Cecina Alieno
| Biografia | |
|---|---|
| Nasimènto | sèculo I d.C.  Vicensa (Itàlia) |
| Morte | 79 d.C. Roma |
| Càuza de morte | Pena de morte |
| Senador roman | |
| Cuestor | |
 Cónsołe roman | |
| | |
| Atività | |
| Ocupasion | |
| Perìodo | Alto Inpero roman |
|
| |
Aulo Cecina Alieno (en łatin Aulus Caecina Alienus, el gera questore in Baetica in Spagna al tempo de ła morte de Nerone, inte el 68 d.C. e el xe sta uno dei primi a aderire al partio de Galba. El xe sta riconpensà da Galba col comando de na łegion inte ła Germania superior; ma poco tempo dopo el xe sta catà a robare schei publici e ł'inperador el ga ordinà che el fuse fuse procesà. Cecina, par vendeta, el se ga rebeła insieme a łe so trupe e el se ga schierà par Vitellio.
Ai scuminsi del 69, el ga procesto verso l'Itałia a ła testa de on exercito de 30 000 omeni.
El ga traversà el Gran San Bernardo e el ga marcià atraverso l'Italia setentrionałe sensa catare rexistensa.
Arivà a Placentia el ga atacà ła sità dove che el xe respinto subendo anca gravi perdite.
Vołendo catare oncora el proprio onor prima de esare ragiunto da Fabio Valente, Cecina el ga decixo de de preparar on'inboscada inte on posto ciamà Castorum, a dodexe miglia da Cremona; ma i so programi i xe sta svełà ai nemisi e el ga subìo oncora na sconfita. Poco tenpo dopo, insieme a łe forse de Fabio Valente i xe riusìi a vinsare so łe truppe de Otone a Bedriacum, vitoria che ga stabilìo el poder de Vitellio in Itałia.
Dopo aver otegnuo el controło de Roma, Cecina e Valente i xe sta promosi al consołato e i xe entrà inte ła carica el primo de setenbre del 69. Inte el fratempo, Antonio Primo, che el se gera schierà a favore de Vespasiano, el gera drio prepararse a invadare ł'Itałia e Cecina de conseguensa el xe sta mandà contro de lu. Cecina el ga intercetà Antonio in prosimità de Verona e el gavaria podesto schisarlo sensa fadiga; ma el ga decixo de abandonare ła causa de Vitellio e el se ga acordà co Lucilio Basso, che el gaveva el comando de ła flota del Vitellio e che el pensava inte el steso tradimento.
Ma quando el ga tentà de convinsare i so soldati a sejare Vespasiano, questi i se ga ribełà metendoło in cadene. Antonio, parò i łi ga atacà e batù e ałora, par ingransiarse Antonio, i ga liberà Cecina.
Antonio el ga mandà Cecina da Vespasiano, che ło ga tratà co grande onore ma quando łe notisie del so tradimento łe xe rivà a Roma, el xe sta privà del so consołato e al so posto a xe sta ełetto Roscio Regolo.
(Tacito Historiae I 52, 53, 61, 67—70, II 20—25, 30, 41—44, 71, 99, 100, III 13, 14, 31; Cassio Dione Cocceiano LXV 10, 14; Giuseppe Flavio Guera giudaica IV 11. § 3)
A no se ga pì notisie de Cecina fin al 79, verso ła fin del prinsipato de Vespasiano, quando el ga fato parte de congiura contro ł'inperador e el xe sta copà par ordine de Tito, apena 'nda fora on bancheto inte el pałaso inperiałe. (Cassio Dione Cocceiano LXVI 16; Svetonio Titus 6). Secondo Aurelio Vittore (Epit. 10), Cecina el xe sta fato copare da Tito parché ło gaveva sospetà de intrighi co ła so amante Berenice.
Curioxità
[canbia | canbia el còdaxe]Secondo Tacito el gera nato a Vicensa
.
Fonti
[canbia | canbia el còdaxe]- Cassio Dione Cocceiano
- Giuseppe Flavio: De bello Judaico' (Guerra Giudaica)
- Svetonio: Vitellius, Titus
- Tacito Historiæ
- William Smith (a cura di): Dictionary of Greek and Roman Antiquities, (1870)
el detien schemi gràfeghi so
