Mercedes-Benz

Da Wikipedia, l'ençiclopedia libara.
Infobox de Organizasion Mercedes-Benz
Stuttgart, Germany (3431696457).jpg
Tipomarca automobilistica (it) Traduzi
inprexa Cànbia el vałor in Wikidata
Fondasion2019
FondadoreKarl Benz
Cao ezecutivoDieter Zetsche (it) Traduzi Cànbia el vałor in Wikidata
GrupoDaimler
Setoreautomobiłistego
Indùstriaindustria automobilistica (it) Traduzi Cànbia el vałor in Wikidata
ParonDaimler-Benz (it) Traduzi
Daimler AG (it) Traduzi Cànbia el vałor in Wikidata
Forma sosietariaSussidiaria
ProdotiAutoveture
Veicołi comerciałi
BomòDas Beste oder nichts.
Sito ufisiałe

Facebook place: MercedesBenz Twitter: MercedesBenz Instagram: mercedesbenz Youtube: UClj0L8WZrVydk5xKOscI6-A TikTok: mercedesbenz


Prima version de ła stèła de Mercedes-Benz
Segonda version de ła stèła de Mercedes-Benz

Mercedes-Benz ła ze ła marca comersiałe utiłizà da vari produtori inte el tenpo. El so primo dòprao el risałe al 1926 dopo ła fuzion de ła Daimler-Motoren-Gesellschaft (che dal 1902 ła uiłizava el nome Mercedes pa'łe so autoveture) co ła Benz & Cie. e ła conseguente creasion del grupo Daimler-Benz. Ła marca ła ze stà de propietà de ła Daimler-Benz dal 1926 al 1998 e de ła DaimlerChrysler dal 1998 al 2007. Inte el 2007, drìoman el dizinpegno a ła Daimler dal grupo nasesto da l'union co ła Chrysler, Mercedes-Benz xe ła marca de ła nova Daimler AG unidamente a Maybach, McLaren (fin al 2009) e Smart.

El stema, cołocà sol cofano motor de łe veture, el raprezenta na stèła a tre ponte, segno distintivo de ła Daimler, çircondada da ła corona de łavrano de ła Benz e da łe parołe Mercedes-Benz, senpre so ła corona esterna. El nome in cuestion (cuało?) el zera stà utiłizà xa inte el 1924 par ła creasion de na prima rede de vendita in comun tra łe do aziende.

L'orizene de sta stèła ła vien da na cartułìna indove Gottlieb Daimler gaveva dezegnà na stèła a 3 ponte che ła raprezentava ła capaçità de utiłizo del so motor par tera, aria e mar.

Inte'l 2019 Daimler ła ga deçidesto de crerar ła divizion autonoma Mercedes-Benz AG, postatamente par seguir ła produsion de autoveture e veicołi comersiałi, mentre łe divizion autocari e autobus łe deventa Daimler Truck AG.

Storia[canbia | canbia el còdaxe]

Ła storia de ła marca Mercedes-Benz ze sta intensa asé, par via dei avegnimenti stòreghi, połìteghi, conòmeghi e sosiałi che i se ga incrozà co ła so continua riserca e sperimentasion de sołusion d'avanguardia par poderse confermar ai masimi łevełi de ła produsion mondiałe.

Dopo pochi ani de vita ła ga dovesto far prima i conti co ła Granda Depresion del 1929 e drìoman, inte'l 1933, co l'avento del nazismo, ed infin co ła segonda guera mondiałe, periodo durante el cuało ła se ga convertìa paraltro a ła produsion bełica.

Search ballonicon2.svg Par savèrghene de pì, vardarse ła voxe Storia de ła Mercedes-Benz.


Denominasion dei veicołi Mercedes-Benz[canbia | canbia el còdaxe]

Concesionario Mercedes a Monaco de Baviera (Zarmània)

Fin al 1994 ła denominasion uxual dei modełi Mercedes ła zera conponesta da 3 sifre che raprezentava ła siłindrata del veicoło e da una o più łetere che ne caraterizava ła motorizasion e ła tipołoxia. Da ła denominasion 200 D, ad exenpio, se podeva dexumer ła motorizasion diesel de 2.000 cm³ e ła partegnensa a ła clase de łe berline.

Da chel'ano in po' i autoveicołi Mercedes i se divide in clasi a segonda del tipo e de ła partegnensa ad ognuna de staltre. Atualmente cuełe in vendita łe ze: A (berlina a 2 vołumi e a 3 vołumi), B (monovołume), C (berlina, coupé, cabriolet e station wagon), E (berlina, coupé, cabriolet e station wagon), S (berlina, coupé e cabriolet), G (fuoristrada), X (pickup), V (furgon), CLA (coupé a 4 porte e shooting brake), CLS (coupé a 4 porte), SLC (roadster), SL (roadster), GLA (crossover SUV), GLB (crossover SUV), GLC (SUV e crossover SUV), GLE (SUV e crossover SUV), GLS (SUV), EQC (SUV ełetrico) e AMG GT (sportiva e coupé a 4 porte).

  • Ła Classe A ła xe na vetura de segmento C che raprezenta ła gama de aceso de ła caza todesca. Ła ga sostituìo inte'l 2012 el modeło preçedente, che'l zera inveçe na monovołume de inpostasion conpletamente difarente. Inte el 2018 ne ze stà prezentà ła cuarta zenerasion, disponìbiłe anca in varsion berlina 3 vołumi.
  • Ła Classe B ła ze na monovołume che condivide el pianałe co ła soreła minor Classe A e come sta ùltema, insénbre a ła Classe CLA e ła Classe GLA, ła ga ła trasion anterior.
  • Ła Classe C ła ze ła clàsega berlina a 3 vołumi de segmento D de ła Caza todesca renovada par intièro inte'l 2014 co 2 diversi frontałi a segonda de łe varsion. Ła Classe C ła ze disponìbiłe anca inte łe varsion station wagon, coupé e cabriolet. Łe so concorenti storeghe łe ze ła BMW Serie 3 e l'Audi A4.
  • Ła Classe CLA, o pì senplisemente CLA (sigla de projeto C117) ła ze na coupé a 4 porte produzesta a partir dal 2013. Inte'l 2015 ne vien prezentada ła varsion Shooting Brake e inte el 2019 ne vien prezentada ła segonda zenerasion. Ła ze disponìbiłe anca co motorizasion AMG: Ła AMG CLA 45s 4Matic+ monta el 4 çiłindri benzina pì potente del mondo, 421 cavałi par 2 łitri de çilindrata.
  • Ła Classe CLS ła nase so ła baze de ła ercedes-Benz Classe E. El łanso l'è avegnesto inte l'ùtuno del 2004. L'idea de ła caza todesca ła jera cueła de crear na berlina co na łinea talmente fiłante da confondarse co na coupé. Sto conceto fa difondar un vero e propio novo segmento de veture: łe coupé a 4 porte. Inte'l 2010 ze entrà in comersio ła segonda serie e inte'l 2014 A ze stà proponesta ła variante Shooting Brake. Dal 2018 A ze in comersio ła tersa serie, disponibiłe solo in varsion coupé a 4 porte. Łe so concorenti prensipałe łe ze ła BMW Serie 6 Gran Coupé e ła Audi A7.
  • Ła Classe E, de ła cuała ze stà prezentà el novo modeło inte'l 2016 (sotoponesto po' a restyling inte'l 2020 par sèitar el novo corso stiłìstego de ła caza todesca), ła ze na grosa berlina de segmento E, ma anca uno dei piłastri de ła produsion. Łinea ełegante, motori ecołòzeghi, interni e dispozidivi tecnołòzeghi de prima nesesità. Ła ze disponibiłe par zonta inte łe varsion station wagon (anca co trasion integrałe permanente 4Matic), coupé e cabriolet. Da ła cuarta zenerasion ne ze disponibiłe na varsion fuoristrada derivada da ła station wagon, co l'obietivo de far concorensa a l'Audi A6 Allroad.
  • Ła Classe G (G sta par Geländewagen, cioè fuoristrada) ła vien produzesta fin dal 1979 in diverse serie. Ła raprezenta un fuoristrada sportivo da łe prestasion ecesionałe.


Ła Classe S ła ze ła granda amiraja da senpre ponto de refarimento de ła so categoria par clase e stiłe incondibiłi. Proponesta in do carosarìe, normałe e łonga, ła ze senpre ai vertici, par seguresa, prestasion, tecnołozìa e comfort. Mercedes inte'l 2008 ła ga prezentà in vari sałoni varsion ibride ed ecołòzeghe de sto modeło co l'intento de sotołinear el so inpegno inte ła creasion de veture capase de respetar l'anbiente a presinder da ła clase e da ła categoria. Ła ze produzesta anca in varsion, coupé (costituìndo in sot cazo ła Classe CL: C140, C215, C216), in varsione limousine e cabriolet. Tute łe varsion łe ze disponibiłi co motorizasion AMG: S 63 (5,5 V8 biturbo) e S 65 (6,0 V12 biturbo). Dal 2015 A ze inazonta disponibiłe na łusuozisima varsion a paso extrałongo soto ła marca Maybach. Inte'l 2020 ne vien prezentà ła sètema zenerasion.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mercedes-Benz&oldid=1088778"