Brigitte Bardot
Brigitte Bardot (francexe: IPA: [bʀi'ʒit baʀ'do] ) (ła xe nata el 28 de setenbre, 1934) ła xe 'na atrice, modeła, cantante fransexe, conosesta come ativista par i diriti dełe bestie, e considerà on sex symbol 'ntel periodo che va dai ani '50 ai ani '60.
Dai ani '70, dopo esarse ritirà dałe séne, ła se ga batù par i diriti dełe bestie, atività che ła continua a fare anca 'deso. Durante i ani '90 ła ga vudo inclinasion połiteghe de estrema destra sopratuto par quanto riguarda łe question de l'immigration, de l'Islam in Fransa, l'omosesuałità.
Biografia[canbia | canbia el còdexe]
Brigitte Bardot ła xe nata a Parigi da Anne-Marie 'Toty' Mucel e da ł'industriałe Louis 'Pilou' Bardot. So mare ła ga incorajà i intaresi musicałi e de bało de Brigitte fin da quando che ła jera picinina. A sołi 15 ani ła ga poxà come modeła par Elle.[1]
