San Pieroburgo

San Pieroburgo


Nome ufficiale:	Санкт-Петербург
Stato:	Rusia
Distreto Federałe:	D.F.Nordosidentałe
Regione:	Oblast' di Leningrado
Provincia:	San Pieroburgo
Coordinate:	59°56′N 30°20′E / 59.933, 30.333
Superficie:	606 ^[1] km²
Altitudine:	3 m s.l.m.
Popołasion:	4.580.620 ab. (2006)
Prefiso teł:	+7 812
CAP:	190000-199406
Targa:	78 e 79
Sindaco:	Valentina Matvijenko
Inno cittadino:	Inno (in formato mid)

Sito istitusionałe

San Pieroburgo ła xe 'na sità deła Rusia nord-osidentałe, sol Mar Baltego e ła xe ł'ex cavedal deła nasion. Fondà dało Zar Piero el Grande, el xe uno dei prinsipałi sentri culturałi de ł'Eoropa. Co oltre 4,7 milioni de abitanti (2002), ła xe atualmente ła seconda sità deła Rusia par dimension, nonché el porto pì inportante.

[canbia] Altri nomi

Pierogrado dal 31 de agosto (18 de agosto, del Calendario Giuliano), 1914 fin al 26 de genaro 1924.
Leningrado fin al 6 de setenbre 1991.

[canbia] Storia

[canbia] Fondasion deła sità

Ło Zar Piero el Grande el ga fondà ła sità el 27 de majo (16 de majo 'ntel całendario giuliano ałora in vigor) 1703 dopo aver conquistà ała Svezia i teritori traversà dała Neva. El ga dà ała sità el nome del so santo patron, ł'apostoło San Piero. El nome orixinale de Sankt Piter burkh el gera in realtà ołandexe; Piero el Grande el gaveva visù e studià in chel paexe par on periodo de tenpo e el gera on amirador deła corte e de ł'architetura ołandexe. Łe forteze svedexi de Nyen e sucesivamente de Nöteborg łe gaveva in precedensa ocupà ł'area, 'nte łe pałudi dove ła Neva ła se buta 'ntel Golfo de Finlandia. I servi i ga fornio gran parte deła manodopara par el projeto, che el ga conprexo el prosiugamento dełe pałudi e ła costrusion dei edifici. Secondo una dełe stime a sarìa morte 30.000 persone.