Pónte dei pugni

	Pónte dei Pugni
Epònemo	pugno
Dati
Sorte	Ponte de Venèsia
Mezurasion	2,27 () × 3,5 () × 9,52 () m ;
	Venesia
	45°25′59.16″N 12°19′27.48″E

El Pónte dei Pugni el ze n pónte de Venesia, a Dorsoduro, darénte a Canpo San Barnaba.

I venesiani dei do sestieri i se catava e i se sfidava in zughi, anca lota. De sòłito ghe jera cuełi che stava de caza a Castèło, San Marco, Dorsoduro, San Nicołò dei Mendícołi, Santa Croze, San Poło e Canarégio.

Descrisión e storia

'Sto pónte el prezenta so cuatro vertici de ła pavimentasión de ła somità cuatro inpronte de pìe in pièra d'istria e el ciapa 'sto nome da na antiga tradisión de Venesia da sècołi zbandonàda: ła Guera dei Pugni. I abitanti de do frasión averse, i Castełani de San Piero de Casteło e i Nicołoti de San Piero dei Mendicołi,i se scontrava a punji so ła parte sòra de'l ponte. Da'l meze de setenbre a Nadal i Castełani e i Nicołoti i se sfida a colpi de punji so i ponti de ła sità, che a cuel tenpo i gera scuazi tuti sensa ringhiere in banda, prima i canpioni in dueło po' in risa^[1]. Ghe ze infati, anca se manco séłebre, n'altro Ponte dei Punji visin a'l Canpo de Santa Fosca inte'l sestièr de Canaregio, anca st'altro el ga łe inpronte dei pìe in pièra d'Istria. Inazónta, gera stài utiłizài altri pónti cofà canpo de batàgia inte łe guere dei punji.

El fin de'l "zogo" el gera cueło de butàr i aversari inte'l rio danànsi. Vinseva ła scuadra che ła riusìva a tenjir i só òmeni so'l ponte. Inte'l 1705 gera stài proibìi i scontri dopo che pròpio in cuel' ano ghe ze stà uno dei più cruenti scontri, inte i cuałi dai sołi punji A se ze pasà ai cortełi.