Cosworth

Da Wikipedia, l'ençiclopedia libara.
Va a: navigasion, serca

Cosworth la xè on'asienda britanega spesializada 'ntel svilupo e produsion de modori automobilistegi a alte prestasioni, en partiolar par la conpetision. Cosworth gha infati prodoto par Ford el modor Ford-Cosworth DFV (el modor piassé longevo dela storia dela Formula 1) che gha dominà la Formula 1 tra el 1967 e l'inizio dei ani otanta (155 vitorie), e xè stà poi presente 'ntea serie fin al 2006. Tualmente la xè presente come fornidor 'ntea Champ Car mericana e en altre serie.

Storia asiendal[canbia | canbia sorxente]

Fondà 'ntel 1958 da Mike Costin e Keith Duckworth (da cui la ciapa el nom), la gha atraversà diverse riorganizasioni e canbiamenti de proprietà, en agiunta al raporto preferensial cola Ford, che la gha comerxialisà gran parte dei so progeti, speso tegnendo el proprio marchio. La United Engineering Industries (UEI) ghà poi acquistà l'asienda 'ntel 1980 par poi venderla ala Carlton Communications 'ntel 1988; 'na sucexiva acquisision da parte dela Vickers 'ntel 1990 la ghà portà poi 'ntel 1998 a esar 'na sozietà del grupo Volkswagen.

Volkswagen non la xera interesà ala division sportiva (Cosworth Racing Limited) che xè stà sedùa ala Ford par la quale la division prinçipalmente la laoràa. La Cosworth Technology Limited invexe (che la se ocupàa de svilupo powertrain su comision e el cui metodo brevetà de fusion en aluminio xè utilixà da diverse case tra cui Audi e Aston Martin) la xè stà sedùa da Volkswagen al grupo Mahle 'ntel diçenbre 2004 canbiando el proprio nom en Mahle Powertrain.

'Ntel setenbre 2004 Ford la anuncià che la Cosworth Racing la xera en vendita con ea squadra de F1 Jaguar Racing e Pi Group. El 15 de novenbre 2004 xè stà finalixà l'acquisto da parte de Gerald Forsythe e Kevin Kalkhoven, proprietari dela serie Champ Car par la qual Cosworth la xè fornitrice dei modori atraverso la controlata Cosworth Inc. con sede a Torrance en California. En sta ocasion Cosworth Racing gha riciapà el nom orisinal de Cosworth.

Modori sportivi[canbia | canbia sorxente]

On Ford-Cosworth DFV montà sora 'na Ligier JS11 del 1979

La Cosworth ghà scominsià la produsion de modori da competision 'ntel 1959 modificando on modore Ford Kent par la Formula Junior. La colaborasion de Cosworth con la Lotus la scominsia da sto modor, portà a 1340cc sula Lotus 7, par poi proseguir con modori da 1500cc e 1600cc par l'uso en Formula B o su veture sport, oltre che par el modelo Lotus Cortina. L'evolusion final del Cosworth-Kent 'ntel 1965 xè stà el MAE en seguito a l'introdusion de nove regole par la Formula 3 che le permeteva modori da 1000cc: el risultà xè stà el dominio conpleto dela serie finche le regole non le xè canbiaeo, tanto che la Cosworth non la riusiva a sodisfar la domanda e i modori MAE i venia vendui en scatola de montagio. El MAE ghà partesipà anca al Gran Premio de Gran Bretagna 'ntel 1964 sora 'na Cooper.

L'ano prima el xera stà svilupà el SCA, on modor da 1000cc basà su on monobloco Ford Cortina 116E che ghavea corso en Formula 2, e che el vedea la prima testata progietà internamente dala Cosworth. El modor Cortina el xè stà anca la base par el FVA, on modor par le regole dela F2 introdote a partir dal 1966: anca sto modor ghà dominà la so categoria sin al 1971, e xè stà usà con la denominasion FVC 'ntela version 1800cc par le gare sport. Anca par el FVA ghè stà 'na fugaxe aparision en F1 'ntel 1967 e 1968, montà sule Matra.

Ford-Cosworth DFV[canbia | canbia sorxente]

Lotus-Cosworth 49

Su incarico dela Ford e del proprietario dela Lotus Colin Chapman, 'ntel 1966 Costin e Duckworth i ghà unìo do modori a quatro silindri FVA en on unego motore V8, creando el DFV (Double Four Valve, overo "dopio quatro valvole") che el sarebe diventà legendario en Formula 1. Gha vinto zà ala so prima gara, el Gran Premio d'Olanda, montà sula Lotus 49 de Jim Clark, e a partir dal 1968 el xè stà a disposision de ogni costrutor che el desideraa acquistarlo. Questo ghà dao vita ala F1 dei ani '70, 'ntei quai la gran parte dee squadre el costruia la propria vetura intorno a on Ford-Cosworth DFV e a on canbio Hewland (Enzo Ferrari el ghà definii par questo "assemblatori") avendo poi man libara su telar e mecanica. El risultado final de sto modor xè stà de 155 vitorie en Gran Premi fin al 1983, oltre a doi edisioni dela 24 ore de Le Mans.

F1 logo.png

Ford-Cosworth

Fornitor motori
Stagioni 1967-1985
GP disputai 326
GP vinti 155
Pole-position 131
Ford-Cosworth DFV e derivati

Stagioni | Gran Premi | Sircuiti | Persone | Piloti | Scuderie | Fornitori

Tutte le voci

'Ntei ani, el DFV gha generà 'na serie de derivasioni che anca 'ntel nom i le porta el segno del modor orisinal: 'ntel 1968 el xè stà creà el DFW par le Tasman Series da 2500cc, mentre 'ntel 1975 con l'agiunta de do turboconpresori a 'na version 2650cc el xè nato el DFX utilizà dala Indycar che el sarebe diventà poi el modor standard fin ala fin dei ani otanta spodestando l'Offenhauser; 'ntel 1981 el xè nato el DFL par veture sport con silindrate de 3300cc e 3900cc, e el DFV stesso se trasformò en DFY 'ntel 1982 psr sercar de batere, sensa suceso, ei novi modori de F1 sovralimentai. El DFY ghà vinto 'na sola olta, a Detroit con Michele Alboreto sora 'na Tyrrell 'ntel 1983.

Mentre la Formula 1 la se trasformaa en 'na serie par soli modori sovralimentai 'ntel 1986, la nascita dela Formula 3000 ghà dao nova linfa al DFV che el corea con on limitador che el limitaa la potensa a sirca 400 cavali contro ei 500 orisinai. Questo formato dela F3000 el xè durà fin al 1992, mentre atualmente el DFV el troa la so ragion d'esar 'ntee gare de Classic Formula 1.

Con l'abandono da parte dela F1 dei modori sovralimentai e el ritorno ai aspirai, 'sta olta de 3500cc, Cosworth ghà creà on novo modelo sula base del DFV, prima en 'na version intermedia nota come DFZ (1987) e poi 'ntela evolusion final del DFR (1989) che ghà continuà a esar utilizado da squadre minori sin al 1992.

Formula 1: la nova generasion[canbia | canbia sorxente]

F1 logo.png

Cosworth

Fornitor motori
Stagioni 1989-2006
GP disputai  ?
GP vinti  ?
Pole-position  ?
Anche marchiati Ford

Stagioni | Gran Premi | Sircuiti | Persone | Piloti | Scuderie | Fornitori

Tutte le voci

Esaurie le posibilità del DFV, la Cosworth ghà prodoto on novo progeto par la F1 ancora marchià Ford; el modor HB ghà debutà sula Benetton durante la stagione 1989 vinsendo ala fin del'ano el Gran Premio del Giapon. Per tuta la durata dele stagioni 1989 e 1990 la Benetton la xè stà l'onega a poter dispore de 'sto modor, prima del'introdusion de 'na version "clienti" utilixà 'ntei ani sucexivi da Jordan, Lotus e anca McLaren, che la ghavrebe vinto 5 Gran Premi 'ntel 1993 con Ayrton Senna.

'Ntel 1994 el debuta el Zetec-R (nom derivà da 'na serie de modori Ford, non diretamente ligai tecnologicamente) sula monoposto Benetton B194, che contribuise ala vitoria del primo mondial piloi de Michael Schumacher e al seondo posto 'ntel Canpionato Costrutori par la Benetton; ciò nonostante la Benetton la dexide de pasar l'ano sucexivo a propulsori Renault, così el Zetec nol sarà pì montà sora squadre de primo pian, ma solo 'ntei ani sucexivi su Tyrrell o Minardi che ei rimarchierà Fondmetal, dal nom del sponsor.

'Ntel 1999 on novo progeto de on V10 da 3000cc, anch'eso sponsorisà da Ford: la nova serie CR montà sula Stewart Grand Prix, che la otegne on'insperà vitoria al Gran Premio d'Eoropa 1999 con Johnny Herbert, prima de trasformarsi en Jaguar Racing, soto el direto controlo de Ford, che 'ntel fratenpo la ghavea formalmente acquistà la Cosworth: par la prima olta la casa inglese la se trovaa a laorar come on vero e proprio costrutore con 'na propria squadra ufisial, ma 'sta situasion nol sarebe durà né la gh'avrebe portà sucesi parché la Ford la sarebe ben presto tornà sui soi pasi vendendo sia la casa de modori che el team.

On'altra vitoria, altretanto casual, la xè venua al Gran Premio del Brasil del 2003 con Giancarlo Fisichella al volante de 'na Jordan dal modor marchià Ford. L'epoca del V10 la finixe par Cosworth 'ntela stagione 2005 col modelo TJ2005 fornìo ala Red Bull Racing erede dela Jaguar e ala Minardi.

Red Bull a motore Cosworth TJ2005

A partir dala stagione 2006 la Cosworth non la fornise invece pì la Red Bull ma la Williams col CA2006, on motore V8 de nova concesion de 2400cc come richiesto dai regolamenti, e la Minardi (ribatezà Scuderia Toro Rosso) con el TJ2005 di 3000cc limità en potensa.

Cosworth la ghavea anca svilupà on V10 par la squadra Sauber che nol xè stà parò mai utilizà, e alcone voçi le parlaron de on interese dela Volvo par 'na version de sto modor da usare en auto dale elevae prestasioni.

Champ Car[canbia | canbia sorxente]

Motore Cosworth par la Champ Car modelo 2004

On dei progeti de pì longa duràa e magior sucexo par la Cosworth la xè stà la fornitura de modori par la serie americana CART, ora Champ Car. A partir dai ani '70 sula base del V8 DFV de Formula 1 el xè stà svilupà el DFX adatà ala formula americana da 2650cc con turboconpresor. El modor el xè stà on imedià sucexo e cussìta come par el DFV el xè divenuo lo standard de riferimento fin a quando nol xè finìo sopiantà da nove tecnologie. 'Ntel fratenpo la xera aparsa 'na version amodernà, el DFS, trasferendo parte dele esperiense svilupàe sora el DFR de F1.

Sucexivamente Cosworth gha progetà 'na nova serie X scominsiando col XB 'ntel 1992 par proseguir col XF, realisà 'ntel 2000 e scelto 'ntel 2003 come modor unego par el canpionato Champ Car.

Cosworth gha anca risevuo l'incarico de pogietar on quatro silindri da 2300cc par la Formula Atlantic.

Raly[canbia | canbia sorxente]

Senpre come partner dela Ford, la Cosworth gha preparà modori par ei rally: 'ntei ani otanta la Ford RS2000 Gruppo B la montaa on Cosworth BDT-E, e sucexivamente modori sovralimentai da 2000cc seli stai usai fi a ogi sule Ford Cosworth Sierra, Ford Cosworth Escort e Ford Cosworth Focus che le gha partesipà al Canpionato Mondial Rally.

Altri progeti[canbia | canbia sorxente]

Cosworth gha svilupà modori usai en varie veture del grupo General Motors, tra cui la Chevrolet Vega, la Opel Ascona 400 e la Opel Calibra V6. L'asienda gha anca colaborà con Mercedes-Benz (190 16V), Rolls-Royce, ARO e Audi.

Vetura de Formula 1[canbia | canbia sorxente]

Cosworth gha provà a realisar 'na intera vetura de Formula 1 'ntel 1969, progetà da Robin Herd e caraterizà da 'na trasmision a 4 rude motrici realizà en proprio, oltre naturalmente al modor DFV. La gh'avrebe dovùo garegiar al Gran Premio de Gran Bretagna ma sensa ulteriori anunci el progeto el xè stà canselà e Herd el ghà lasà l'asienda par fondar la March.