Canpo San Trovaso
Sto articoło el xe scrito in venesian
|
Canpo San Trovaso xe un canpo de Venesia situà 'ntel sestièr de Dorsoduro.
Descrision[canbia | canbia el còdexe]
Xe considerà un logo pitoresco e unico anca par la visinansa ad uno dei pochisimi cantieri de gondołe restài in sità, sensa dubio el più conosùo e de fasiłe aceso anca par i foresti: el squero de San Trovaso.
Anca ła so strutura xe destrània, pa'l fato che da 'na parte se sviłupa so do livèłi e da l'altra prexenta 'na picoła xona verde. A cavàło de ste do bande se leva ła pontificàl céxa de San Trovaso.
No ghe xe tanti pałasi che se afasa so'l canpo, che gà do bande dełimitàe da l'aqua, tutociò va ricordà ła fasàda gotica de Pałaso Barbarigo Nani Mocenigo, che varda verso Canpo San Trovaso da ła fondamenta oposta.
El nome[canbia | canbia el còdexe]
El so strànbo nome (no ghe xe un santo de nome Trovaso) xe nato da ła misiàda de queło de do santi, i santi Gervasio e Protasio, par cui xe stà dedicà anca un canpièło qua visin.
