Firm
 |
||||||||||||||
 Firm |
||||||||||||||
| Stato de conservasion | ||||||||||||||
|
||||||||||||||
| Clasificasion sientìfega | ||||||||||||||
|
||||||||||||||
| Nomenclatura binomiałe | ||||||||||||||
| Pinus cembra L., 1753 |
Al firm (nome sientifego Pinus cembra), al è an albero senprevert a foje a ghi de 'l genere Pinus che al viu te le Alpi. Al so legn al è pregià e al gnen doperà in modo particolar par far sculture. Al è al unico pin a 5 aghi che cress spontaneo in Europa.
Indice |
Portamento [canbia]
Al è an albero che al pol gner alt infin a 25 metri, anca se de solito no 'l passa via i 15, co la chioma cilindrico-conica. Al è na specie che la viu tanti ani.
Scorža [canbia]
La scorža la è bisastra, fina e slissa co segn de rasa te le part dovene, te le parti vece la è rugosa e la se screpolea in plache co fessure ross scure.
Foje [canbia]
Le è aghiformi e le è binade in mažet da 5, le è longhe 5-8cm, de color scur su 'l lato par sora e bisastro su quel par sot.
Panoce [canbia]
Le panoce le se inmaduriss da giugno a lujo e le è longhe in media 4-7 cm.
- I fjor mastci i è rossi disponesti a stciapade in žima a i ran.
Le panoce le chei intiere e no le se verž. Le žiess le gnen deliberade da la ažion de i animai (par es.: Nucifraga caryocatactes). Le žiess, de solito ciamade pinoli, le à an rivestiment dur e legnoss.
Legn [canbia]
Al firm al cress a pianpianet, e par sto tant al svilupa an legn dur, ma insieme anca senža venadura (afermažion che va vista in senso strutural, no botanico!). Par sti motivi al è adato a scolpirlo par far lore e altri atreži, e in particolar modo maschee par žerte manifestažion tradižionai de le zone de montagna. Co 'l firm se pol far anca mobili da la durata incredibile, da 'l bon parfun de rasa e da 'l color su 'l ross.
Difusion e habitat [canbia]
La è na specie de montagna. La zona de difusion no la è conessa e la conprende al arco alpin e do zone te i Balcani e in Europa central. Al cress a partir da i 1200 metri de quota infin a 'l limite superior de i bosch de conifere subalpini, catyando condižion otimai tra i 1600 e i 2100 m de altitudine. A à pì caro teren acidi, ma al pol viver anca su substrati calcarei acidificadi o slavadi in superficie da la ažion de la pioa. Al firm al pol far bosch missiadi co 'l pež e manco da spess co 'l laress o anca bosch puri. In Veneto se 'l cata te le Dolomiti. De particolar inportanža al è al bosch de 'l Cansiljo, aonde che par žentener de ani al à representà un de i pilastri de la economia de i Cinbri. No se sà se sie la đent che à ciapà al nome da i alberi o i alberi da la đent.
Usi [canbia]
- Al gnen doperà te i rinboschiment de protežion e te i interventi de ricupero anbiental e de consolidament de versanti.
- Al gnen doperà žerte olte te i parchi come ornamental, in particolar aonde che al clima al è tenperà-fret.
Diferenže co specie che le ghe someja [canbia]
Al numero "5" de aghi al fa sì che se pode destinguer sto pin da quelaltri che se cata te le stesse zone. Te i parchi citadini solche al pin de la Himalaya e al pin strobo i à mažet de aghi de 'l stesso numero, ma i à panoce tant pì longhe (15-30 cm) e i aghi stessi i è pì longhi de 8-16 cm. Al à le žiess che le ghe someja a quele de 'l pin mestech co 'l qual al pol esser confondest dificilmente parchè i ocupa aree diverse.
