Ceza de l'Anzoło Rafael

	Ceza de l'Anzoło Rafael
Epònemo	Arcànzeło Rafaełe
Dati
Sorte	Ceza
Costrusion	1618
Dedicà a	Arcànzeło Rafaełe
Caraterìsteghe
Stiłe architetònego	architettura barocca italiana (it)
Materiałe	cuareło
Pozision
	Venesia
Pozision	Dorsoduro
	45°25′57.02″N 12°19′08.37″E
Atività
Diòseze	Patriarcàdo de Venesia
Rełijon	Catołega

La céxa de San Rafael Arcanzoło, conosùa anca cofà céxa de l'anzoło Rafael, xe un edificio lerigióxo de ła sità de Venesia situà inte el sestièr de Dorsoduro.

Storia

La Ceza se leva in una de łe xone più antighe de ła çità, infra łe prime ad eser cołonixàe. Segóndo ła tradisión sarìa una de łe oto Ceze che San Magno, vescòvo de Oderso gà fato costruìr quando che xe nata ła çità, risałendo cussì adiritùra al VII secoło. Rexulta documentà che na Ceza istałàda in questa xona xe stàda desfàda in ocaxión de un incendio nato inte el ano 899 e gera stàda costruìa, foraché el fato che gera stàda desfàda altre do volte senpre par incendio, inte el 1106 e el 1149, vegnindo senpre ricostruìa.

So'l scominsio del Sìesento łe precarie condisión statiche de l'edificio ghe n'aveva rexo necesaria na ricostrusión ulteriór conpleta, che xe stàda finìa inte el 1639 da l'architeto Francesco Contin che rivava da Ługàn. I łavori de łe decorasión a l'interno, masima ła reałixasión dei dipinti e de łe statue, gà continuà anca inte el Setesento par po' fenìr infra el 1743 e el 1749.

Descrisión

La Ceza se sviłùpa so ła pianta a croxe grega de ła strutura precedente, co ła fasàda revòlta verso el rio, de l'Anzoło Rafael. L'intràda più uxàda xe queła in banda, megio integràda ne ła çircołasión pedonàl.

A l'interno se risalta łe sculture de Sebastiano Mariani e łe pitùre del parapeto de ła cantoria rafeguranti łe Storie di Tobiolo atribuìe a Gianantonio Guardi. Altri afreschi gera stài exeguìi da Michelangelo Morlaiter. L'inponénte organo che podemo amiràr xe stà costruìo inte el 1821 dai fradèłi Antonio e Agostino Callido, fiòi del pì çełebre Gaetano. In seguito xe stà riordenà dai peritisimi fradèi Bazzani inte el 1848 e po' inte el 1862; inte el 1961 xe stà sotopòsto ad un acurà restàuro da ła dita Tamburini.

So' ła canpàda çentràl de ła navàda xe prexente un pregevołe afresco de Francesco Fontebasso, come pure altre pitùre ne ła Capèła del Batistero.

Conpleta ła strutura do capanìłi quadrài de inpianto romanico co caxànsa ad archi binài sormontà da na cubsìde rivestìa in pionbo.