Paolo Renier

Paolo Renier

Biografia
Nasimènto	21 de novenbre del 1710 Venèsia (Itàlia)
Mòrte	13 de febraro del 1789 (78 ani) Venèsia (Itàlia)
Liogo de sepełimento	Céxa de San Nicołò dei Tołentini
119o Doxe
14 de zenaro del 1779 – 13 de febraro del 1789 ← Alvise Giovanni Mocenigo – Ludovico Manin →
Anbasador
Atività
Ocupasion	diplomàtego, pułìtego
Fameja
Cògnuze	Margherita Dalmet (it)

Paolo Renier (Venesia, 21 de novenbre 1710 – Venezia, 13 de febraro 1789) xe stà un [[doge |doge]] [[Republica de Venesia |venesian]].

Fioło de Andrea e Elisabetta Morosini, el xe sta el sentodisnoveximo doxe de ła Republica de Venesia, dal 14 de genaro 1779 fin a ła morte.

Durante el so dogado, el penultimo de ła storia de Venesia, a no xe sucesi fati inportanti, anca se a l’estero a ghe zera zà łe baxi par ło scopio de ła rivołusion francese, che pochi ani dopo ła morte del Renier ła spasarà via ła vecia Republica.

Biografia

De fameja siora, el Renier el ga tacà ła so cariera come riformador, afilià a ła "masoneria" e ansioso de abataere el poter dei Inquixitori de Stato. Apena parò el xe sta ełeto anbasador el ga canbià rapidamente parere e, come inte el pezor trasformismo połitego, el se ga ałeà contro i so ex amighi par otegnere cariche inportanti. Durante łe numeroxe anbasade el se zera arichìo a dismisura e el se zera conprò imbrojando łe cariche pì prestigioxe, tanto da farse soranominare dal popoło Barabba. Restà vedovo el gaveva tolto come amante (e po' maridà) na bałerina de varietà famoxa par ła so propension a ła spexa. Ała morte del so predecesore el gheva sentìo ca a zera 'rivà ła so grande ocaxion e el ga coroto a ła łuce del dì oltre 300 persone, pur de aver abastanza voti par eser ełeto (sti dati i risulta dai raporti dei Inquisidori de Stato che, non intervegnendo, i ga dimostrà d’apoxarlo połiticamente).

El dogado

Ełeto co 40 voti so 41 el 14 de genaro 1779, el ga tacà małe el so dogado: masa xente odiava el Renier, che el ga ricevù in quei dì parece minace de morte tanto da girare scortà. Al discorso d’investitura el gheva parlà in modo sialbo par paura de on atentato. El gheva de frecuente parecio par farse voler ben ma el zera riusìo a recuperare ste spexe vendendo cariche e regałi fati a łu in quałità de doxe in modo vergognoxo. Inte el 1780 i riformatori i gheva sercà de ripropore inovasion, ma el Renier, ex ałeato, łi ga fati arestare. In mezo a feste e picoła aministrasion el doxe el zera senpre pì odià par ła so corusion e el trasformismo połitego.

Inte el 1785 – 1786 par l’ultima volta ła flota venesiana ła xe partìa par na (breve) guera: al comando de Angelo Emo łe nave łe ga bonbardà alcuni porti del Nord Africa in cui a doveva esarghe pirati e corsari. Infine, inte el genaro de 1789, el doxe el se ga małà in modo grave e, dopo na longa małatia, el xe morto el 13 de febraro 1789. Par non rovinare i festegiamenti del carnevałe, ła notisia ła xe sta sconta fin al 2 de marso. El popoło, che no el ghe vołeva ben, el se ga sbizarìo in soneti e cante comiche sora ła so persona, vista come sprexevołe e tirchia.