Cecina Alieno

Da Wikipedia, l'ençiclopedia libara.
Va a: navigasion, serca
Sta pajina xè orfana
Sta pajina xè orfana, overo priva de cołegamenti in entrata da altre pajine
Inserissighene almanco uno pertinente e cava l'avixo

Aulo Cecina Alieno (en łatin Aulus Caecina Alienus, el gera questore en Baetica en Spagna al tempo deła morte de Nerone, 'ntel 68 d.C. e el xe sta uno dei primi a aderire al partito de Galba. El xe sta riconpensà da Galba col comando de 'na łegion 'nte ła Germania superior; ma poco tempo dopo el xe sta catà a robare schei publici e ł'inperador el ga ordinà che 'l fuse fuse procesà. Cecina, par vendeta, el se ga rebeła insieme a łe so trupe e el se ga schierà par Vitellio.

Ai scuminsi del 69, el ga procesto verso l'Itałia ała testa de on exercito de 30 000 omeni.

El ga traversà el Gran San Bernardo e el ga marcià atraverso l'Italia setentrionałe sensa catare rexistensa.

Arivà a Placentia el ga atacà ła sità dove che el xe respinto subendo anca gravi perdite.

Vołendo catare ancora el proprio onor prima de esare ragiunto da Fabio Valente, Cecina el ga decixo de de preparar on'inboscada in te on posto ciamà Castorum, a dodexe miglia da Cremona; ma i so programi i xe sta svełà ai nemisi e el ga subìo ancora 'na sconfita. Poco tenpo dopo, insieme ałe forse de Fabio Valente i xe riusìi a vinsare so łe truppe de Otone a Bedriacum, vitoria che ga stabilìo el poder de Vitellio en Itałia.

Dopo aver otegnuo el controło de Roma, Cecina e Valente i xe sta promosi al consołato e i xe entrà 'nte ła carica el primo de setenbre del 69. 'Ntel fratempo, Antonio Primo, che el se gera schierà a favore de Vespasiano, el gera drio prepararse a invadare ł'Itałia e Cecina de conseguensa el xe sta mandà contro de lu. Cecina el ga intercetà Antonio in prosimità de Verona e el gavaria podesto schisarlo sensa fadiga; ma el ga decixo de abandonare ła causa de Vitellio e el se ga acordà con Lucilio Basso, che el gaveva el comando deła flota del Vitellio e che el pensava ało steso tradimento.

Ma quando el ga tentà de convinsare i so soldati a sejare Vespasiano, questi i se ga ribełà metendoło in cadene. Antonio, però i łi ga atacà e batù e ałora, par ingransiarse Antonio, i ga liberà Cecina.

Antonio el ga mandà Cecina da Vespasiano, che ło ga tratà con grande onore ma quando łe notisie del so tradimento łe xe rivà a Roma, el xe sta privà del so consołato e al so posto a xe sta ełetto Roscio Regolo.

(Tacito Historiae I 52, 53, 61, 67—70, II 20—25, 30, 41—44, 71, 99, 100, III 13, 14, 31; Cassio Dione Cocceiano LXV 10, 14; Giuseppe Flavio Guera giudaica IV 11. § 3)

A no se ga pì notisie de Cecina fin al 79, verso ła fine del prinsipato de Vespasiano, quando el ga fato parte de congiura contro ł'inperador e el xe sta copà par ordine de Tito, apena 'nda fora on bancheto 'ntel pałaso inperiałe. (Cassio Dione Cocceiano LXVI 16; Svetonio Titus 6). Secondo Aurelio Vittore (Epit. 10), Cecina el xe sta fato copare da Tito parché ło gaveva sospetà de intrighi co' ła so amante Berenice.

Curioxità[canbia | canbia sorxente]

Secondo Tacito el gera nato a Vicensa[citasion nesesaria].

Fonti[canbia | canbia sorxente]

  • William Smith (a cura di): Dictionary of Greek and Roman Antiquities, (1870)