Mercedes-Benz

Da Wikipedia, l'ençiclopedia libara.
Jump to navigation Jump to search
Mercedes-Benz
Logo
Stuttgart, Germany (3431696457).jpg
Forma sosietariaSussidiaria
Fondasion2019
Fondada da
  • Karl Benz
  • Gottlieb Daimler
  • Wilhelm Maybach
GrupoDaimler
Setoreautomobiłistego
ProdotiAutoveture
Veicołi comerciałi
BomòDas Beste oder nichts.
www.mercedes-benz.com


Prima version de ła stèła de Mercedes-Benz
Segonda version de ła stèła de Mercedes-Benz

Mercedes-Benz ła xe ła marca comerciałe utiłixà da vari produtori inte'l tenpo. El so primo utiłixo risałe al 1926 dopo ła fuxione de ła Daimler-Motoren-Gesellschaft (che dal 1902 ła utiłixava el nome Mercedes par łe so autoveture) co ła Benz & Cie. e ła conseguente creasion del grupo Daimler-Benz. Ła marca ła xe stà de propietà de ła Daimler-Benz dal 1926 al 1998 e de ła DaimlerChrysler dal 1998 al 2007. Inte'l 2007, drìoman el dixinpegno a ła Daimler dal grupo nasesto da l'union co ła Chrysler, Mercedes-Benz xe ła marca de ła nova Daimler AG unitamente a Maybach, McLaren (fin al 2009) e Smart.

El stema, cołocà so'l cofano motor de łe veture, raprexenta na stèła a tre ponte, segno distintivo de ła Daimler, çircondada da ła corona de łavrano de ła Benz e da łe parołe Mercedes-Benz, senpre so ła corona esterna. El nome in cuestion (cuało?) el xera stà utiłixà xa inte'l 1924 par ła creasion de na prima rede de vendita in comun tra łe do axiende.

L'orixene de sta stèła ła vien da na cartułìna indove Gottlieb Daimler gaveva dexegnà na stèła a 3 ponte che ła raprexentava ła capaçità de utiłixo del so motor par tera, aria e mar.

Inte'l 2019 Daimler ga deçidesto de crerar ła divixion autonoma Mercedes-Benz AG, postatamente par seguir ła produsion de autoveture e veicołi comerciałi, mentre łe divixion autocari e autobus łe deventa Daimler Truck AG.

Storia[canbia | canbia el còdaxe]

Ła storia de ła marca Mercedes-Benz xe sta asè intensa, par via dei eventi storeghi, połiteghi, conomeghi e sociałi che i se ga incroxà co ła so continua riserca e sperimentasion de sołusion d'avanguardia par poderse confermar ai masimi łivełi de ła produsion mondiałe.

Dopo pochi ani de vita ła ga dovesto far prima i conti co ła Granda Depresion del 1929 e drìoman, inte'l 1933, co l'avento del naxismo, ed infin co ła segonda guera mondiałe, periodo durante el cuało ła se ga convertìa paraltro a ła produsion bełica.

Search ballonicon2.svg Par savèrghene de pì, vardarse ła voxe Storia de ła Mercedes-Benz.


Denominasion dei veicołi Mercedes-Benz[canbia | canbia el còdaxe]

Concesionario Mercedes a Monaco de Baviera (Xermania)

Fin al 1994 ła denominasion uxual dei modełi Mercedes xera conponesta da 3 cifre che raprexentava ła siłindrata del veicoło e da una o più łetere che ne caraterixava ła motorixasion e ła tipołoxia. Da ła denominasion 200 D, ad exenpio, se podeva dexumer ła motorixasion diesel de 2.000 cm³ e ła partegnensa a ła clase de łe berline.

Da chel'ano in po' i autoveicołi Mercedes i se divide in clasi a segonda del tipo e de ła partegnensa ad ognuna de staltre. Atualmente cuełe in vendita łe xe: A (berlina a 2 vołumi e a 3 vołumi), B (monovołume), C (berlina, coupé, cabriolet e station wagon), E (berlina, coupé, cabriolet e station wagon), S (berlina, coupé e cabriolet), G (fuoristrada), X (pickup), V (furgon), CLA (coupé a 4 porte e shooting brake), CLS (coupé a 4 porte), SLC (roadster), SL (roadster), GLA (crossover SUV), GLB (crossover SUV), GLC (SUV e crossover SUV), GLE (SUV e crossover SUV), GLS (SUV), EQC (SUV ełetrico) e AMG GT (sportiva e coupé a 4 porte).

  • Ła Classe A ła xe na vetura de segmento C che raprexenta ła gama de aceso de ła caxa todesca. Ła ga sostituìo inte'l 2012 el modeło preçedente, che'l xera inveçe na monovołume de inpostasion conpletamente difarente. Inte'l 2018 ne xe stà prexentà ła cuarta xenerasion, disponibiłe anca in version berlina 3 vołumi.
  • Ła Classe B ła xe na monovołume che condivide el pianałe co ła soreła minor Classe A e come sta ùltema, insieme a ła Classe CLA e ła Classe GLA, ła ga ła trasion anterior.
  • Ła Classe C ła xe ła clàsega berlina a 3 vołumi de segmento D de ła Caxa todesca renovada par intièro inte'l 2014 co 2 diversi frontałi a segonda de łe version. Ła Classe C ła xe disponibiłe anca in te łe version station wagon, coupé e cabriolet. Łe so concorenti storeghe xe ła BMW Serie 3 e l'Audi A4.
  • Ła Classe CLA, o pì senplisemente CLA (sigla de projeto C117) ła xe na coupé a 4 porte produxesta a partir dal 2013. Inte'l 2015 ne vien prexentada ła version Shooting Brake e inte'l 2019 ne vien prexentada ła segonda xenerasion. Ła xe disponibiłe anca co motorixasion AMG: Ła AMG CLA 45s 4Matic+ monta el 4 çiłindri benxina pì potente del mondo, 421 cavałi par 2 łitri de çilindrata.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mercedes-Benz&oldid=962675"