Ponte de ła Libartà
|
Sto articoło el xe scrito in venesian.
|
El Ponte de ła Łibartà xe el ponte stradal de sirca quatro chiłometri (3 850 m sirca) che atraversa ła łaguna veneta e costituisse l'unega via de aceso par el trafico veicołare ała sità de Venesia.
Za dal 1846, cuando Venesia gera incluxa 'ntel Regno Lonbardo-Veneto, che a queł'epoca apartegniva a l'Inpero Asburgico, ghe gera na łinea feroviaria che cołegava ła sità a l'entrotera veneto. El progeto del 1931 de l'inxegner Eugenio Miozzi gà afiancà al tòco feroviario queło stradałe.
Inaugurà da Benito Mussołini el 25 april 1933 co'l nome de ponte Littorio, ała fine deła seconda guera mondiałe xe stà ribatexà co'l nome che gà ancùo, nome che xe in ricordo deła łiberaxion dal nazi-fasismo
Dal ponto de vista de l'odierna rede stradałe itałiana, el ponte rientra 'ntel trato finałe deła strada statałe 11 Padana Superiore e xe gestìo da Veneto Strade. Xe costituìo da do corsie par senso de marcia afiancàe da do łarghi marciapìe co' funsion anca de pista çiclabiłe; l'ultimo trato deła parte de Venesia prexenta un soło marciapìe (manca queło deła banda ferovia) in quanto ła carexàda in diresion Venesia deventa a 3 corsie, co' na corsia reservà al trasporto publico.
