Citrullus lanatus

Da Wikipedia, l'ençiclopedia libara.
Va a: navigasion, serca

L'angùria o cocómaro la xe 'na pianta deła fameja dełe Cucurbitaceae, inteła orìʒʒene provegnente dała Africa tropicałe.

Etimołoʒʒia[canbia | canbia sorxente]

El nom cocomaro (o mejo, cocomero), come ło ciama inteła Itałia del tsentro et del sud, el deriva dal latin cucumis (zetriol). Intel Sud el xe par altro anca el termin mełone d'acqua[1]. El nom anguria, usà intel Nord, in Sardegna et intel Sałento el deriva inveçe dal greco tardo angurion (tsetriol, sempre), propagatosi atraverso ła dominassion bizzantina a partir dal Esarcà de Ravenna [2]

Carataristeghe botaneghe[canbia | canbia sorxente]

El cocomaro la xe 'na pianta anuałe, con fusto erbaçeo rampicante, folie grandi et pełose, con tre lobi, fiori maschiłi et fiori feminiłi, fruto de granda stassa tondo od ogivałe. El pol rivar ai 20 kg de massa. El invołucro verde el xe lissio, assai massizzio, et el presenta varie striaùre e tsasse bianche o ʒałastre.

Carateristeghe del fruto[canbia | canbia sorxente]

El fruto el gha un drentro de cołor roßo o ʒało (raramente), pien de semi, che i pol eßar mori, ciari o ʒałi. La polpa xe piena de acqua (pießé del 90 parçento) et el contenù in ʒùcari singołi la rende particołarmente doltse. El contien inoltre un cospìcuo quantitativo de Vitamina A (lipoßołubiłe) e Vitamina C (idroßołubiłe). I cocómari i xe catabiłi taßativamente inteła istadéła, da majo a setenbre.

Aversità[canbia | canbia sorxente]

Tra i bai, el paraßita piessé importante el xe el afide Aphis gossypii. Tra łe małatie da fonghi le ghe xe el oidio (causà da Erysiphe cichoracearum et dal Sphaerotheca fuliginea), la peronospora (causà da Pseudoperonospora cubensis), la mufa griʒʒa (causà da Botrytis cinerea) et el nerume (causà da Alternaria alternata). Tra le micotossine, la ghe xe la patułina.

La compoxission del cocómaro[canbia | canbia sorxente]

Par tsento grami de parte edìbiłe:

La polpa del cocómaro, de cołor rosso et piena de semi, la xe costituìa par oltre el 90 parçento de acua, ma la contien anca un discreto quantitativo de ʒucari, sora tuto frutòsio, et vitamine A, C (8.1 mg), B e B6.

Degustassion[canbia | canbia sorxente]

In Itałia el cocómaro el se magna de norma tajà a fete o in mazzedogna. Intełi paesi tropicałi el se magna speßo tajà a dadeti servì su un vaßojo aßiéme ad altri tipi de fruta, co fà ananas, mango e papaja.

Note[canbia | canbia sorxente]

  1. http://www.ilsinonimo.com/C/cocomero/
  2. http://dizionari.corriere.it/dizionario-si-dice/A/anguria-cocomero.shtml