Francesco Loredan

Da Wikipedia, l'ençiclopedia libara.
Va a: navigasion, serca
Francesco Loredan

Francesco Loredan (Venesia, 9 de febraro 1685Venesia, 19 de majo 1762) xe stà un doge venesian.

Fioło de Andrea e Caterina Grimani, el xe sta el centosedexeximo doxe deła Republica de Venesia dal 18 de marso 1752 ała morte. Omo de mediocre cultura, el ga vivesto pasivamente quełi pochi eventi importanti ca xe capità soto el so dogado.

Vita[canbia | canbia sorxente]

Proveniente da 'na fameja siòra e ancora da maridare, Loredan el se gera dedicà pì al comercio che ała cariera publica; rifiutando continuamente łe ambasarìe che łe gavarìa podesto portarlo distante da Venesia, el ga preferìo esar ełeto come savio del consejo o in incarichi do poca inportansa. Sensa 'na grande cultura e poca esperiensa internasionałe, no 'l godeva de grande considerasion. Ała morte de Piero Grimani, el doxe – poeta, a ghe xe sta pareci componimenti satireghi e operete schersose sora ła figura del doxe e ło sviłimento deła carica ła ga fato in modo che tanti posibiłi pretendenti i rinunciase. Sercandose on omo de rapresentansa a se ga pensà sùbito a lù.

Dogado[canbia | canbia sorxente]

El Loredan el xe sta subito ełeto el 18 de marso 1752 ma, esendo ormai soto Pasqua, i ga decixo de avisarlo soło el 6 de apriłe. Ormai ła figura dogałe ła gaveva perso quasi tuto el so poder e Loredan el se ga adatà in prèsia a sto novo andaso. Uno dei punti prinsipałi de połitega interna el xe sta ło scontro tra conservadori e riformisti che, desideroxi de riforme sostansiałi drento ła Republica, i ga sercà de riformarla dal de drento. I grupi de presion conservadori i xe riusìi a blocar el piano e i leader riformisti, tra cui Angelo Querini, inportante iłuminista venesian, i xe sta mesi in prexon o exiłià. El doxe, pur podendo inporse a favor de ł'uno o de ł'altro, el se ga mostrà totalmente pasivo, łimitandose a apozar par conveniensa ła parte ghe ła gheva vinto e perdendo cusì ła posibiłità de canbiare łe sorti deła Republica morente. Forse, a inpedir ło sviłupo dełe idee riformiste, a se ghe ga meso on picoło boom economico che a ghe xe sta a partir dal 1756, quando ca xe s-ciopà ła guera dei Sete ani, che ła ga permeso ai marcanti, grasie ała neutrałità deła Republica, de comerciare in pareci marcà sensa concorenti. Ła sconfita fransexe ła ga parfin permesso a Venesia di tornar a primezar nte i mercà de pèvaro orientałi. A on serto punto el doxe, ormai vecio e małandà, el pareva sol punto de morir ma po' el se ga ristabiłio e el ga rexistìo 'n'antro ano, sin ała morte in data 19 de majo 1762. Ł'ansia de alcuni nobiłi, quałi Marco Foscarini, che i sperava che el morese presto par ciaparne el posto, el xe el sintomo de come Loredan no 'l fuse rispetà e, ansi, speso cojonà anca in publico.


Venezia-Stemma.png Doxe de Venesia

 
Cuel prima Cuel daspò
Pietro Grimani 1752-1762 Marco Foscarini