Nova Guinea Todésca

Da Wikipedia, l'ençiclopedia libara.
Va a: navigasion, serca
Nova Guinea Todésca
Portale:Portali Visita el Portale
Nova Guinea Todésca - Bandiera
Nova Guinea Todésca - Stemma
Motto: Gott mit Uns

Übersicht Der Deutschen Besitzungen im Stillen Ozean.jpg


Descrision xenerale
Nome par intiero: Nova Guinea Todésca
Nome ufiçial: Deutsch-Neuguinea
Łéngoa ufiçial: Łengue austronexiane
Łengue papuaxiche
Creoło todèsco de Rabaul
Cavedal: Kokopo (Herbertshöhe)
Altre cavedal: Rabaul (dopo el 1910)
Dipendente da: Inpero Todèsco
Forma polìtega
Forma de goerno:
 :
Inissio nel: 1884 con Gustav von Oertzen (Comissario par ła Nova Guinea Todèsca)


Fine nel: 1919 con Eduard Haber (Governator deła Nova Guinea Todèsca)
Sucedù da: Merchant flag of Japan (1870).svg Mandato del Sud Paçifico
Flag of the United Kingdom.svg Ixołe Salomone Setentrionałi
Flag of New Zealand.svg Nova Zełanda
Flag of the Territory of New Guinea.svg Teritorio deła Nova Guinea
Causa: Tratato de Versailles
Teritorio e popołasion
Bacino giografico:
Teritorio originałe:
Province:
Màsima estension: 249 500 km²
Economia
Scheo: Goldmark
Risorse: copra



Religion e Società
Religion preminenti:



Ła Nova Guinea Todésca xe stà on protètorato de ła Xermania dal 1884 al 1914, che ciapava el teritòrio deła parte nord-orientałe deła Nova Guinea in Oçeania e qualchedun dełi arçipełaghi darente.

El teritòrio prinçipałe de sta cołonia jera ła rejon nord-orientałe deła Nova Guinea ciamà Kaiser-Wilhelmsland, invense łe isołe a est de sta rejon xe sta batìxà Arcipełago de Bismarck (Bismarck-Archipel in todesco) e sto qua jera composto dała Nova Pomerania (Neu-Pommern) che desso xe ciamà Nova Britània e dal Novo Mecklemburgo (Neu-Mecklenburg) che desso xe ła Nova Irlanda.

Co ła unica ecceçion dełe Samoa todésche, tutte łe isołe sotto el controło coloniałe todésco inte'l Pacifico xe finìde soto ła aministraçion deła Nova Guinea Todésca.

Ła nassita de sta nova cołonia xe stà el risultato in gran parte deła capaçità commerciale de Adolf von Hansemann, diretòr deła Disconto-Gesellschaft, ona dełe piesè importanti banche todésche de l'epoca e fondador deła Compagnia deła Nova Guinea Todésca (Deutsche Neuguinea-Kompagnie) che xe stà creà inte'l 26 majo 1884 con el scopo de fondar na nova cołonia comerciałe neła rejone deła Nova Guinea no ancora occupà dałe altre potençe cołoniałi. Co l'aiuto offiçiałe de Bismarck, łe navi todésche ga esplorarà ła xona costiera interessà e impiantà ła bandiera todésca neła nova cołonia. In avril del 1885, ła Xermania el Regno Unìo ga firmà on tratàto par dividarse e so rispetìve aree de influença inte'l teritòrio deła Nova Guinea.

Cartina dove xe evidensià el teritòrio deła cołonia.

Nonostante el pien supòrto del governo todésco, ła Compagnia deła Nova Guinea Todésca ga incontrà bastansa dificoltà inte'l aministraçion del teritòrio che ghe jera stà dà, al ponto da essar obligà dopo soło che do anni a darghe in man el mandato de governo a Berlin. In otobre del 1889 el governo todésco ga firmà co ła compagnia on acòrdo dove ghe vegneva dà non soło l'aministraçion teritòriałe ma anca tutti i dirìti commerciałi sui vari monopołi drìo el pagamento de 4 000 000 de marchi.

El 1º avril del 1899 el governo todésco ga ciapà offiçialmente el controło del teritòrio el 30 lujo del stesso anno, dopo on tratato co ła Spagna, se xontava novi teritòri. Ało scopìo deła Prima guera mondiałe, na spedission anglo-todèsca prevista par ridefinir i confin, xe stà bandonà visto che łe do nasion interesà se trovava en guera, poco dopo łe forçe australiane ga ocupà el "Kaiser-Wilhelmsland", intanto el resto dei teritòri cołoniałi deła Nova Guinea Todèsca e deła Micronèxia vegneva ciapà dal Giapòn.

Inte'l 1919, dopo el tratato de Versailles, ła Xermania ga perso tuti i so teritòri cołoniałi, compresa ła Nova Guinea Todésca, che xe deventà on mandato deła Soçietà dełe Naçion soto l'Australia col nome de Teritòrio deła Nova Guinea.

Bibliografia[canbia | canbia sorxente]

  • William Otto Henderson, Studies in German colonial history, Frank Cass & Co. Ltd., Londra, 1962.