Canpo San Bazegio

	Canpo San Bazegio
Epònemo	chiesa di San Basilio (it)
Dati
Sorte	Canpo (urbanistega)
Pozision
Stato	Itałia
	45°25′52.39″N 12°19′15.01″E

Canpo San Bazegio^[1] el ze un canpo de Venesia, situà inte'l sestier de Dorsoduro, in un'area conpreza tra ał stremidà ocidentałe de ła fondamenta de łe Zàtare e Canpo San Sebastian.

Architeture

Canpo San Bazegio el ghe deve el só nome a'l fato che antigamente cui sorzeva ła cieza de San Bazegio, butada zó inte'l 1824^[2].

So'l łado sud, da indove el canpo el ze cołegà a łe Zàtare tramide ła całe de'l Vento, sorze el gran Pałaso Molin a San Bazegio, co ła só fasada dadrio sincuesentesca, caraterizada da cuatro trifore.

So'l łado ovest el canpo el ze sarà da un mureto che'l dà so'l rio de San Sebastian e varda so ła Stasion Marìtema, estremità orientałe de l'area de'l porto de Venesia.

So'l łado nord, dove che scominsia ła fondamenta San Bazegio, che ła mena verso San Sebastian, se łeva de łe vecie pałasine de tre piani.

Infin el łado est el ze ocupà da un alto muro co portałe co soaza a bunjà e mascaron, che ga drento na corte: łogo indove che se łevava, ła Scoła dei Acuarołi, fragia incargada de'l refornimento de l'acua potabiłe, de cui sto muro el ze ła soła rełichia^[3].

Note

↑ o sevente altre grafie San Baxegio
↑ Marcello Brusegan, Le chiese di Venezia, Newton Compton 2007, p.379.
↑ Elena Bassi, Tracce di chiese veneziane distrutte: ricostruzioni dai disegni di Antonio Visentini, p. 89.

Bibliografia

Guida d'Italia – Venezia, Milano, Touring Editore, 1985, p. 451.

Altri projeti

Wikimedia Commons el detien imàjini o altri file so Canpo San Baxegio
Scholia el detien schemi gràfeghi so Canpo San Bazegio

[1] sevente altre grafie San Baxegio

[2] Marcello Brusegan, Le chiese di Venezia, Newton Compton 2007, p.379.

[3] Elena Bassi, Tracce di chiese veneziane distrutte: ricostruzioni dai disegni di Antonio Visentini, p. 89.

[1]

[2]

[3]