Pietro Grimani

Da Wikipedia, l'ençiclopedia libara.
Va a: navigasion, serca

Pietro Grimani (Venesia, 5 de otobre 1677Venesia, 7 de marso 1752) xe stà un doge venesian.

Fioło de Piero e Caterina Morosini, el xe sta el sentoquindexeximo doxe deła Republica de Venesia dal 30 de giugno 1741 ała morte. Omo sapiente e anca poeta, el primo tra i serenisimi principi de Venesia a esarlo quasi de profesion, el se ga mostrà mecenate e el ga favorìo senpre ł'arte e ła siensa. Soto el so dogado, cusì come par quaxi tuti i dogadi del XVIII secoło venesian, a no xe capità nisun avenimento internasionałe che el gàbia visto coinvolta ła Republica.

Vita[canbia | canbia sorxente]

El gera parecio sior e da maridare e el ga podesto dedicarse fin da xovane ała cariera diplomatega che el ga exercità soratuto in Fransa e in Inghiltera dove el ga conosesto anca Isaac Newton, e el se ga mostrà intaresà par ła siensa e ł'arte. Par oltre 22 ani (cioè dal 1719 a ł'ełesione a doxe) el xe sta savio del consejo e el se ga mostrà omo bon e intełigente 'nte i afari de Stato. El gera sta ełevaà parfin ała carica de procurador.

Dogado[canbia | canbia sorxente]

El 30 de giugno 1741 el xe diventà doxe con 26 voti e senza veri altri candidai. El so dogato el xe pasà pacifico e el ga visto on rifiorir in anbito artistico grasie ałe sovension statałi e ała protesion dogałe. Anca ł'economia, zà rifioria intorno al 1736, ła ga riciapà forsa e, secondo ło studioxo de economia Frederic Lane, grasie ało scopio dełe tante guere tra Stati eoropei in chel periodo e ała neutrałità venesiana, i mercanti deła sità łagunare i ga podesto tornare a batare rote comerciałi abandonae dała concorensa. Anca se no pì come i nivełi del ‘500 e del ‘600 ła vita sociałe ła xe rifiorìa rapidamente.

Grimani el xe morto el 7 de marso 1752, sensa esar mai sta benvołestp dal popoło che ło ritegneva on omo tacagno e masa “poeta” par rispondare in modo serio ałe vere exigense deła situasion.


Venezia-Stemma.png Doxe de Venesia

 
Cuel prima Cuel daspò
Alvise Pisani 1741-1752 Francesco Loredan