Jerry Calà

Da Wikipedia, l'ençiclopedia libara.
Va a: navigasion, serca

Jerry Calà nome d'arte de Calogero Calà (Catania, 28 xugno, 1951), xe un cabaratista, ator sinematografego e regista itałian. El so nome xe łigà senpre anca a ła carièra co' i Gatti di Vicolo Miracoli, e ad alcuni tormentoni creà pròpio da łù 'ntei ani setanta.

Biografia[canbia | canbia sorxente]

Jerrry Calà xe nato el 28 xugno a Catania, ma l'è cresùdo a Verona indove l'à frequentà el liceo clasico Scipione Maffei, da genitori che rivava da San Cataldo (in provincia de Caltaniseta. Ła carièra de cabaretista par eło taca in Veneto, in conpagnìa de Umberto Smaila, co'l qual l'à formà (anca co' ła prexensa de Nini Salerno e altri du conponenti, aponto el grupo dei Gatti, a cui presto se gà xontà anca Franco Oppini. El grupo sarìa xonto anca al locałe famoxo de Miłan el Derby, e 'l suceso tełevixivo ghe riva co'ła partecipasion al programa Non Stop par la regia de Enzo Trapani.

Da sta trasmision a altre che xe vegnùe in seguito, i gà incixo anca do dischi singołi Prova e Capito, (sigla de Domenica in, che jera rivà ai primi posti de łe clasifeghe de vendita nasionałi.

I Gatti a quel'epoca spopołava in Itałia; i gaveva debutà anca al sìnema co' un paro de film de Carlo Vanzina (Arrivano i Gatti e Una vacanza bestiale, tuti do del 1980. Caxon prinsipałe el slanso de ła so carièra sołista 'ntel sìnema, 'ntel 1981 Jerry Calà moła però el grupo, che seita co' na formasion a tre. Da ałora el gà interpretà numaroxi film comici de suceso, masime infra i primi ani otanta e i primi novanta, permetendose però anca un ròło dramadego 'ntel grotésco Diario di un vizio 1993 de Marco Ferreri.

A ła fìn el riva anca ad ocuparse de regìa, autodirigendose in sinque film: Chicken Park, parodìa demensiałe del coevo film de Spielperg Jurassic Park, Ragazzi della Notte (1995) so'l mondo de łe discoteche; Gli inaffidabili (1997), nel quałe el gà riunìo i Gatti di Vicolo Miracoli fasendo el verso ad Amici miei (de cui non a caxo 'ntel 2002 el grupo interpretarà ła version teatrałe, co' ła regia del steso Monicelli); Vita Smeralda (2006), ła cui anbientasion l'è stà reałixà 'ntel jet set de Porto Cervo; Torno a vivere da solo (2008), sequel ideałe de Vado a vivere da solo de Marco Risi (1982), el primo film dove Jerry l'è stà proagonista, so'l cui set l'aveva conosùdo l'alora xovene showgirl Mara Venier, spoxà 'ntel 1984 ma da cui el se separarà dopo che jera pasà sol che un ano dal matrimonio, restando isteso in otimi raporti (infati co' Don Mazzi - entranbi nei pani de so stesi el verxe e sara Torno a vivere da solo, mentre in Vado a vivere da solo ła so aparision xera stà tajà in faxe de montajo). De Pipi Room (2011), che se recołega idealmente a Ragazzi della notte, invese el xe soło che regista.

'Ntel 2009 el debuta nel dopiagio, inprestàndo ła voxe al spècio magico ne ła version itałiana del film d'animasion USA Biancaneve e gli 007 nani.

'Ntel fraténpo, pur sensa poderse ciamàr cantante, Jerry xe montà a ła ribalta anca cofà intratenidor co' ła so voxe e łe so exibision muxicałi. El fior a l'àxoła dei so rendevù xe sicuramente łe seràde ała Capannina de Forte dei Marmi, el storego locałe de ła Versilia dove 'ntel 1997 Jerry gà tacà 'na cołaborasion co'l grupo "I Bravo", conposta da diexe ełementi: par festixàr i 80 ani del locałe, fati ne l'istà 2009, Calà gà slansà el singoło co' ła so version "dance" de Marcaibo ła canson de Lu Colombo co' cui de sołito el sera łe so exibision. 'Ntel so spetacoło Sapore di mare, ogni mercore de lujo e ogni mercore e venare de agosto, Jerry rancura sìrca 2500 parsone ogni sera, co' un publico par lo più xovane infra i 15 e i 35 ani: ła performance xe ispirà a l'omoemo film de Vanzina che ło vedeva fra i protagonisti, xirà 'ntel 1982 pròpio a ła Capannina del Forte.

Filmografia[canbia | canbia sorxente]

Ła piastrèła de Ałasio autografà da Calà


Ator[canbia | canbia sorxente]

Sìnema[canbia | canbia sorxente]

Tełevixion[canbia | canbia sorxente]

Regista[canbia | canbia sorxente]

Voxe łigàe[canbia | canbia sorxente]

Cołegamenti esterni[canbia | canbia sorxente]