The Cosby Show

The Cosby Show

File:Irobinson.jpg
Paeze	Stati Unii de ła Mèrica
Ano	1984-1992
Tipo fiction	serie TV
Zènare	commedia (it)
Spàsio d'anbientasion	New York
Caraterìsteghe tècneghe
Forma d'imàzene	4:3
Forma d'àudio	mono
Forma cołor	cołore
Ecuìp tècnega
Creador	Bill Cosby, Ed Weinberger, Michael J. Leeson
Produtor	Tom Werner, Marcy Carsey, Bill Cosby
Produtor ezecutivo	Marcy Carsey (en) , Bernie Kukoff (it) , Tom Werner (it) e Janet Leahy (en)
Atori	Bill Cosby: Cliff Robinson Phylicia Rashad: Claire Hanks Sabrina Le Beauf: Sandra Robinson Lisa Bonet: Denise Robinson Malcolm-Jamal Warner: Theo Robinson Tempestt Bledsoe: Vanessa Robinson Keshia Knight Pulliam: Rudy Robinson Geoffrey Owens: Alvin Tibideaux Joseph C. Phillips: Martin Kendall Raven-Symoné: Olivia Kendall Erika Alexander: Pamela "Pam" Tucker Clarice Taylor: Anna Robinson Earle Hyman: Russell "Sly" Robinson Deon Richmond: Kenny
Conpangnia produtora	Carsey-Werner Productions (it)
Destribudor	Viacom Inc. (it)  Netflix
Łéngua orizenałe	inglezo
Canałe orizenałe	NBC
Durada dei capìtułi	24 min
Primo epizòdio	20 de setenbre 1984
Ùltemo epizòdio	30 de avril 1992
Stajon	8
Epizodi	201
Lista epizodi	list of The Cosby Show episodes (en)
Òpare audiovizive ligae
Spin-off	A Different World
Altre	Not The Cosbys XXX (en)
Pì informasion
Sito web	carseywerner.net… →  (2000)

The Cosby Show ła ze na sitcom statunitense produzesta da'l 1984 a'l 1992, creà da Bill Cosby.

Trama

Ła serie ła conta ła vita de ła famegia Robinson, rezidente a New York, conposta da'l pare Heathcliff "Cliff" Robinson, zinecòłogo, da ła mare Claire, avogador, e dai sincue fiołi Sandra, Denise, Theo, Vanessa e Rudy. Ła serie ła ze costruìa un mucio so łe batùe fulminanti de Bill Cosby ma in zenarałe so i ràdeghi e so problemi portà dai fiołi zovenàti. Po' ła fameja ła se zlarga co'l rivo de Olivia (so fìa de Martin e de ła só ex muger, po', drioman a'l matrimonio co Martin, de Denis e Martin), i zemełi Winnie e Nelson (de Sandra e Alvin) e Pam (zermàna de Claire).

Epizodi

Ła serie ła conta 201 epizodi divizi patòchi in 8 stazon. Ła mesa in onda orizenal de l'epizodio piłota ła ze avenjùa el 20 setenbre 1984; l'epizodio concluzivo el 30 avrìl 1992.

Stagion	Epixodi	Prima TV orixinałe	Prima TV Itałia
Prima stazon	24	1984-1985	1986
Segonda stazon	25	1985-1986
Terza stazon	25	1986-1987
Cuarta stazon	24	1987-1988
Cuinta stazon	26	1988-1989
Sesta stazon	26	1989-1990
Sètema stazon	26	1990-1991
Otava stazon	25	1991-1992

Parsonazi e interpreti

El conjome orizenal de ła famegia protagonista el ze Huxtable che, inte ła varsion itałiana, el ze stà canbià in Robinson, parchà prononsiàr Huxtable A rezultava masa difisiłe pa'i itałiani, cusì el ze stà traduzsto in Robinson.

Parsonazi prinsipałi

• Dr. Heathcliff "Cliff" Robinson (stazon 1–8), interpretà da Bill Cosby, dopià da Ferruccio Amendola.
  El caofameja e un rinomà zinecòłogo.
• Claire Olivia Robinson, nasùa Hanks (stazon 1–8), interpretàda da Phylicia Rashad, dopiàda da Anna Rita Pasanisi.
  Ła ze só mojera de Cliff, mare de 5 fiołi, co i cuałi ła riese a mantenjer na granda disiplìna, tanto che st'altri i ghe ubidìse cofà buratìni. Ła ze avogador de suceso.
  Nota: In algune pontàe de ła tersa stazon Claire no ła ghe ze par njente.
• Sandra Tibideaux, nasùa Robinson (stazon 2–8), interpretà da Sabrina Le Beauf, dopià da Francesca Guadagno, da Micaela Esdra e, pì de rare volte, da Emanuela Rossi.
  Ła ze ła primozènita de Cliff e Clair. Avogador, łaureàda a l'Univarsità de Princeton, ła se spoza co el só morozo Alvin Tibideaux e ła ga do fiołi zemèłi. Durando ła prima stazon ła ze un parsonazo recorente ma non fiso (sendo iscrita a l'Univarsità ła ze de frente fora de carbona), inazonta inte ła prima spontàda no ła vien njanca sità, infati A vien dichiarà che i coniuzi Robinson i ga soło che cuatro fiołi. Drioman ła intra inte'l cast regołarmente inte ła segonda stazon.
• Denise Kendall, nasùa Robinson (stazon 1–4, 6-7), interpretà da Lisa Bonet, dopià da Silvia Tognoloni.
  È ła segondozènita de Cliff e Clair. Daspò un viazo in Àfrega ła se spoza co Martin Kendall, che porta in fameja anca ła fia picenina Olivia e inte l'ùltemo epizodio A se scoverze che ła speta un fantuìn.
• Theodore Aloysius "Theo" Robinson (stazon 1–8), interpretà da Malcolm-Jamal Warner, dopià da Fabrizio Manfredi.
  È il tersozènito e unjòło fio mascio de Cliff e Clair.
• Vanessa Robinson (stazon 1–8), interpretàda da Tempestt Bledsoe, dopiàda da Rossella Acerbo.
  Ła ze ła cuartozènita de Cliff e Clair. El só parsonazo el respècia i problemi de l'adołesente. Ła ze na esełénte studentesa, tanto che ła entra a'l college un ano 'vanti respeto ai só coetanei.
• Rudolfa Lillian "Rudy" Robinson (stazon 1–8), interpretà da Keshia Knight Pulliam, dopià da Myriam Catania e Elena Perino.
  Ła ze l'ùltema fia de Cliff e Clair. Ła ze senpre sircuìa da un mucio de amighi, infra i cuałi Kenny (soranominà "puzzola") da'l cui fradèło ła inpara na concesion anti-feminista de ła vita. Inte l'epizodio il mondo del lavoro de ła segonda stazon ła interpreta l'inprenditora Mirhanda Greenswalde.

Parsonaji segondari

• Dr. Alvin Tibideaux (stazon 2–8), interpretà da Geoffrey Owens.
  El ze un mèdego, łaureà a l'Univarsità de Princeton, indove el conose Sandra Robinson che'l spoza e co ła cuała el ga do fiołi (Nelson e Winnie).
• LT Martin Kendall (stazon 6-8), interpretà da Joseph C. Phillips.
  El ze un tenente de vasèło de ła United States Navy, el ga na fia, Olivia, avùa da un presedente matrimonio; in Àfregaa el incontra Denise e el ła spoza.
• Olivia Kendall (stazon 6–8), interpretà da Raven Symone.
  Ła ze ła fiàstra de Denise, so fioła de Martin Kendall, avùa da ła só ex-muger.
• Pamela "Pam" Tucker (stazon 7–8), interpretàda da Erika Alexander.
  Ła ze ła fia de na zermana de Clair.
• Russell Robinson (stazon 1-8), interpretà da Earle Hyman.
  El ze só pare de Cliff.
• Anna Robinson (stazon 1-8), interpretàda da Clarice Taylor.
  Ła ze só mare de Cliff.
• Al Hanks Recorente de ła stazon (1-8) interpretà da Joe Williams.
  El ze só pare de Clair.
• Carrie Hanks Recorente de ła stazon (1-8) interpretada da Ethel Ayler.
  Ła ze só mare de Clair.
• Walter "Scarafaggio" Bradley (Stazon 2-4), interpretà da Carl Anthony Payne II. El ze el mejo amigo de Theo. Parsonajo recorente, łe cui gag łe rezulta èsra tra łe pì divertenti de ła serie, el desconpare so'l fenìr de ła cuarta stajon, cuando Theo el va a'l college: probàbiłe che'l sipia dovùo a'l fato che co'l finise ła scoła, i do i se zlontana.
• Kenny (stazon 3-8), interpretà da Deon Richmond. El ze el mejo amigo de Rudy. El gà un fradèło de nome Jack (che parò no'l conpare mai inte ła serie) el cual el ga idèe fermamente maschiłiste che łe influensa anca el steso Kenny.
• Peter Chiara (stazon 1-6), Interpretà da Peter Costa. El ze n'altro amigo de Rudy.
• Charmaine Brown (stazon 7-8), interpretà da Karen Malina White. El ze ła megio amiga de ła zermana Pam.
• Danny (stazon 4-7), interpretà da Troy Winbush. Altro amigo de Theo.
• Lance Rodman (stazon 7-8), interpretà da Allen Payne. El ze morozo de harmaine el ze anca amigo de Pam.
• Howard (stazon 5-6), interpretà da Reno Wilson. El ze n'altro amigo de Theo.
• Justine Phillips (stazon 4-6), interpretàda da Michelle Thomas. Ła jera ła moroza de Theo.
• Stanley (stazon 7-8), interpretà da Merlin Santana. El zera el morozo de Rudy inte ła Otava Stazon.
• Dabnis Brickey (stazon 8), interpretà da William Thomas Jr.. El gera el morozo de Vanessa.
• Janet Meiser(Pat), interpretàda da (Pam Potillo). Ła gera ła megio amiga de Vanessa.

Guest Star

Durante i epixodi de ła serie xe pasà conparse deventà atori afermà 'fa par exenpio Raven Symone,Alicia Keys, Bernie Mac, Wallace Shawn, Adam Sandler, Robert Culp, John Ritter (ne l'epixodio Controllo totale de ła setima stagion), Elaire Stritch, Mercedes Ruehl, Stevie Wonder, Dizzly Gillespie, Chandra Wilson, Tito Puente, Lena Horne, Tisha Campbell-Martin e Tichina Arnold. Altri personaxi famoxi che gà fato aparision inte ła serie xe : Sonia Braga che gà avùo el ròło de ła siòra Anna Maria Wastlake, ła profesoresa de Theo inte i epixodi La principessa del potere e Fiocco rosa (stagion 2), Danny Kaye (in una de łe so ulteme aparision) ne ła parte del dotor Burns ne l'epixodio Il dentista novellista (Stagion 2). Christopher Plummer inte el ròło del Prof. Jonathan Lawrence, docente a l'università de Storia del Teatro, ospite de caxa Robinson ne l'epixodio 5 de ła quarta stagion dal titoło Shakespeare, Naomi Campbell ne ła parte de Julia inte i epixodi Tutti in sala party e Ragazze du du (stagion 5), B.B. King ne ła parte de Riley Jackson ne l'epixodio Rapsodia in Blues (stagion 6), [[Anthony Queen) ne ła parte del sig. Fuentes ne l'epixodio Fuori tutti (stagione 6), Miriam Makeba ne ła parte de se stesa ne l'epixodio Cercasi disperatamente Olivia (stagion 8).

Produsion

Ideasion

Ła genesi del show risałe ai primi ani otanta. Marcy Carsey e Tom Werner, do ex dirigenti de l'ABC, gavea łasà el network par fondàr la so pròpia conpagnia. Nei ani setanta i do gaveva rexo l'ABC el canałe de ponta de ła tełevixion statunitense, grasie a ła so usma par sitcom de suceso come Mork & Mindy e Tre cuori in affitto.

Avendo in mente de creàr na nova sitcom par la so conpagnìa, i gaveva decixo de aver bixogno de un gran nome de riciamo par el publico. Bill Cosby, che durante i ani setanta gaveva partesipà a do sitcom de scarso suceso, prodòto albun comici premià un mucio de volte, e recità in diversi ròłi al sìnema, inte i primi ani otanta el gera drìo viver un momento de rełatìva strachésa ne ła pròpia carièra.

Dopo esarse incontrà co Carsey e Warner, Cosby xe tornà da staltri co una so pròpia idea par la serie tełevixiva: ła fameja sarìa stà del cèto medio-baso, co na màre caxalinga e el pàre autista de limousine, co do fiòi mas-ci e do fìe femene. Carsey e Werner xe stà convinti da Cosby poco dopo, co xe stà canbià el status sociałe de ła famegia , che sarìa deventàda del cèto alto borghexe, rendendo ła màre un avoato in carièra e el pàre uno prexià ginecołogo, co quatro fiòłe femene e un fiòło mas-cio. Dònca, co entranbi i genitori còmodi łibari profesionisti, roba destrània par l'epoca in una sitcom incentrà so' na famejaafroamericana. L'intièra serie se gavarìa fo focałixà so'łe cuałità comiche de Cosby riciapàe inte el corso de ła routine famegiàr.

Reałixasion

Orixinalmente ła serie gera ciamà The Cosby Show a cauxa de l'enorme popołarità de Bill Cosby inte i Stati Unii. In Itałia el cognome orixinàłe de ła fameja , "Huxtable", ritegnùo poco reciàbiłe par el publico itałiàn, l'è stà modifegà in "Robinson", e de conseguensa anca el titòło de ła sitcom.

Bill Cosby gaveva un insołito podér decixionałe sìrca el show: el vołeva ch'el programa fuse divertente ed educativo al steso modo, e gà batùo saldo anca ch'el programa fuse anbientà a New York City invese de Los Angeles, indove ła maxor parte dei programi tełevixivi gera registrà. I primi episoxi xe stài xirài inte i studi de ła NBC a Brooklyn (ora de propietà de ła JC Studios). In seguito el network gà vendùo l'edificio, e ła produsion se ga spostà ai Kaufman Astoria Studios inte el Queens.

I personaxi de ła fameja se baxa so'ła vera famegia de Cosby: infati Clair, Sandra, Denise, Theo, Vanessa e Rudy xe ispirà rispetivamente a ła mugèr Camille e ai fiòi Erika Ranee (1965), Erinn Chalene (1966), Ensa Camille (1973), Ennis William (1969 – 1997) ed Evin Harrah (1976). Anca łe età corisponde groso modo ai personaji de ła serie. Ne l'epixodio piłota ne vien prexentà ła fameja Robinson componesta dal pàre Cliff, ła màre Clair e i fiòi Denise, Theo, Vanessa e Rudy. No conpare, invese, el personajo de Sandra ed ansi, durante un diałogo, Cliff e Claire dichiara de aver avùo soło che quatro fiòi.

Anca se ła serie gà un tono comico, talfié el programa afronta temàteghe serie, come i problemi che gà el fìo Theo, dislesico (el tema de ła dislesia se refà ai reałi problemi del fìo de Cosby, Ennis), e łe gravianse no vołeste in età puberałe quando na amiga de Denise, interpretà da Lela Ronchon, resta gravia. Tutociò el cast e i personaxi prinsipałi fuse soratuto de cołor, i temi rasiałi gera stài tocài rare vòlte se faxemo el paragon de sto programa co altre sitcome de quel'epoca, cofà par exenpio I Jefferson. L'ultima stagin de ła serie xe stà trasmesa durante el periòdo dei sconbùgi rasiałi de Los Angeles inte el 1992, e Cosby gà dichiarà a ła stanpa ła so pì conpleta speransa in una risołusion pasìfega dei dexórdeni. Ne l'ultimo epixodio, incentrà so' ła łaurea de Theo, Cliff e Clair, serarà ła serie co ła fraxe "Sałudemo i nostri amighi" e i se istradarà verso l'insìda antincendio dei studi tełevixivi łasando che se veda el publico prexente in raprexentansa de tuti i tełespetadori che łi gà senpre seguìi. Na seràda simiłe xe stà adotà anca in altri tełefilm 'mericani. Cosby farà na seràda del sercio durante ła festa de laurea ripensando a Theo co gera xovenàto e ło se revedarà in uno dei primi epixodi de ła prima serie co Vanessa e Rudy oncora putèłe (soratuto Rudy).

Ła sitcom gà xenerà el Spin-off Tutti al college, co Denise che se trasferìse al college. So'l fenìr de ła prima stagion el spin-off no gavarà più personaxi in comùn co ła serie màre: infati Denise torna inte el cast de ła serie orixinàłe.

Naltra serie, non cołegà a The Cosby Show (I Robinson), xe Cosby, anca in sta serie ła mojera de Bill Cosby xe Phylicia Rashad.

Linganbi foresti

• (inglezo, spanjoło, FR) Sito ufisałecarseywerner.net (archivià dal URL orizenałe il 16 de agosto 2000).
• (EN) The Cosby ShowEnçiclopedia Britannica, Encyclopædia Britannica, Inc.
• The Cosby ShowMYmovies.it, Mo-Net Srl.
• The Cosby ShowMovieplayer.it.
• The Cosby ShowIl mondo dei doppiatori, AntonioGenna.net.
• (EN) The Cosby ShowInternet Movie Database, IMDb.com.
• (EN) The Cosby ShowRotten Tomatoes, Flixster Inc.
• (EN, ES) The Cosby ShowFilmAffinity.
• (EN) The Cosby ShowMetacritic, CBS Interactive Inc.
• (EN) The Cosby ShowTV.com, CBS Interactive Inc.

• (EN) Sito ufficiale Archivià il 16 de agosto 2000 in Internet Archive.

Scheda su The Cosby Show de l'Internet Movie Database