Céxa de San Nicołò dei Mendigoli

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Cèxa de San Nicolò dei Mendigoli
El prospeto de ła Céxa de San Nicołò dei Mendigołi
El prospeto de ła Céxa de San Nicołò dei Mendigołi
Locałità Venesia
Coordinae

45°25′58″N 12°18′57″E / 45.4327, 12.3158

Rełijon Catołega
Diocexi Patriarcà de Venesia

Coordinate: 45°25′58″N 12°18′57″E / 45.4327, 12.3158

Ła céxa de San Nicołò dei Mendigołi xe un edifcio lerigióxo de ła sità de Venesia, situà 'ntel sestièr de Dorsoduro.

Storia[canbia | canbia sorxente]

Ła céxa de San Nicołò dei Mendigołi xe una infra łe più antighe de Venesia: se prexume che existese xa 'na costrusión 'ntel VII secoło.

Ghe xe do ipòtexi su ł'orìxene del nome de ła céxa. Segóndo łe prime ipòtexi, Mendigołi sarìa ła strupiàda de Mendigoła che xe ł'antigo nome de ł'ìxoła sòra ła quała ła xe fabricàda. Segóndo ł'altra ipòtexi, Mendigołi derivarìa da mendici a indicar łe modestisime condisión de vita de ła contrà, abitàda prevałentemente da pescaóri e artexàni.

Xe pròpio in sta contrà che gaveva sede i cussìditi Nicołoti, una de łe fasión de łavoratori de ł'Arsenal, acerimi scontri de ła simiłe fasión dei Castełani, situài a ł'estremo oposto de ła sità ne ła xona de San Piero de Casteło. Almanco 'na volta a ł'ano łe do fasión se scontràva viołentemente su'l Ponte dei Pugni ne ła visina parochia de San Barnaba, in una tradisionàl batàgia a man nùe.

Ła céxa xe restàda seriamente disestàda da ła diłuviòn del 4 novenbre 1966. Nei ani setanta xe stàda al sentro de un conpleso intervento de restàuro, finansià grasie al Venice in Peril Fund, durante 'l quało se gà prosedùo anca a 'na montàda xenerałe del siòło, esposto continuamente ai dani de ł'aqua alta, esendose vegnìo a trovar ben trenta sentimetri soto el liveło medio dei canałi.

'Ntel 1973 ła céxa xe stàda uxàda anca come set sinematografego par el film A Venezia... un dicembre rosso shocking de Nicolas Roeg.

Descrisión[canbia | canbia sorxente]


Ła costrusión del VII secoło xe stàda sostituìa da ł' atual céxa del XIII secoło, de inpiànto romanico baxełegal a tre navàe. Anca sta segónda fabrica xe stàda anpiamente rimanixàda nel corso del tenpo, sia a l'esterno, co' ła xontadùra 'ntel XV secoło de un picoło pòrtego su'l lai setentrionàl, sia a l'interno, tanto rico, dove 'ntel XVI secoło ła navàda sentràl xe stàda nobiłiàda co' statue in legno indorà. Łe paréde soràne xe decoràe da un ciclo de dipinti rafeguranti sene de ła vita de Gesù Cristo, òpara de diversi pitori apartenenti a ła scòła del Veronese. Al so interno xe paràltro prexente el corpo de San Niceta (martire goto). Pregevołe anca l'organo del XIX secoło, de ła dita Bazzani.

Bibliografia[canbia | canbia sorxente]

  • L'Italia - 5. Venezia, Milano-Roma, Touring Club Italiano/L'Espresso-La Repubblica, 2005, pagg. 456-7


Altri progeti[canbia | canbia sorxente]


Siti da vardàr[canbia | canbia sorxente]

Modèl:Portàłe