Oriana Fallaci

Da Wikipedia, l'ençiclopedia libara.
Va a: navigasion, serca

Oriana Fallaci (Firenze, 29 giugno 1929Firenze, 15 setenbre 2006) la xe sta na scritrice e giornalista italiana. Da buteleta la ga fato la partigiana in tel movimento de Giustizia e Libertà e dopo la ga vu na longa cariera come giornalista, durante la quale la ga intervistà alcuni dei personagi pi inportanti del Novezento, come Henry Kissinger, l'Ayatollah Khomeini, Willy Brandt, Muammar Gheddafi e Yasser Arafat, e la xe laorà come inviata speciale in Vietnam, USA, Mesico, Medio Oriente e Sudamerica. Alcune de ste interviste le xe sta messe insieme nel libro Intervista con la storia (1974).

Tra i altri libri famosi de la Fallaci ghe xe Niente e così sia (1969), che el xe un reportage da la guera del Vietnam, un longo diario de guera rivando fin a la rivolta dei studenti de Cità del Mesico, par risponder a la domanda de na butina: "La vita, cos'è?". Del 1979 xe Lettera a un bambino mai nato, el primo grando sucesso de la scritrice toscana, bestseller in tuto el mondo. La Fallaci la imagina de parlar col butin che la porta in grembo, domandandose se sia giusto o no darghe la vita. El libro el ga venduo 2 milioni de copie in Italia e 2 milioni e mezo a l'estero (tradoto in 22 version). Dopo ghe xe Un Uomo, dedicà al suo conpagno Alekos Panagulis, eroe de la lotta contro la ditatura dei colonei in Grecia, morto in circostanze mia tanto ciare. Insciallah (1990) el xe anbientà in Libano ai tenpi de la guera zivil e del primo intervento de l'ONU (col quale xera presente anca una forza italiana, protagonista de la storia) par fermar l'ondata de odio fondamentalista che ga investìo la region dopo che xe rivà l'OLP de Arafat con migliaia de profughi arabi da la Palestina. Dopo de sto romanzo la Fallaci la sa ritirà ne la so casa de New York, isolandose da la vita publica fino al 2001, quando dopo i atentati de l'11 setenbre la ga scrito un longo articolo sul Corriere della Sera dove la ga condanà senza mezi termini tuto l'estremismo e el fanatismo religioso nati da l'Islam; da sto articolo la ga tratto el libro La rabbia e l'orgoglio che xe deentà subito un bestseller, vendendo do milioni de copie in Italia e nel mondo nonostante le tante critiche e polemiche che xe vegnù fora.

Libri[canbia | canbia sorxente]

Articoli[canbia | canbia sorxente]