BMW

Da Wikipedia, l'ençiclopedia libara.
Jump to navigation Jump to search
Bayerische Motoren Werke AG
BMW
Logo
Hochhaus 'BMW Vierzylinder'. München. 83 orig.jpg
StatoXermania
Altri statiDEU
Forma sosietariaAktiengesellschaft
Borse vałoriBorsa de Francoforte: BMW
ISINDE0005190003 e DE0005190037
Fondasion1917
Fondada daFranz Josef Popp e Karl Rapp
Sede prinsipałeMonaco de Baviera
Infiołae* BMW Motorrad
Persone ciaveNorbert Reithofer presidente
Harald Krüger aministrator dełegà
Stefan Quandt (posesor del 29% del pacheto asionàrio)
Susanne Quandt Klatten (21% del pacheto asionàrio)
Setoreautomobiłìstego
ProdotiAutomobiłi
  • Motosiclete
  • Dipendenti129 932[1]
    BomòPiàxer de guidar (Freude am Fahren)
    www.bmw.com


    Ła BMW (sigla de Bayerische Motoren Werke, traduxibiłe in veneto cofà "fàbrega bavarexe de motori") ła xe na dita todesca produtora de autoveicołi e motoveicołi, co sede a Monaco de Baviera. Fondada ufisialmente inte el 1917 inisialmente par produxer motori d'aèreo, ła ga estendesto progresivamente ła so atività fin a deventar una de łe caxe automobiłìsteghe pì inportanti e prestijoxe del mondo par ła cuałità costrutiva e ła modernità tecnołòxega e inxegnerìstega dei so prodoti.

    Inte el 2017, el gruppo BMW ga vendesto a łiveło mondiałe automobiłi (marche BMW, Mini e Rolls-Royce) e motoveicołi a do ròde (marca BMW).

    Orixeni de ła marca[canbia | canbia el còdaxe]

    Durante ła prima guera mondiałe, l'industria mecànega todesca ła jera inpegnà a mejorar ła potensae e l'afidabiłità dei novi aèrei da casa che, par ła prima volta, i rivestiva un inportante ròło bełico e no soło.

    Anca ła Daimler gavea metesto a punto un motor aereonautego, reałixà da ał consosiada austriaca Austro-Daimler e svłlupà da Max Friz, uno dei briłanti inxegneri del reparto corse Daimler, ła cui atività xera sospexa a cauxa de ła guera.

    Ordenada dal goèrno austriaco, par raxón de çełerità produtiva ła costrusion dei motori Austro-Daimler xe stà afidà a ła liçenziataria bavarexe Rapp Motorenwerke, dita de Monaco de Baviera fondada inte el 1913 da Karl Rapp e Julius Auspitzer, indove anca Friz se ga trasferìo co ła speransa de védar reałixà el so projeto par un motor de aèreo co sìe çiłindri in łinea e àlbaro a came in testa, capaçe de funsionar a cuote tanto ełevàe, ben oltra i 5.000 metri. A ła Rapp, in veste de supervixor tècnego de l'aviasion miłitar austro-ungarega, xera prexente l'inxegnèr Josef Popp, al cuałe Friz ga mostrà i dexegni del so novo motor.

    Popp ga capìo suito che se tratava de un propulsor tecnołoxegamente tanto avansà e ne ga caldexà l'adosion a ła Rapp Motorenwerke. El prototipo del novo motor venne ben presto reałixà, mostrando doti de potensa e łexieresa ben superiori a ła produsion de l'epoca. Ła novità ga destà suio l'intarese del Reich todesco che, al fin de reconcuistar ła supremasia inte'i siełi, ne ga comisionà ła costrsion in 600 exenplari. El 7 de marso 1916 ła Rapp Motorenwerke se ga fondesto co n'altra axienda todesca de Monaco costrutora de motori d'aereo, ła Gustav Otto Flugmaschinenfabrik de l'inxegnèr Gustav Otto, so fiol del pì famoxo Nikolaus August Otto (l'inventor del motor a sciopoo); łe do axiende, pur continuando ad operar co łe sìngołe raxon sosiałi, xe andài a costituir un consorsio industriałe registà cofà Bayerische Flugzeugwerke[2] (BMW), con sede al numero 76 della Lerchenauer Straße[3]. Ma nonostante ła sigla non sia ancora cueła de l'ancò famoxo costrutor automobiłìstego e motosiclìstego bavarexe, alcuni storeghi asume pròpio el 7 de marso 1916 come data de nasita de ła BMW, anca se ufisialmente ła marca ła jera ancora inexistente.

    El motor aeronautico BMW IIIa a sìe siłindri in łinea, progetà da l'inxegnèr Max Friz inte el 1917

    Pochi mesi drìoman ła fuxion, Gustav Otto ga łasà l'axienda omonema, che de łì a pochisimo ła ga serà i batenti. In pràtega, da sto ponto in po', ła BFW se ga catà a detener ła soła Rapp Motorenwerke, ma no xe pasà tanto tenpo che anca Karl Rapp ga desidesto de ritirarse da ła diresion de ła so axienda e 'l 26 de novenbre 1916, Josef Popp ne ga ciapà ła guida mudando ła raxon sosiałe de ła Rapp Motorenwerke in Bayerische Motorenwerke GmbH (BMW).[2] Tałe canbiamento de raxon sosiałe xe stà datà 21 de łujo 1917 e co ła so registrasion a ła Camara de Comercio, ła marca BMW ga faxesto par ła prima volta ła so conparsa inte el panorama de l'industria motorìstega todesca, e par tanti altri storehi xe stada staltra ła data de nasita ufisiałe del costrutor bavarexe. Ła produsion de motori aeroauteghi ga continuà par tuto l'ùltemo periodo de ła Prima Guera Mondiałe: in partegołar, Popp ga prosedesto a inviar ła produsion del motor aeronautego progetà da Friz, può devegnesto sełebre cofà BMW IIIa. Co un ato del 5 de otobre 1917, ła produsion de ła BMW se ga estendesto anca ai veicołi terestri e anfibi e parfìn a bisiclete e ad asesori par autoveture. Inte el steso periodo, Popp ga brevetà el novo logo de ła Caxa, o sia el canpo sircołar negro contegnente ła consentrega raprexentasion dei cołori nasionałi bavarexi (bianco, axuro e oro). El sìnboło l'è rivà fino al XXI sècoło co poche variasion gràfeghe e cromàteghe, consistenti prinsipalmente inte ła modifega del caratere, de ła spasiadùra infra łe letare e da l'adosion del cołor arxento al posto de l'oro. Se tegna prexente che l'atività de ła BMW in sti primi ani xe avegnesta senpre soto el contròło de ła Bayerische Flugzeugwerke, ła cuała ga continuà ad aver na pròpia sede. Grasie a łe comese de guera, ła picoła axienda xe cresùa rapidamente. Ai marxeni de l'aeroporto miłtar de Oberwiesenfeld de Monaco, l'axienda ga costruìo un spasioxo stabiłimento, proporsionà a ła forte cresita de ła produsion, indove fin al 1918 se ga fabricà motori par aerei miłitari.

    Un ano drìoman ła so nasita, e presixamente el 13 de agosto 1918, ła Bayerische Motorewerk GmbH ga canbià in Bayerische Motorenwerk AG, na società per azioni co un capitałe sosiałe de 12 miłioni de marchi todeschi, un terso dei cuałi del consejer comerciałe itałian Camillo Castiglioni. Ła diresion tecnega de l'axienda xe stà asegnà a l'aministrador de ła GmbH, Franz Josef Popp. Al termene del ràdego, łe desixion derivàe dal pato de Versailles del 1919 gaveva portà tanti canbiamenti destinai a mudar radegalmente ła storia de ła BMW. El Regno de Baviera se ga catà acorpà a ła Republega de Weimar, a ła cuała xe stà proibìa ła costrusion de aerei, troncando cusì ogni posibiłità de cołocar e svłlupar gli ormai cołaudai motori IIIa. Inaxonta, l'inflasion gałopante jera drìo métar in seria crixi el tesùo industriałe tdoesco, conprexe łe stese BFW e BMW. Xe stà a sto ponto che Castiglioni xe intervegnesto in maniera pì insixiva inte łe sorte de ła Caxa de l'Èłexe. Xa fondador inte el 1920 de ła Süddeutsche Bremsen-AG, na axienda ativa inte el setor metalmecanego, inte'ła vèrta del 1922 Castiglioni ga riłevà par intèro ła BMW, e insenbre a Popp, ga indresà ła produsion inisialmente verso i rami motosiclìstego e nautego. Ciò ga avesto però come rexultado anca ła sconparsa de ła Bayerische Flugzeugwerke. Łe ex-propietà imobiłiari de ła BFW xera stàe riłevàe da Castiglioni e xontàe invese a ła Süddeutsche Bremsen. Inte el fratenpo, łe inpoxision del Tratàdo de Versailles a propoxito de ła produsion aeronautega in Xermania xera deventàe senpre manco rixide e xa in chel steso 1922 ła BMW ga podesto tornar a sperimentar alcuni motori aeronauteghi, rinviando cusì gradualmente anca tałe setor che restarà ativo fin a ła fin de ła Segonda Guera Mondiałe. Inte el 1924, ła produsion aeronautega ga podesto dirse pienamente rinivada.

    Notasion[canbia | canbia el còdaxe]

    1. Geschäftsbericht 2017 - BMW Group
    2. 2,0 2,1 AA.VV., Enciclopedia dell'auto, p. 97.
    3. BMW, R.W. Schlegelmilch / H. Lehbrink / J. von Osterroth, 2004, Könemann, pag.8

    Altri projeti[canbia | canbia el còdaxe]

    Linganbi foresti[canbia | canbia el còdaxe]


    Controło de autoritàVIAF (EN129013645 · ISNI (EN0000 0001 2308 257X · LCCN (ENn81052383 · GND (DE2005475-0 · BNF (FRcb12001551z (data) · WorldCat Identities (ENn81-052383
    Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=BMW&oldid=955712"