Natalie Imbruglia

Da Wikipedia, l'ençiclopedia libara.
Va a: navigasion, serca
Sto articoło el xe scrito in vixentin
Sto articoło el xe scrito in venesian
Natalie Imbruglia
Natalie Imbruglia
Informasion xenerałi
Nòme vero Natalie Jane Imbruglia
Nasùo/a 4 de febraro 1975, Sidney
In atività dal 1997
Xenere muxicałe Pop
Rock
Soft rock
Indie rock
Folk
Eticheta discografega RCA Records
Sony Music
Strumento voxe
Atività prinsipałe cantautrise, atrise
Discografia
Àlbun publicai 5
Sito web

Natalie Jane Imbruglia (Sydney, 4 de febraro 1975) ła xe 'na cantautrice e atrice australiana de origine italiana[1][2][3]

Come cantante, ła xe in atività dała seconda metà dei ani novanta[1][2][3][4][5][6] : ła ga publicà çinque àlbun, vałe a dire Left of the Middle (1997), White Lilies Island (2001), Counting Down the Days (2005), Glorious: The Singles 1997-2007 (2007) e Come to Life (2009).[3][4][6], e ła se ga agiudicà vari premi muxicałi[1].
Tra łe so' canson pì famose, ricordemo Torn, Wrong Impression, That Day, Counting Down the Days e Want.[2][6][7]

Prima de diventare cantante, la ga esordìo come atrice ai inixi dei ani novanta inte ła soap opera Neighbours.[1][2][5][8][9] Senpre come atrice, ła ga vudo anca un ruoło inte 'l çinema, segnatamente inte'l film Johnny English (2003), al fianco de Rowan Atkinson. [5][8]

Biografia[canbia | canbia sorxente]

I scominsi : ła publicità e ła soap opera[canbia | canbia sorxente]

Fìa de un emigrante de Lipari (Elliot Imbruglia) e de 'na dona australiana (Maxene Anderson), Natalie Imbrulia nase a Sydney e crese a Berkeley Vale. Co' ła gà sinque ani ła ciapa łesion de dansa jazz e sucesivamente anca de tip tap e de bałeto, A sedexe ani ła sbandona ła scoła e se trasferìse a Sidney sercando de emerxer nel mondo del spetacoło,

L'esordio xe stà come testimonial publicitario de 'na goma da mastegàr japonexe. A l'età de 17 ani ła xe conosùa parchè ła deventa interprete de 'na soap opera un mucio famoxa in Austrałia Neighbours (in cui xe prexenti anca Kylie Minogue e Holly Valance. El so ròło jera secondario cussì ła xe stà scriturà soło che par do setimane, però visto el gran suceso avùo i autori gà decixo de darghe 'na parte più de rimarco. Jera un periodo pìtosto bon par eła, però, ła se gà mostrà non tanto contenta de ła vita che gera drìo viver e in seguito ła gà dichiarà cussì : "A so otenùda a quanti me gà dà ła cogiontùra de far l'atrice. Go conosùo tanta xente, go podesto vadagnàr un mucio e conprarme vestìi de voga. Ma presto quel tipo de fama gà perso el so fasìno. Do ani de queła vita e no me conosevo più, jero deventà àcida".

Cariera muxicałe[canbia | canbia sorxente]

Ła se trasferìse cussì a Londra dove deve rescomisiàre da xero. Le robe no va bene avendo anca problemi finansiari par pagarse l'afito.[10] Intanto ła gà tacà scrivare canson e, come obietivo, ła se prefisa de no restare 'nte ła cavedałe inglexe. Sucesivamente ła vien notà da 'na major muxicałe. Come provìn i ghe fa cantare ła canson Torn, che in seguito sarà el so primo sucesso al seguito del quało ła sotoscrivarà un contrato co'ła compagnìa.

1997 - Left of the Middle[canbia | canbia sorxente]

'Ntel 1997 ła insìde el so primo albun, Left of the Middle, che ghe gà fato otegnìr vari premi. Ła xe stà mensionà anca a 3 Grammy Award, ma sensa vitorie. El disco gà avùo un otimo suceso e anca nei Stati Unìi dove xe intrà in top ten vinsendo 2 dischi de platino. A liveło mondiałe el disco gà sorpasà i 8 miłioni de copie. El singoło de slanso xe stà Torn che in poco deventa 'na hit trasmesa dapartuto; in Gran Bretagna ła raxonxe el segondo posto, mentre nei USA xe restà el singoło pì sonà da łe radio par diexe setimane de seguito. Anca onco' ła xe ricordà cofà una de łe canson sinboło dei ani novanta. Vien estrati altri singołi Big Mistake, Wishing I Was There e Smoke che gavarà un bon suceso, ma che de sicuro no podea esar sconparà a Torn. Intanto Natalie pareciava el segondo albun, ma prima che fuse publicà ła gà cołaborà ad alcune canson, alcune cołone sonore de Stigmate, co' ła canson Identify (scrita da Billy Corgan dei Smashing Pumpkins, usìa cofà singoło, gà avùo anca un videoclip) e Go, ła gà insìxo 'na canson par benficensa (It's Only Rock and Roll) e ła gà cołaborà a l'albun Reload de Tom Jones.

Natalie Imbnruglia, ospite de TRL a Napołi (25 avrìl2005)

2001 - White Lilies Island[canbia | canbia sorxente]

'Ntel 2001 xe usìo el so segondo albun, White Lilies Island. A l'interno se ritrova tematiche più centràe so' ła serietà che so'ła spensieratésa del scominsio. El disco no gà raxonto boni rexultadi, soratuto nei USA, White Lilies Island xe comunque riusìo a vendare 2 miłioni de copie. I singołi tirài xo da so albun gera That Day, Wrong Impression e Beauty On the Fire. I primi do singołi gà avùo boni rexultadi in Gran Bretagna (ma no cussì tanti nei USA), mentre el terso xe pasà doboto inoservà. Intanto xe canbià un mucio anca el look. Senpre 'ntel steso ano ła łaora pa'ła cołona sonora del film Y tu mama también (2001), mentre 'ntel 2002 par Mr. Deeds (2002). Senpre 'ntel 2002 ła deventa un dei volti de L'Oreal.

Dopo l'esperiensa neła soap opera Neighbours, 'ntel 2003 ła riese ad aver 'na parte 'ntel film de Peter Howitt, Johnny English e a scòder un discreto suceso come atrice. El film rico de bàgoło ed efeti speciałi conprende un cast spetacołoxo, tra cui Rowan Atkinson e John Malkovich.

2004-2007 - Counting Down the Days e Glorious[canbia | canbia sorxente]

Pa'l terso capitoło discografico bixognarà spetare altri 4 ani, co' Counting Down the Days, del 2005. L'albun se riveła organico e da l'ascolto piaxévołe, caraterixà da l'alternansa de bałade e tòchi pop/rock. Vien estrati soło che do singołi Shiver (che xe deventà el maxor suceso dai tenpi de Torn) e Counting Down the Days (che invese xe pasà squaxi inoservà). Nel steso ano ła Imbruglia partirà co' un tour par promovare l'albun. El disco gà otegnùo un buon suceso in Eoropa, ma non in Austrałia (indove no ła xe riusìa ad intrar in top 10) e nei USA, dove no l'è stà gnanca publicà. Ad ancùo Counting Down the Days gà vendùo 2 miłioni di copie in tuto el mondo, ha raxonxesto ła nùmaro 1 in Gran Bretagna e xe rexultà uno dei 100 albun pì vendùi del 2005.

'Ntel 2006 ła Imbruglia se gà inpegnà diversamente co' "Il Fondo dell'ONU per i Popoli" (UNFPA) par jutare ła riserca so 'ła fistola. Nełe diverse intarviste ła gà tranquiłà i fan informandołi che ła sarìa tornà a publicàr albun e, se 'l caso, dei film come atrice.

El so nuovo singoło Glorious, prexentà in anteprima a łe Finałi de Verona del Festivalbar, vinse il premio "Speciałe". El singoło otien un suceso andànte, siben el riva a poxision de un certo rimàrco (n.23 ne ła clasifica inglexe e n.13 ne ła clasifica mondiałe).

El 10 setembre 2007 ese ła so prima racolta, Glorious: The Singles 1997-2007. Ła racolta no otien gran sucsso soratuto a cauxa deła poca promosion, dovùa al fato che ła cantante 'ntel steso periodo gera drìo preparàr el divorsio da so marìo.

El 10 novenbre 2007 ne łe sałe itałiane vien fora el film de animasion Winx, il segreto del regno perduto de Iginio Straffi co' protagoniste łe famoxe fadine oramai sełebri anca nel mondo. Natalie aceta de scrivare e cantare el tema prinsìpałe pa'l film, All the Magic. La canson vien po' inserìa viene neła cołona sonora orixinałe del film publicà da Epic Sony.

2009 - 2010 -Come to Life e cariera del çinema[canbia | canbia sorxente]

Natalie Imbruglia a Bucarest nel 2008

Natalie gheva rivełà xà 'ntel disenbre 2008, el uovo disco Come to Life insìo ne l'ottobre del 2009.[11]. Se trata de 'na vera rivołusion par la cantante, in quanto xe stà prodoto da ła caxa discografica fondà da ła Imbruglia dopo aver lasà la Sony. Xe stà antisipà dal singoło Want, de otimo sucesso in Itałia, dove ariva a ła quarta poxision de ła clasifega dei singołi più vendùi, ma dełudente nei altri Paexi. El segondo ed ultimo singoło, Scars xe stà rełasà ne l'istà 2010. Alcune de łe canson de sto albun xe stàe scrite da Chris Martin, leader dei Coldplay.[12] Pa'l momento (dal 2010) ła cantante, gà mołà ła cariera muxicałe par dedicarese a queła del sinema.

Vita privada[canbia | canbia sorxente]

Ła xe stà sposà dal 2003 al 2008 con Daniel Johns,[9] cantante dei Silverchair Daniel Johns co' 'na serimonia so ła spiaja in Austrałia. I do gà vivesto insieme a Windsor, Berkshire, Regno Unìo, so' na ìxoła ciamà "White Lilies" che in seguito xe deventà el nome del segondo albun, ed a Newcastle, Austrałia. El 4 xenaro, 2008 Imbruglia e Johns gà anuncià publicamente el so divorsio, ła cui cauxa prinsìpałe de rotura xe stàda ła distansa. Natalie gà anca dichiarà de aver soferto de patùrnia dopo el repentino suceso avùo e dal stres conseguente a cui no ła gera abituàda.

Discografia[canbia | canbia sorxente]

Àlbun[canbia | canbia sorxente]

Singołi[canbia | canbia sorxente]

Filmografia[canbia | canbia sorxente]

Programi tełevixivi[canbia | canbia sorxente]

  • The X Factor (2010)

Premi & riconosimenti (Lista parsiałe) [1][canbia | canbia sorxente]

Note[canbia | canbia sorxente]

  1. 1,0 1,1 1,2 1,3 1,4 cfr. Artist Direct: Natalie Imbruglia
  2. 2,0 2,1 2,2 2,3 cfr. Rockol.it: Natalie Imbruglia
  3. 3,0 3,1 3,2 cfr. MTV.it: Natalie Imbruglia
  4. 4,0 4,1 cfr. Allmusic: Natalie Imbruglia - Biography
  5. 5,0 5,1 5,2 cfr. Todo Música: Natalie Imbruglia
  6. 6,0 6,1 6,2 cfr. Discogs: Natalie Imbruglia
  7. cfr. Allmusic: Natalie Imbruglia - Songs
  8. 8,0 8,1 cfr. IMDb.it: Natalie Imbruglia
  9. 9,0 9,1 cfr. IMDb.com: Natalie Imbruglia - Biography
  10. Natalie Imbruglia - La biografia. mtv.it. URL consultà el 15 novembre 2011.
  11. http://www.natalieimbruglia.com/releases.php?id=5
  12. Informazione tratta dall'intervista rilasciata a Sport Week, supplemento della Gazzetta dello sport, del 3 ottobre 2009, pag. 76.

Altri projeti[canbia | canbia sorxente]

Commons

So Commons ghe xè de i file multimediałi so Natalie Imbruglia

Cołegamenti esterni[canbia | canbia sorxente]