Grimani
{{variansa|venesian
| Grimani | ||
| ||
I Grimani xe stài na nobiłe famegia de Venesia, de cui anca drìo ła seràda del Mazor Consegio i faseva oncora parte del patrisià, essendo compresi infra i Curti. Sta famegia gà donà tre dosi a ła Serenissima. I cronisti gà punion descompagne riguardo łe raìse de sta famegia. Par parò ch'el primo Grimani documentà, Servadio, xe tornà a Venesia su'l scominzio del X secoło, indove che i so avi, de orìzene łombarda, se gaveva za istałà. Inte el 940 el fio de nome Teodosio gera stà ameso al Mazor Consegio. Girolamo Grimani, so pare del dose Marino, inte el XVI secoło gaveva fato fabricàr un Pałasso 'rente całe Grimani, su desegno del San Michieli. In sto palazzo ghe xe stàda l'incoronasion de Morosina Morosini, so mugèr del dose Marino Grimani. Da łe bande de Canpo Santa Maria Formosa se cata el "ramo Grimani" ciamà in sto modo parchè mena verso el palazzo mazéngo, che zera stà fondà da Giovanni Grimani, Patriarca de Aquileia inte el 1545. Grimani gera un inzucà de archeołogia ed arte antiga e ne l'edificio el gaveva na rica colesion gran parte ancùo desfàda. El 8 Fevrèr 1819 ła nobiltà gera stàda confermàda da l'Impero Strìaco.
Membri çełebri
[canbia | canbia el còdaxe]- Antonio Grimani (1434–1523), setantaseiesimo dose;
- Domenico Grimani (1461-1523), eclesiastico, patriarca de Aquiłeia, so fìo del precedente, al cui nome xe łigà el Breviario Grimani
- Marino Grimani (1489-1546), eclesiastico, patriarca de Aquiłeia;
- Marco Grimani - (1494-1544), eclesiastico, patriarca de Aquiłeia
- Giovanni Grimani (1500–1593), eclesiastico, patriarca de Aquiłeia, cołesionista d'arte e mecenate;
- Marino Grimani (1532–1605), otantanovesimo dose;
- Vincenzo Grimani (1653-1710), gardenàl, diplomatico e viceré de Napołi;
- Pietro Grimani (1677–1752), çentoquindesimo dose;
- Michele Grimani (1697–1775), nobiłomo conossùo come mecenate;
- Filippo Grimani (1850-1921), połìtico.
Pałassi
[canbia | canbia el còdaxe]Bibliografia
[canbia | canbia el còdaxe]- Dizionario storico blasonico delle famiglie nobili e notabili, italiane estingueste e fiorenti; G.B. Crollanzo – Arnaldo Forno Editore
- Giuseppe Tassini, Curiosità Veneziane, note integrative e revision a cura di Marina Crivellari Bizio, Franco Filippi, Andrea Perego, Venezia, Filippi Editore, 2021 [1863].
Altri projeti
[canbia | canbia el còdaxe]
Wikimedia Commons el detien imàjini o altri file so Grimani
el detien schemi gràfeghi so
| Controło de autorità | VIAF (EN) 40251418 · GND (DE) 122071093 · CERL cnp00567846 · WorldCat Identities (EN) 40251418 |
|---|