo cadeto de ła famegia, i Papafava, i ga otegnesto ła iscrision al patriziato venesian e ła xe ncora unco existente. Vari sentri veneti i ga visto pasar la man de i Cararesi, che al tenpo i xugava e i se aleava co i Scałigeri e Venesia. A Loso, a Canpo San Piero, a Sitadèła e tanti altri borghi ghe xe testimonianse bianco rose, cołori uxadi da i Cararesi. Oviamente Padova xe la sità co pi ricordi de sta famegia.
Bibliografia
[canbia | canbia el còdaxe]- G. Cittadella - Storia della dominazione carrarese in Padova, Volume 1 - Padova, 1842.
- G. Vasoin - La signoria dei Carraresi nella Padova del '300 - La Garangola, Padova, 1988.
- O. Longo - Padova carrarese - Il poligrafo, Padova, 2005, ISBN 88-7115-398-7.
Łigamenti foresti
[canbia | canbia el còdaxe]- Albaro geneałògico Cararesi Archivià il 20 de aprile 2005 in Internet Archive.
Wikimedia Commons el detien imàjini o altri file so Cararesi
el detien schemi gràfeghi so
