Sir Oliver Skardy
 | |
| Biografia | |
|---|---|
| Nasimènto | (it) Gaetano Scardicchio  14 de zugno del 1959 (65 ani)Venèsia (Itàlia) |
| Dati personałi | |
| Altri nomi | Sir Oliver Skardy |
| Atività | |
| Ocupasion | |
| Atività | 1989 |
| Instrumento muzicałe | voxe - chitara |
| Targheta discogràfega | Ossigeno
|
| Àlbun | 4 da sołista e 10 coi Pitura Freska |
| Àlbun stùdio | 4, (8) |
| Àlbun dal vivo | (2) |
| Repertòrio | |
| Sito web | skardy.it |
       | |
Gaetano Scardicchio, mejo conosùo co'l nome d'arte de Sir Oliver Skardy (Venesia, 14 de zugno del 1959), el ze un muzegante vèneto.
El ze anca conosùo par èsar stà el cantante e, co Francesco Casucci, el fondador dei Pitura Freska, famozo grupo reggae venesian.
Biografia
[canbia | canbia el còdaxe]Cariera muzegałe
[canbia | canbia el còdaxe]Dopo vinti ani da front-man dei Pitura Freska, coi cuałi el ga firmà un mucio de sucesi che ghe ga dà l'ano pasà consacrà come muzeghista reggae, inte'l 2002, co s'a desfà ła band, Skady taca ła cariera de cantante sołista, 'verta da'l singoło President Buana e continuada inte'l 2004 co l'àlbun Grande Bidello.
Da'l febraro 2006, Skardy scominsia, co na serie de conserti soto el nome de Fahreneit 451 meets Skardy, na cołaborasion apunto co i Fahreneit 451 , grupo ska mestrin, portando in tour łe canson del so novo àlbun e alguni clàseghi fati che'l gaveva fato coi Pitura Freska.
El sodałisio che'l ze venjio fora tra Skardy e Fahreneit 451, fa naser, inte'l 2008 , el singoło Destra e Sinistra, cover de'l séłebre tòco de Giorgio Gaber, co drento calche strofa in diałeto venesian; par sto singoło ze stà anca zirà un videoclip, un tributo al stòrego video de Subterranean Homesick Blues de Bob Dylan.
Inte'l 2010 vien fora Fame un spritz, singoło de saor tipegamente estivo in venesian, anca st'altro conpanjà da un video zirà par łe całe de Venesia; ze el singoło che verze ła strada a Piragna, novo àlbun de Skardy e Fahreneit 451, in usìda inte'l utuno 2010[1]; inte'l desenbre 2011 vien fòra ła varsion dub de l'àlbun: Piragna in Dub.
Inte'l 2011 nase el canal youtube oficiałe de Sir Oliver Skardy, atraverso el cuało - co ła publegasion de video - ze comunegàe in prima parsona tante de łe novità che łe revarda l'artista.
Vida da bidèo
[canbia | canbia el còdaxe](VEC)
«Fasso el bideo su 'na scuoła statal
Ti entri omo, ti vien fora animal
Casca i muri, fa acqua el sofito
Me fasso el bueo e i me trata da schifo...»
"Faso el bideło so na scoła statal
Ti entri omo, ti vien fora animal
Casca i muri, fa acua el sofito
Me faso el bueo e i me trata da schifo..."
Oltra al łaoro de cantante, Skardy fa anca l'atività de cołaborador scołàstego a l'Istituto d'Arte de Venesia; 'sto inpiego che'l ga deventà ispirasion par el nome de'l primo àlbun sołista, Bidelo el ze el singoło da st'altro estrato. Da i trati de caratere autobiogràfego.
Discografia
[canbia | canbia el còdaxe]
Àlbun
[canbia | canbia el còdaxe]( 2010 co i Fahreneit 451)
- Remix in Dub de Piragna 2011
- Mamba Nero, CD singoło + video 2012 (zirà co do prezense femeniłi sudamericane in un'area de servisio inte ła zona de Trevizo)
- Ridi Paiasso! 2013; àlbun co ła partesipasion de alguni ex-muzicisti dei Pitura Freska Marco Forieri che canta na canson co Skardy, Valerio Voleno, Francesco Duse, prezente anca altre cołaborasion co Paolo Belli e el comico Natalino Balasso.
- Ridi paiasso reload (2016), co zontada ła varsion de ła canson de Franco Battiato "Centro di Gravità Permanente" rifata in version Reggae co parte nova a'l só interno.
Singołi
[canbia | canbia el còdaxe]- President Buana(2001)
- Bideo (2004)
- Destra e Sinistra ( 2008, cover de Giorgio Gaber)
- Fame un spritz (2010)
- Fame un spritz in (Dub version) (2011)
- Mamba nero (2012)
- Menarosto (2016)
Cołaborasion
[canbia | canbia el còdaxe]- Elio e le Storie Tese, Uomini col Borsello (Ragazza che limoni sola) (1992) in Italyan, Rum Casusu Çikti (el canta parti in venesian)
- El cołabora co Herman Medrano inte'l disco No se conossemo in cui partesipa anca altri cantanti cofà Caparezza, Er Piotta (Tommaso Zanello).
- El partesipa so na TV web a na trazmision de cuzìna : "Menaròsto".
Filmografìa
[canbia | canbia el còdaxe]- Cervellini fritti e impanati di Mario Zaccaro,Italia,1996
- Questioni di pelle, del Gruppo Krisis, Italia, 2005
- "Solo par amore", novo film in cui partesipa Skardy co Nevruz voxe de "X-Factor" (video breve so łe repreze so You Tube) che łe se pol véder da'l só sito.
Note
[canbia | canbia el còdaxe]Voze łigàe
[canbia | canbia el còdaxe]- Pitura Freska
- Cołegamenti esterni :
- Sito uficiałe de Skardy
- Discografia de Skardy
- Concerto de Skardy coi Fahreneit in Rai.tv