Adolfo Rossi

Da Wikipedia, l'ençiclopedia libara.
Va a: navigasion, serca

Adolfo Rossi (Łendinara (RO) 1857 - Buenos Aires 1921) el xe sta on giornałista, scritor e diplomatego itałian.

Nato a Valdento, frazion de Lendinara ma pena al de là del ponte davanti alla cesa de Viłanova, da fameja borghese de impiegati in pretura, l'è stà batezà a Viłanova del Ghebo, come se vede nei registri dea parochia del paese, ntel 1857. A 20 ani el gheva ciapà el posto de inpiegato a ł'uficio postałe de Łendinara. A Łendinara el frequentava ła caxa de Alberto Mario e el xe sta afaxinà da queło che ło steso el ghe cuntava de ł'America tanto che - a sołi 22 ani - el ga łasà improvisamente el Połexine, direto a New York. Arivà a New York sensa gnan on scheo el ga fato i laori pì umiłi fin quando el se ga inprovisà redator del periodico Il Progresso Italo-Americano. Al so ritorno in Itałia el xe sta apresà prima coma giornałista e scritor e po' come diplomatego, senpre al fianco dei emigranti italiani.

El xe morto improvisamente a Buenos Aires 'ntel 1921, mentre el cuerxeva ła prestigioxa carica de Ministro Plenipotensiario par ł'Itałia. Trasportà con na nave militare in Italia pai funerai de Stato l'è sta sepolto ntel zimitero de Lendinara a fianco de Alberto Mario e de so mujer Jessi Merton White. La bea epigrafe, detà da Olindo Malagodi, pare de Giovanni, che l'è stà segretario del Partito Liberale Italiano par tanti ani, la dise:

Ad Adolfo Rossi
Partito pioniere
fanciullo fra emigranti
per poi diventare guida e custode
Reduce ora nella pace della morte
Dopo percorse le strade del mondo e della vita
il paese nativo
orgoglioso che un suo figlio
fuori della patria nelle più lontane contrade
abbia mostrato quanto valgono uniti
mente e cuore italiano