Canpo San Barnaba

Da Wikipedia, l'ençiclopedia libara.


El canpo San Barnaba co l'omonema céxa

Canpo San Barnaba xe un canpo de Venesia logà inte el sestièr de Dorsoduro.

Se cata longo el parcorso prinsipàl che abina ła xona del Ponte de l'Academia verso Piasal Roma. Xe dominà da ła mołe de ła céxa de San Barnaba che co ła so inponénte fasàda neoclasega ghe ne ocupa tuto el lai meridionàl del canpo.

Par łe so carateristeghe masìma senografeghe, xe stà uxà tanto de frecuente cofà set sinematografego. Infra i film più famoxi che ga sène xiràe qui ghe xe Tempo d'estate de David Lean, co Katharine Hepburn e Rossano Brazzi (ne ła sèna dove che ła protagonista casca in aqua in canàl), e Indiana Jones e l'ultima crociata co Harrison Ford (ne ła sèna dove ch'el protgagonista perlustra i soteranei de ła céxa, ne ła realtà inexistenti.

Inte el xenaro del 1441 in sto canpo se desvòlxeva un curioxo e ponpoxo spetacoło. Sòra un pónte parecià co de łe barchète su'l canàl visin, se gavea svòlto na corsa de cavałi par festixàr łe nòse intra so fio del dòxe Francesco Foscari, Jacopo e Lucrezia Contarini. A sta curioxa cavalcàda xe seguìo da tute łe barche dei nobiłi. El corteo ga scortà po' ła spoxa fin a Pałaso Dogal.

Siti da vardàr[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Canpo_San_Barnaba&oldid=1082445"