Alvise Giovanni Mocenigo

Da Wikipedia, l'ençiclopedia libara.
Va a: navigasion, serca
Alvise Giovanni Mocenigo, 1763

Alvise Giovanni Mocenigo (19 de majo 170131 de diçenbre 1778) xe stà un doge venesian.

Fioło de Alvise e Paolina Badoer, el xe sta e sentodisdoteximo doxe deła Republica de Venesia dal 19 de apriłe 1763 ała morte. El xe sta el quarto doxe deła caxata dei Mocenigo a portare sto nome.

De fameja siora e potente, el gheva avù 'na rapida e sfaviłnte carriera, coerzendo con suceso tante cariche. Sposà con Pisana Corner (che ła xe morta durante el so dogado 'ntel 1769, anca se qualche fonte ła fa morir 'ntel 1796) el ga avù siè fiołi mas-ci. Abiłe dal punto de vista diplomatego-połitego el popoło ło cojonava considerandoło de caratare debołe, influensà dała mujer, considerà ła vera "doxe", s-ciavo dei so vizi e on fià infemenà.

Dogado[canbia | canbia sorxente]

El gera 'rivà ała masima carica el 19 de apriłe 1763, unico concorente, con tuti i voti disponibiłi. Ła Republica venesiana ła gera ormai in piena decadensa, fora dała połitega internasionałe, sarà inte on'imobiłe neutrałità, ixołà dal progreso economico, quaxi in bałìa dei eventi. El so dogado infati el xe ricordà pì par ła fineza dei arredi del so apartamento che par motivi storego-sociałi.

'Nte i ann '70 del secoło ła crixi economica ła ga inperversà in tuta ła Republica e i rimedi i xe sta poco pì che paliativi. Łe lexe contro el luso łe se rivełava altretanto inutiłi e a ghe gera pareci scandałi finanziari e sesuałi, indice deła decadensa morałe deła clase dirigente. Anca el doxe steso el gera restà coinvolto da 'na storia inbarazante quando el so aneło dogałe el gera sta catà in man a 'na nobildona. Nonostante sta situasion el Mocenigo el xe sta un bon governante, moderato, generoxo, forse pì senplice spetator de on Stato che andava a tuta forsa incontro al so destin che vero governante.

Par sercar de spinzare ł'economia, el ga provà a łigare inportanti rełasion comerciałi co Tripołi, Tunixi, el Maroco, ła Rusia e anca co łe Americhe.

El xe morto el 31 de diçenbre 1778.


Venezia-Stemma.png Doxe de Venesia

 
Cuel prima Cuel daspò
Marco Foscarini 1763-1778 Paolo Renier