Tintoretto
Jacopo Comin ciamà Tintoretto (par vìa del mestiere del pare - Venesia, 29 de setenbre 1518 - 31 de majo 1594) el xé stà un dei pì grandi pituri de ła scoła venesiana e probabilmente l'ultimo grando pitór del rinasimento tałian.
Vita [canbia]
'Nte ła soa jovenesa el xé stà anca ciamà Jacopo Robusti, parché el pare gà difexo łe porte de Padoa en modo decixo ("robusto") contro łe trupe inperiałi. El só vero nome "Comin" el xé stà rexentemente scoverto da Miguel Falomir, el curador del muxeo del Prado de Madrid el xé stà rexo pùblico 'ntel'ocaxion de ła retrospetiva de Tintoretto al Prado, vèrta dal 29 de genaro 2007. [1]
Soranome [canbia]
Par ła soa energía fenomenałe 'nte ła pitura el xé stà soranominà "El Furioxo" (Il Furioso) el só uxo dramàtego de ła prospetiva e de ła luxe el gà fato divenir el percursor del'arte baròca.
