Stato da Mar

Da Wikipedia, l'ençiclopedia libara.
Va a: navigasion, serca

1leftarrow.pngVoxe prinçipal: Republica Veneta.

El Stato da Mar, al tenpo de ła Veneta Republica, el xera l'insieme de tuti i domini de oltremar de ła Serenisima. Del Stato da Mar faxea parte l'Istria, ła Dalmasia, ła Morea, Candia e tute łe varie ixołe che in calche momento de ła storia łe xe apartegnù ai Venesiani. El xera una de łe tri entità in cui xera divixo el teritorio de ła Republica, insieme al Dogado e al Stato da Tera.

Ła creasion dei domini cołoniałi venesiani ła xe sta avià intorno al 1000 con ła conquista deła Dalmasia e ła ga avù ła so masima espansion al termine deła Quarta Crociata con ł'aquixision de tre otavi de ł'Inpero Romano d'Oriente. In seguito, soto ła cresente presion otomana tałi teritori i ga finio col ridimensionarse fino al poseso, 'ntel 1797 ała fine deła Republica, dełe sołe Istria e Dalmazia e dełe Ionie.