Brodo

Eł brodo l'è un tipo de menestra tipega de ła coxina poera che se cata nteła Rejon Veneta e anca nteł resto del itałia. Ł'e na menestra ciara de cołor dorato e se ghe buta de ła pastina (o stełete o bigułi maltajadi) e na beła branca de formai (o grana o regiano). Par coxinar sta menestrina bexon metarghe dełi os de carne (o gał vecio o manzo, o anca tut'e do), carote, sedano, zheoła e ajo drento a na pignata piena de aqua. Ła se fa bołir par tre o quatro ore. Ł'è na menestra che se pol far co pochi schei, e donca l'è sta sempre popłar neła Rejon Veneta ntełi tempi de ła dopoguera. De sołito ghe piaxe anca ałi toxatełi parche' l'ha un saor senpłise e bon, ma bexon starghe drio parché sta menestra broa co che l'è pena mesa in toła e i se bruxa ła boca.