Alberto Mario
.JPG)  | |
| Biografia | |
|---|---|
| Nasimènto | 4 de zugno del 1825 Lendinara (Itàlia) |
| Mòrte | 2 de zugno del 1883 (57 ani) Lendinara (Itàlia) |
| Liogo de sepełimento | Lendinara |
| Deputà del Regno d'Itàlia | |
| 18 de febraro del 1861 – 7 de setenbre del 1865 Lejislatura: VIII legislatura del Regno d'Italia (it)  | |
| Atività | |
| Ocupasion | |
| Fameja | |
| Cògnuze | Jessie White Mario (1858–1883) |
|
| |
Alberto Mario (Łendinara, 4 de zugno 1825 – Łendinara, 2 de zugno 1883) xe stà un [[patriota |patriota]], [[połitego |połitego]] e [[giornałista |giornałista]] [[Republica de Venesia |venesian]].
Biografia
[canbia | canbia el còdaxe]El zera disendente da na nobiłe fameja de orixine ferarexe che ła se zera stabiłio da tanto tenpo a Łendinara, Alberto, xovane studente a l'Università de Padova, l'8 de febraro 1848 el ga partecipà ativamente a łe manifestasion tanto da esare costreto a riparare a Bołogna.
A Bołogna el se unìse ai studenti vołontari agregà a łe trupe de Pio IX.
El conbate contro i austriaci a Basan, Trevixo e Vicensa. Dopo el fałimento de ła canpagna el ripara a Miłan dove el ga conosesto Garibaldi e Mazzini.
Inte i ani che i va dal 1849 al 1857, Mario el xe sta a łongo a Genoa insieme ai altri patrioti in bando.
Dopo aver pasà qualche mexe inte ła prexòn de Sant'Andrea a Genoa par el fałimento dei progeti rivołusionari, Mario el se ga trasferìo a Łondra dove inte el 1858 el se ga maridà co Jessie White, giornałista corispondente del Daily News.
Co so mujere el ga fato na serie de viaji che i ło ga portà anca inte i Stati Unii dove el ga portà avanti ła cauxa risorgimentałe.
Tornà in Italia, dopo aver pasà qualche dì in prexòn, el xe sta espulso dal Regno de Sardegna e el ga riparà a Ługan, dove el a se catava Mazzini e Cattaneo. Lì Mario el ga asunto ła diresion de l'organo mazinian "pensiero e azione".
Mario, co so mujer, el xe riusìo a imbarcarse par ła Siciłia par ragiungere Garibaldi co ła seconda spedision capitanà da Medici.
Pasà in Całabria el gaveva el conpito de reprimere łe rivolte dei contadini fedełi ai borboni.
Inte el 1862, Mario el ga scrito la camicia rossa, memoriałe so ła spedision dei Mille publicà in łéngua inglexe.
El ga partecipà a ła canpagna del 1866 al comando de alcune unità de flotiglia sol Łago de Garda. Inte el 1867 el xe sta co Garibaldi a Monterotondo e a Mentana.
Dal 1862 al 1866 el gheva ła residensa a Bellosguardo, vixsin a Firense e dopo l'anesion del Vèneto el se ga ristabiłìo a Łendinara, dove che el xe morto el 2 de zugno 1883.
Bibliografia
[canbia | canbia el còdaxe]- La Repubblica e l'Ideale, Antologia dei scriti de Alberto Mario, a cura de Pier Luigi Bagatin, Łendinara, 1984.
Wikimedia Commons el detien imàjini o altri file so Alberto Mario
el detien schemi gràfeghi so
| Controło de autorità | VIAF (EN) 14788307 · ISNI (EN) 0000 0000 8339 4332 · El vałore CFIV036237 de SBN no el xe mija bon. · LCCN (EN) n83212975 · GND (DE) 120175053 · BNF (FR) cb12044855q (data) · BAV ADV10273074 · CERL cnp00409980 · WorldCat Identities (EN) n83-212975 |
|---|