Kamba

Da Wikipedia, l'ençiclopedia libara.
Va a: navigasion, serca
NSRW Africa Mukamba.png

I kamba (en te la loro lengoa mukamba al singolar e akamba al plural) i xe on popolo che vive en tel Kenya. I kamba i xe bantu e i vive tra la costa e la region sentral del paexe. I xe ono de i majori grupi etnici del Kenya.


Storia[canbia | canbia sorxente]

I kamba i xe ono de i popoli bantu che el xe rivà en Kenya durante le migrasioni del X secolo. I xe rivà ne la zona de Machakos en tel XVII secolo e i sa slargà en te la zona de Kitui en tel XVIII secolo. I sa anca mosi verso la costa a lo steso tempo dove i gha fondà i vilagi de Mtito Andei (foresta de i avoltoi) e Mariakani (la faretra). I no xe andà fin su la costa parché i gha fato guera co i maasai par el control de la zona de Voi e i xe stà blocà ne l’espansion a sud. I kamba i xe agricoltori ma i gha anca controlà el marcà co i arabi e i swahili. Tute le piste carovaniere che rivava su la costa, le pasava dal teritorio kamba. I kamba i gha resistio la colonizasion, ma dopo i gha formà el groso de l’esercito. Co i inglexi sa tolto la tera e le vache, i kamba i gha marcià so Nairobi e ocupà la zona de Kariokor. I inglexi i gha dovù restituir tera e bestie. Ancò i kamba i sofre par la sicità ne le loro tere ancestrali, ma i se sa espanso ne le zone maasai (Altopian de i Kaputiei, zona de Narok e zona de Kajiado), e i gha atività comerciali ne le pi grandi sità del Kenya. Tanti kamba i segue la cariera militare o de le guardie forestali (Wildlife Service).

Cultura[canbia | canbia sorxente]

Come quasi tuti i grupi etnici keniani, i kamba i segue el sistema de le clasi de età. Tuti i omeni che i gha fato l’iniziasion insieme i fa parte de on grupo de età. On butel diventa omo co la circoncision. Al primo stadio de l’iniziasion, el butel el se ciama kamwana (picolo omo), al secondo stadio el diventa mwanake (gueriero) e al terzo nthele (omo maduro). Dopo sti tri stadi on el diventa ansian (i anziani i aministra la giustisia) e dopo custode del sacro (i veci i media i bisogni de el grupo con Dio). Tuti i kamba i apartien a ono de i 25 clan patrilineari. No se se pol sposar co done de lo steso clan.


Religion[canbia | canbia sorxente]

I kamba i crede en Dio (Ngai o Mumbi) ma anca en tuta na serie de spiriti. De solito i spiriti i xe i spiriti de i antenati. Ma ghe anca spiriti cativi. La dea Gatambi la xe la dea de le acque. No se capise ben se Gatambi la gha da esar considerà na dea al pari de Ngai, o solo no spirito sotomeso a Dio. I kamba ofre speso de i sacrifici incruenti a i spiriti, normalmente soto i albari sacri. Anca se la majoria la xe diventà cristiana, el mondo de i spiriti el xe ancora molto importante par i kamba.


Economia[canbia | canbia sorxente]

I kamba i xe rimasti agricoltori e alevatori. Quei che vive in sità i sa dato al marcà. Tanti i laora ne l’esercito. I artigiani kamba i xe bravi a scolpir el legno.