Marco Foscarini

Da Wikipedia, l'ençiclopedia libara.
Va a: navigasion, serca
Sto articoło el xe scrito in rovigoto
Marco Foscarini, el sentodixiseteximo doxe deła Republica de Venesia

Marco Foscarini (Venesia, 4 de febraro 1696Venesia, 31 de marso 1763) xe stà un doge venesian.

Fioło de Nicolò e Eleonora Loredan, el xe sta el sentodixiseteximo Doxe deła Republica de Venesia dal 31 de majo 1762 ała morte.

In xoventù, dopo aver studià a Bołogna, el xe tornà a Venesia dedicandose a alcune pasion, tra łe quałi ła leteratura.

In seguito el se ga avià ała cariera połitega dove el ca coerto diverse cariche: Savio de Teraferma, diplomatego, Procuratore de San Marco e Savio del Consiglio.

El xe sta ełeto doxe 'ntel 1762, ma el xe sta on dogado curto, de sirca on ano, parché el se ga małà subito dopo ł'ełesion.

Vita[canbia | canbia sorxente]

El xe nato - secondoxenito - el 4 de febraro 1696. Da quel che se sà inisialmente no 'l ga avudo 'na grande fortuna dal punto de vista finansiario (o, almanco, non ełevà al punto da permetarghr 'na cariera de grande prestigio) ma, in compenso, el xe cresùo dotà de 'na intełigensa non comune, tanto che presto el xe sta considerà come uno dei venesiani pì d’inzegno deła storia deła Republica. El ga studiò a ł'Academia dei nobiłi de San Francesco Saverio a Bołogna. Durante ła xoventù e ła maturità el ga conseguìo con sucesso picołe incarichi diplomateghi preso sedi comunque inportanti quałi de Roma e Torin.

Diventà noto par ła so erudision a xe curioxo far notar come uno dei so interesi prinsipałi i fuse i corałi, tanto che el famoxo łeterato Gasparo Gozzi, speso so ospite, el se łamentava del fato che ogni conversasion in ogni momento deła xornata ła dovese 'ndar a finir so quel argomento.

Come tuti i studioxi deła so epoca Marco Foscarini el gaveva inportanti cołesion de livri e veci manoscriti.

Diventà procuratore de San Marco par meriti el se ga ritirà dała cariera diplomatega par dedicarsi intieramente ai so studi e par afinare ła so oratoria oltre in anbito połitego anca in queło łeterałe.

Ła svolta[canbia | canbia sorxente]

El 1745 el xe sta ł'ano de svolta deła so vita. Piero Foscarini d’on ramo minor deła so fameja, sior e sensa eredi, ło ga nominà so erede universałe, consegnandoghe on patrimonio imenso. Insieme ai schei Foscarini el ga catà a so fianco anca Elisabetta Corner, vedova de Piero, che, a dita dele małełengoe, ła se ga dà on gran da fae a favor de Marco che no 'l se gera mai maridà. Anche se a non xe sicuro che i du i fuse amanti, i xe sta łigà par tuta ła vita da on sentimento de forte amicisia. Pur sensa asumare nove inportanti cariche Marco Foscarini 'deso, oltre a esar apresà par queło che el gera bon da fare, el gaveva ałe spałe anca on vasto patrimonio da investir e parece conosense.

Notevołi i xe sta i so discorsi, restà fin a inquò. 'Na volta on so discorso el xe sta talmente acorà che soło ała fine al se ga incorto ca a gera pasà quaxi quatro ore da quando el gaveva tacà. El gera parecio nasionałista: el gera dito “Gran Cagnesco” par el fato d’esar senpre tanto serio e de non tołerar critiche verso ła Republica. Sto atexamento, in realtà, ło meteva coi conservatori che i rifiutava łe idee dei nobiłi progresisti che, vedendo ło stato miserando deła republica venesiana, i vołeva rinovarla.

Dogado[canbia | canbia sorxente]

Numaroxe testimonianse e łe stese łetare spedìe dal Foscarini a Elisabetta Corner i ło mostra pronto a ciapare el dogado sin dal 1760. Dopo ła morte del doxe Francesco Loredan el se ga candidà coronpendo - pur de esare ełeto - talmente tanti ełetori che se cunta come, sałudando Elisabetta Corner mentre el 'ndava fora par andar a sentire notisie riguardo ało scrutinio decixivo, el dixese: Tornerò doge, o non tornerò affatto.

A se dixe anca che pur ła stesa Elisabetta Corner ła se prodigase 'ntel coronpare posibiłi concorenti pur de far vinsare el so favorìo e łe satire de ł'epoca łe ła rafigura come ł'inperatrice Maria Teresa, vera parona de fato de ł'inpero austriaco nonostante, nominalmente, ło fuse so marìo.

El xe riusìo a farse ełesare el 31 de majo al primo scrutinio e subito el ga asunto ła carica. Curioxamente, dopo aver tanto brigà el se gà 'maà quaxi subito e el ga dovesto pì volte ritirarse a curarse. Ła so sałute no ła xe mai migliorà e el 31 de marso 1763, dopo soło diexe mexi de anonimo dogado, el xe morto. Elisabetta Corner, sopravisua, ła se ga catà ben 250 000 ducati de debito da pagar e se cunta che parfin łe porte łe fuse sta ipotecà per pagar ła canpagna ełetoral.

'Ntel 1867 dopo ł'anesion de Venesia al Regno d'Itałia a xe sta intitołà a so nome el liceo de Santa Caterina, nato 'ntel 1807 par vołontà napołeonica; ła scoła ła ativa anca inquò col nome de Convitto Nazionale – Liceo Classico "Marco Foscarini".


Venezia-Stemma.png Doxe de Venesia

 
Cuel prima Cuel daspò
Francesco Loredan 1762-1763 Alvise Giovanni Mocenigo