Stassion de Santa Łusia
|
Sto articolo 'l 'è scrito in venesian.
|
La Stasion de Santa Lusia xe el prinsipal scało feroviario dea sità de Venesia. Se cata al km 267 dea łinea Miłan-Venesia.
Indice |
[canbia] Posision
Se cata a l'estremità osidental del Canal Grando, 'ntel sestier de Canaregio. La fondamenta 'vanti ała stasion xe cołegada a Piasal Roma (prinçipal terminal automobiłistico dea sità e caołinea de tute łe łinee de trasporto publico direte a Venesia) dal Ponte de la Costitusion, quarto ponte sul Canal Grando dexegnà da l'architeto spagnoło Santiago Calatrava .
[canbia] Storia
I lavori par la costrusion gà avùo prinsipio 'ntel 1860. Par far spasio ała stasion xe stà desfà el convento e ła Cexa de Santa Łusia (da qua gà ciapà el nome ła stasion), che se trovava proprio dove ancùo ghe xe ła stasion (neła piasa).
La strutura atual xe orixene de un mucio de progeti scominsià 'ntel 1924 da l'architeto rasionałista Angiolo Mazzoni e da un concorso del 1934 par la reałixasion de l'inpianto e vinto da l'architeto Virgilio Vallot. I do architeti cołabora dal 1936 al 1943 ała reałixasion dea parte sentral del fabricato viagiatori. I laóri xe stài finìi un fià de ani drìo (1952) su progeto de l'inxegner Paolo Perilli.
'Ntel mese de novenbre 2009 gà tacà i łavori de ristruturasion deła stasion che prevede 'na megio organixasion dei spasi, dei flusi de transito interni, el recupero e'l restàuro de alcuni ełementi architetonici. L'intrada ospitarà diversi spasi comerciałi. I laóri durarà do ani e'l costo previsto xe a 24 miłion de euro.
[canbia] Carateristiche
La xe cołegada ała teraferma e ała stasion de Venesia Mestre atraverso el Ponte de ła Łibartà. La xe inserìa 'ntel grupo dełe 13 Grande Stasion Italiane.
[canbia] Servisi
La stasion gà :
Biłieterie, co' porteła automatica
Łinee łagunari- Bar
Edicoła-Tabachèr
Servisi Igienici
Taxi aquei
Acesibiłità par portadóri de handicap
[canbia] Interscanbi
Dała stasion se pol rivar ai mexi publici de navigasion e ai taxi aquei. 'Ntel visin Piasal Roma parte tuti servisi automobiłistici e i taxi par ła teraferma.
[canbia]
La fermada (pontil) xe ciamada Ferrovia e xe servìa da 8 linee ACTV:
- 1 P.le Roma - Ferrovia - Rialto - San Marco - Lido
- 2 San Zaccaria - Giudecca - Tronchetto - P.le Roma -ò Ferrovia - Rialto - S. Marco - (Lido)
- 4.1 Muran - F.te Nove - Ferrovia - P.le Roma - Giudecca - San Zaccaria - F.te Nove - Murano
- 4.2 Murano - F.te Nove - San Zaccaria - Giudecca - P.le Roma - Ferrovia - F.te Nove - Murano
- 5.1 * Elemento de l'elenco puntà
- 5.2 Lido - San Zaccaria - P.le Roma - Ferrovia - F.ta Nove - Lido
- 3 Murano - Ferrovia - P.le Roma - Tronchetto
- N - San Zaccaria - Giudecca - Tronchetto - P.le Roma - Ferrovia - Rialto - San Marco - Lido (łinea in servisio de note)
[canbia] Note
- http://www.comune.venezia.it/flex/cm/pages/ServeBLOB.php/L/IT/IDPagina/31696
- http://www.grandistazioni.it/cms/v/index.jsp?vgnextoid=a60244da8119a110VgnVCM1000003f16f90aRCRD
[canbia] Voxe łigàe
[canbia] Altri progeti
Su Commons ghe xe dei file multimediałi su Stassion de Santa Łusia
