Dorsoduro

Da Wikipedia, l'ençiclopedia libara.
Va a: navigasion, serca
Poxision de Dorsoduro 'ntel séntro stòrego de Venesia.

Dorsoduro el xé un dei Sestièri de Venesia. El 12 de disenbre del 2007 el gaveva 15.586 abitanti (dei quai 4.763 i sta a ła Zueca e 1.535 a Saca Fìxoła).

El nome forse el saltaria fóra dal fato che ła zona ła gera na volta particołarixada da un terén fermo (co ła schena dura), manco pien de pałui che da altre parte.

Geografia[canbia | canbia sorxente]

El confina a nord coi sestièri de Santa Cróxe e San Poło, chei se cata vanti al Rio Ca' Foscari e all Rio Malcanton; a est ghe xé el Canal Grando; a sud el se fasa sul canal de ła Zueca, de fronte a st'ìxoła che ła xé dal'aministrasion considerada parte del sestièr anca se ła ga na numerasion sìvica sóa.

El sestièr el xé cołigà al sestièr de San Marco traverso el ponte del'Academia.

Ła fondamenta de łe zàtare, un dei posti più piéni de xénte de Venesia.

Storia[canbia | canbia sorxente]

Ła parte a ovest del sestièr ła xé costituia dal'ìxoła Mendìgoła, che ła xé stada intrà łe più antighe xone de ła sità che ła xé stada abitada, desferénti sècołi prima che Rialto ła devegnése séntro vital de Venesia (810).

Indove ghe gera st'ìxoła qua el xé stà daspò tirada su l'inportante Céxa de San Nicołò dei Mendigoli che ła xé del XI sècoło.

Łe ìxołe tacade łe xé stade edificade daspò, fin chei xé rivai a ła Ponta de ła Dogana, che ła tol sto nome perché qui ghe gera ła Dogana de Venesia.

L'ùltema àrea bonifegada ła xé stada ła parte che ła va da ła Dogana da Mar e el monestièr (in pràtega, indove ancuo ghe xé ła baxéłega de Santa Maria de ła Sałute).

Vanti al Canal Grando se pol véder Piasa San Marco ma l'ùnega maniera per rivarghe ła xé traversar el ponte del'Academia.

Monumenti e céxe[canbia | canbia sorxente]

Céxa dei Gavoti

Daspò San Marco, Dorsoduro el xé el sestièr de Venesia indove se cata più muxei inportanti.

El muxeo prinsipal el xé ła Gałeria del'Academia, ordenà dal pitor Giambattista Piazzetta 'ntel 1750, e spostada in sti edifisi qua da Napoleon 'ntel 1807.

De granda inportanza ła xé anca ła Cołesion Peggy Guggenheim de arte moderna e contenporànea, a Pałaso Venier dei Leoni, che na volta el gera anca abitasion privada de ła sàntoła mericana, e el muxeo de arte contenporànea Pónta de ła Dogana - Fondasione François Pinault, chel governa anca ła cołesion de Pałaso Grassi, verto 'ntel 2009[1].

Qua ghe xé anca Ca' Rezonico, col muxeo del Setesénto venesian, Ca' Dario, famóxa per ła fin tràxica de paréci sói paróni, e ła Scóła Granda dei Carmini.

Łe céxe più inportante łe xé ła Baxéłega de Santa Maria de ła Sałute, ła céxa de Santa Maria de ła Corona dei Gavoti e ła céxa de San Nicołò dei Mendìgoli.

I xé da véder anca el squero de San Trovaso e canpo Santa Malgarita, lógo de incontrada per venesiani e studénti.

Note[canbia | canbia sorxente]

  1. Sito ufsial del muxeo Pónta de ła Dogana
Sestièri de Venesia
Canarégio · Casteło · Dorsoduro · Santa Cróxe · San Marco · San Poło
Venezia-Stemma.png