Andrea Griti
 (1523)  | |
| Nome orizenałe | (it) Andrea Gritti |
|---|---|
| Biografia | |
| Nasimènto | 17 de apriłe del 1455 Bardołin (Repùblega de Venèsia) |
| Mòrte | 28 de disenbre del 1538 (83 ani) Venèsia (Repùblega de Venèsia) |
| Liogo de sepełimento | Venèsia |
| 77o Doxe | |
| 20 de majo del 1523 – 7 de majo del 1538 ← Antonio Grimani – Pietro Lando → | |
| Dati personałi | |
| Rełijon | Catołicismo |
| Atività | |
| Ocupasion | |
| Cariera miłitar | |
| Grado miłitare | Generałe |
| Conflito | Guera de ła Liga de Canbrai |
| Fameja | |
| Fameja | Gritti (it)  |
| Cògnuze | Vendramin (it) |
| Fiołi | |
 | |
|
| |
_-_Choir_-_Monument_to_Andrea_Gritti.jpg)
Andrea Griti (Bardołin, 17 de avril 1455 - Venesia, 28 de disenbre 1538) el xe sta el setantaseteximo doxe de ła Repùblica Veneta.
Fioło de Francesco e de Viena Zane, dopo esar restà orfano de pare el vien tirà su da so nono Triadano, che se ło porta drio durante łe so inbasarie pa' ła Republica in Inghiltera, Fransa e Spagna. Inte el 1476, so mojere Benedeta Vendramin ła more co ła jera drio partorir Francesco, ugnoło fioło lejitimo del Griti. Xovane védoo el se trasferise a Costantinopołi, andove jera bałio el proxio Batista. Là el fa el marcante, soratuto de grani, e el va convivare, a Pera, co na xovane greca da ła cuałe el gavarà cuatro fiołi "bastardi": Alvixe, Xorxi, Lorenso e Piero.
Inte el agosto del 1499 i turchi i descoerxe che el ghe pasa informasion a Venesia so ła marineria miłitare otomana. Grasie a l'amicisia col vixir el riese a evitar ła péna de morte e el vien icaxonà inte ła fortesa de łe Sete Tori (ciamà da i turchi Yedikule) . Dopo scuaxi tri ani el vien rełasà par condure łe tratative de pase infrà Venesia e el turco.
Inte el 1503 el torna Venesia, andove el se marida co Maria Donà che ła ghe darà do fiołe: Benedeta e Viena. A Venesia el se dedica a ła pułitega e inte el 1509 el deventa procurador de San Marco. Dopo ła sconfita de Agnadeło el guida ła reconcuista del stato da Tera: a lujo el entra a Pàdoa, che el defendarà, inte el setenbre del steso ano, dal asedio de łe trupe inperiałi; cuindi el riconcuista Soave. Inte el disenbre del 1511 el xe sol fronte orientałe e inte el febraro del 1512 el entra a Bresa, ma sensa l'artiłieria no'l pol destanar i ocupanti fransexi che se xe rintanai inte el casteło, che, insieme a i rinforsi guidai da Gaston de Foix-Nemours i bate i venesiani e i catura el Griti. Portà a Pavia, po inte el castel Sforsesco a Miłan e cuindi a Lion el vien libarà inte el 1513 dato che intanto Venesia e Fransa łe xe deventae aleae. El rientra cuindi Venesia andove el vien nominà savio del Consejo. Inte el majo del 1514 el vien nominà Capitan Xeneral da Mar.
El 20 de majo del 1523 el vien eleto doxe, col minimo indispensàbiłe dei voti. A ła so morte, avegnua el 28 de disenbre del 1538, el vien sepolto inte ła cexa de San Francesco de ła Vigna.
Altri projeti
[canbia | canbia el còdaxe]
Wikimedia Commons el detien imàjini o altri file so Andrea Griti
el detien schemi gràfeghi so
| Controło de autorità | VIAF (EN) 74651632 · ISNI (EN) 0000 0000 8155 3539 · El vałore VEAV062892 de SBN no el xe mija bon. · LCCN (EN) n85354425 · GND (DE) 118901338 · BNF (FR) cb12082240c (data) · BNE (ES) XX5486109 (data) · ULAN (EN) 500206674 · BAV ADV10310704 · CERL cnp01324232 · WorldCat Identities (EN) n85-354425 |
|---|