Marco evanzełista

Marco evanzełista

Nome orizenałe	(arc) ܡܪܩܘܣ
Biografia
Nasimènto	s. 12 d.C. Pałestina
Mòrte	25 de apriłe del 68 d.C. (55/56 ani) Ałesandria d'Egito
Liogo de sepełimento	Bazéłega de San Marco
1o Patriarca de Alessandria
43 d.C. – 68 d.C. ← nisun vałore – Aniano di Alessandria (it)  →
Dati personałi
Rełijon	Cristianèzemo
Atività
Ocupasion	presbìtaro
Ełevasion
santo
Festività	25 de apriłe Bright Week (en)
Iconografia	Leon de San Marco

San Marco evanxełista (in ebraico מרקוס; in grego Μάρκος; 20 sirca – Ałesandria, seconda metà del I secolo) el xe un dei cuatro evanxełisti, ła so opera ła xe cìamada propio col so nome Vanxeło secondo Marco. Se pensa ch'el gabìa sistìo a ła catura de Jexù Cristo inte l'orto de' i ulivi. El xe sta anca desepoło del'apòstoło Paoło e dopo anca de Piero. Venerà Santo da ła Cexa e considerà el primo patriarca de Ałesandria d'Egito.

Vita

De ła só joventù e de ła fameja de proveniensa se sa póco o gnente. Dal Nòvo Testamento, ła soła fonte de informasion su de eło, savemo ch'el jera cuxin de Barnaba (col. 4/10) e che donca l'era ebreo e de ła stirpe levìtica.

Inte i Ati dei Apostołi el vien nominà co che Piero el vien miracołoxamente liberà da ła prixon (Ati 12,12) "Dopo ver rifletùo, el xe ndà a ła caxa de Maria, só mare de Jovàni dito anca Marco, indove ghe jera un bon nùmaro de zente par pregar". Da sto scrito qua savemo che só mare ła se ciamava Maria e che in chel tempo el abitava a Jerusałeme. Se nota anca che Marco el gaveva do nomi, un zentiłe e un ebreo (Jovàni). Usansa comun par i ebrei de ch'el tempo, infati anca Paoło el vien ciamà co el nome de Saulo. In altri scriti dei Ati dei Apostołi el xe ciamà o co el nome de Jovàni o co queło de Marco o co tuti e do.

No ghe xe miga scriti che diga se Marco el gavése conosùo diretamente Jesù, ma se el'abitava in chel tenpo a Jerusałeme almanco el ga da vèrghene sentìo parlàrghene. De serto se sa che pochi ani dopo ła morte de Jesù, i apostołi e i disepołi i se catava in caxa de só mare. El fato ch'el sia el soło vanxełista a contare de ła fuga de un zovineto ch'el gavea seguio da lontan i avenimenti de ła catura de Cristo intel'orto dei ulivi, (Marco 14.1/51.52) "Un zovaneto parò el ło seguiva, vestìo soło de un teło, e i ło ferma. Ma eło, łasà el ninsoło, el xe scanpà via nuo"; fa pensar che el fuse eło steso el zovineto nominà.

Da ła prima łétara de Piero: "Ve sałuda ła comunità che xe stà ełeta come voaltri e che vive Babilonia; e anca Marco, mé fiol". Podémo capir che el se catava co łu a Babilonia e che dato che el vien indicà come "mé fiol" el ga da ver ciapà el batizo propio da Piéro.

Dai Ati capimo anca che el parte par Antiochia insieme co Paoło e co só cuxin. El vien indicà come aiutante de Paoło quando che eło el predicava e el difondéa ła paroła del Signor a Salamina (Cipro) (Atti 13/5). Pi' vanti, i atti i ne cónta che l'abandona Paolo, forse parché el xe spaventà da łe durìsime fadighe dei spostaminti de l'apostoło o da l'ostiłità senpre pi' granda che 'sto qua el catava. "Partii in nave da Pafo, Paolo e i só conpagni i xe rivài fin Perge de Panfilia. Jovani el se ga destacà dal grupo e l'è tornà Jerusaleme par cónto suo" (Atti 13/13). Sevente ała so defesion Paoło, partendo par consołidar łe cexe de ła Siria e de ła Cilicia, el se ga sielto cofà conpagno Silla mentre Marco el xe partio co so cuxin par Sivro (Atti 15/37.41); sti avenimneti i xe capitai int'el 52. Inte i Ati ste cuà łe ze łe ulteme indicasion che trovemo de el evanxełista. Daspò Paoło el gavaria desmentegà sti radeghi dal momento che ritrovemo Marco a fianco del apostoło a Roma inte el 62 - 64, ghe ne gavemo notisia int'una łetera de Paoło: "Ve sałuda Aristarco, el me conpagno de prexon, e Marco, el cuxin de Barnaba (intorno al cual gavé risevuo ordeni; int'el caxo el vegnise da vi altro, gavaré da riceverlo), e Jesù dito el Xusto, i cuałi i xe deła sirconsixione; intrà questi i ghe xe i me sołi cołaboradori par el regno de Dio, in cuanto i me xe stai de consołasion" (4, 10s).

Calche ano pi' tardi ło ritrovemo in conpagnia de Piero che lo sita inte ła so prima łetera cofà indegà in presedensa. Sto fato el dimostra ła so granda atività svolta inte i ani sincuanta no sołamente a Sivro. Forse rientra in oriente vanti de ła persecusion scatenada da Nerone inte el 64 ma Paoło inte el 66 ło rivuole co eło. Co che vien indegà inte ła so łetera a Timoteo: "Incùrite a vegnir da mi al pi' presto... Soło che Łuca el ze co mi. Prendi Marco e condùxeło co ti, perché el me ze utiłe par el ministero" (2 Tim. 4, 9-11).

Daspò la morte a Roma del prinsipe dei Apostołi, non łe ghe xe pi' notisie serte so Marco. Ła tradision ło vołe evanxełixador in Ejito e fondador deła cexa de Ałesandria che ło vołe cofà so primo vescovo. Nonłe ghe xe notisie serte su dove, come e cuando el morì. Eusebio el sostiene che la so morte ła sia avegnua a Ałesandria, indove el sia sta copà fasendo strasinar el so corpo par a sità, sta version dei fati ła vien riportada anca inte ła Legenda Aurea.

I so resti i xe sta trafugà dai venesiani inte el 828 e portai a Venesia indove pochi ani daspò a xe scuminziai i łaori par ła costrusion de ła Baxełega de San Marco. El vien festejà da ła cexa catołega el 25 de avril.

El sinboło del leon

Particołar del Leon de San Marco da na Bandiera del 1848 ricamada e piturada

El "Leon de San Marco" a Venesia

Tuti quatro i Evanxeisti i ga un simboło che de sojto vien mostrà vissin al Santo nee piture e nee sculture. Sti simbołi xe asocià al Vangeo del Santo. El simboło de San Marco xe el Leon Alato, parchè el inisia el so vangeo coea voxe de San Giovani Batista che, in tel deserto, ła se alza come un rugito, disendo ai omani che xe drio rivare el Cristo.

El leon de San Marco vien rapresentà in diverse maniere: "andante", o sia in piè sue quatro sampe, come se el caminasse, e co un libro verto sotto ła sata dove che xe scrito "Pax Tibi Marce Evangelista Meus", opure in "moleca" che saria a dire incoata'.

Visto che San Marco Vangełista xe el Santo Patrono de Venexia, ła Serenissima gà dichiarà el leon come el so simboło. Par Venesia, ancha el libro deventava un simboło: de pace, quando che el zera mostrà verto; de guera quando che el zera sarà.

San Marco inte l'arte sacra

San Marco evanxełista

Ea raffigurasion de San Marco la compare fin daea prima arte cristiana, co quea dei altri vanxełisti. San Gerònimo (IV secolo) el disea come che se pol asociare i 4 evangeisti coi simboi del "tetramorfo" che i compare nelle profezie de Ezechiele, riciape dopo nee visioni de l'Apocałise (El primo uman iera simile a un leon, el secondo de un vedeo, il terso de un leon, il quarto de un'aquila mentre che voea; i 4 i ga ciascun 4 ali, dentro e fora i se pieni de oci'). Inte el schizo del V secolo – come se osserva par esempio dai mosaici dea Basilica de Santa Pudenziana a Roma - cosi co sti simboli i ga taca a esere rappresentai i 4 evangeisti: San Marco ragion de tuto es xe rapresentà da un leon co le ale.
Sa co l'arte bisantina qualche mosaico par esempio quei de San Vidal a Ravenna i rappresentava, co un na man el vangeo e in staltra i soo simoi. Sta iconografia a xe deventà difuxisima inte l'arte romanica, po in quea gotica. Inte e cexe de chel tempo i quatro santi i vegneva de frecuente pituradi su le vele de le volte a crociera, sentadi al scritoio, 'ntenti a scrivar i vangeli; altre olte inte un canton ghe xera anca i quatro Dotori de la Cexa. A olte se cata anca (ad es. ntei basorilievi che i fa belo el Batistero de Parma) la rafigurasion dei quatro santi che i par bestie orende, 'ndoe che su un corpo umano co le ale vien fora a testa del so simol.

E figure di Evanxeisti – e tra de lore quea de San Marco – e se vede po anca inte e rapresentasione dii Apostoli che catemo in ogni espresion de l’arte sacra. Un par de pale de altar le sprime na speçial devosion par San Marco, come a famosa tea de Tizian ndo che ghe xe San Marco in Trono Archivià il 18 de zunjo 2006 in Internet Archive. ntea cexa de Santa Maria dea Salude a Venezia.

Le storie de le vide dei santi e xera un impegno costante de l’arte sacra. De San Marco, patron di Venesia, catemo xà rafigurae sene dea so vita nei mosaici dea Basilica de San Marco (sec. XIII).
Ntel periodo rinasimentale, i episodi contadi inte a "Leggenda Aurea" i deventa sojeto par numarosi capolavori fati da artisti dea scola veneta. No se pol mia no ricordarae al manco a tea granda de Gentile e Giovanni Bellini ndo che ghe xe La predica di san Marco a Alessandria Archivià il 6 de aprile 2007 in Internet Archive. , e anca e quatro tee de Tintoretto piturade par la Scola de San Marco a Venesia che e g'avea par sojeto Il Miracolo di San Marco che libera uno schiavo Archivià il 17 de zunjo 2006 in Internet Archive. , San Marco salva un saraceno da un naufragio, Il trafugamento del corpo di San Marco' Archivià il 17 de zunjo 2006 in Internet Archive. , Il ritrovamento del corpo di San Marco' Archivià il 6 de otobre 2006 in Internet Archive. .

Gałaria de łe someje

• 
  San Marco evanzełista, Bazéłega de San Marco a Venesia
• 
  San Marco evanzełista, fasada de ła Bazełega del Redentor a Venesia
• 
  San Marco evanzełista, Bazèłega de San Vitałe a Ravena
• 
  San Marco evanzełista, El Pordenone (c. 1484 – 1539)
• 
  San Marco evanzełista, de Andrea Mantegna, Städelsches Kunstinstitut
• 
  San Marco evanzełista, de Angelo Bronzino, Ceza de Santa Fełisita a Firense
• 
  San Marco evanzełista, de Frans Hals, cołesion privata
• 
  San Marco evanzełista, Pietro Stangherlin, Muzeo munisipałe de Caxias do Sul, Braziłe
• 
  San Marco in trono, Tisian, Baxéłega de Santa Maria de ła Sałute
• 
  Retrovamento del corpo de San Marco evanzełista, Tintoreto, Pinacoteca Brera

Voxe corełade

• Festa de San Marco

Altri projeti

Altri progetti

• Wikimedia Commons

• Wikimedia Commons el detien imàjini o altri file so Marco Vanzełista
• el detien schemi gràfeghi so

Linganbi foresti

• Marco Evangelista, santoTreccani.it – Enciclopedie on line, Istituto de ła Ençiclopedia Italiana.
• Leone Tondelli, MARCO, santo, in Ençiclopedia Italiana, Istituto de ła Ençiclopedia Italiana, 1934.
• Marco (evangelista e santo)sapere.it, De Agostini.
• (EN) Saint MarkEnçiclopedia Britannica, Encyclopædia Britannica, Inc.
• (EN) Audiolibri di Marco evanzełistaLibriVox.
• (FR) Bibliografia su Marco evanzełistaLes Archives de littérature du Moyen Âge.
• (EN) Marco evanzełista, in Catholic Encyclopedia, Robert Appleton Company.
• Marco evanzełistaSanti, beati e testimoni, santiebeati.it.