Zuzzurro e Gaspare

Zuzzurro e Gaspare, ze stà un do còmego-cabaretìstego italian formà da Nino Formicola (Gaspare) e Andrea Brambilla (Zuzzurro); formà a Miłan inte el 1976, el do ga conosesto un bon suceso teatrałe e tełevizivo, el ga cesà de ezister inte el 2013 a ła morte de Brambilla. I do ze stà anca cugnai, sendo Brambilla (Zuzzurro) stà łigà a ła soreła de Formicola (Gaspare) da ła segonda metà dei ani '70 a ła fin dei ani '80.^[1]

Storia

I se ga conosùo al Derby Club, stòrego łocałe miłaneze indove entranbi se ezibiva, i do cabaretisti ga dazesto vita inte el 1976 a l'afiatada cubia de personazi formada da l'inzenuo comisario Zuzzurro e dal so fido asistente Gaspare. I ze aparìi par ła prima volta in tełevizion inte el 1978 inte ła trasmision de ła RAI Non stop; l'ano sucesivo i ze stà in un altro varietà RAI, La sberla e drìoman a Domenica in.

Autori dei testi de Massimo Boldi e Teo Teocoli par el programa Non lo sapessi ma lo so trasmetesto so Antennatre inte el 1982, par ła stesa rede i ga reałizà Buccia di banana, idove i se prestava inte łe vesti de condutori, animadori e ideatori del bomò «Ce l'ho qui la brioche!», tormenton a łongo riproponesto e devegnesto un tòco forte del so repertorio. inte el 1983 i ga ciapà parte al varietà Drive In prima cofà ospiti e, drìoman, come cast fiso.

inte el 1986 i ga abandonà par un periodo ła tełevizion par dedicarse al teatro, interpretando inte ła comedia de Neil Simon Andy e Norman el ròło de do zornałisti obligai a sbarcar el łunario scrivendo artigołi dozenałi par ogni zènare de rivista ed entranbi inamorai de ła so visina de caza.

inte el 1987 i ze riaparìi in video inte el varietà del vènare sera de Canale 5 Festival, conduzesto da Pippo Baudo. inte el 1989 i ga rancurà consensi inte el varietà de ła doménega sera de Italia 1 Emilio, anbientà inte ła frenètega redasion de un videozornałe anemada da l'invià Silvio Orlando, el tifozo rosonero Teo Teocoli, el critico łetarario Gene Gnocchi, l'aprendista zornałista Carlo Pistarino e l'iriduzibiłe caoredatora Athina Cenci. inte el 1990, oltre a ła segonda edision de Emilio e a l'edision estiva del programa Emilio '90, el do ze ospite d'onor de łe tre serade del show tełevizivo C'era una volta il festival.

inte el 1991 i ze riaparìi so Italia 1 inte ła sit com Andy e Norman, ridusion da łori stesi curada de ła comedia za proponesta in teatro. Daspò l'esperiensa de Il TG delle vacanze (1992) e de Dido... menica (1992-93) ze tornai in RAI daspò cuindeze ani de asensa e inte el 1994 ghe ga conduzesto Miraggi, ła dopia ministrisa serałe in onda a ridoso del TG1.

Inte l'istà 1996 ła cùbia ła ze tornà łaorar par i network privai, partesipando al varietà de Canale 5 Sotto a chi tocca conduzesto da Pippo Franco. I ga dopià Pena e Panico inte'l film d'anemasion Hercules del 1997. Inte ła stajon 1997-98 i ga stabiłio al Teatro Nazionale di Milano el record de tenjidura (oltre tre mezi) co ła comedia Rumori fuori scena de Michael Frayn.

El 9 de zenaro 2002 Brambilla ga un grave incidente stradałe^[2] che ło łasa in fin de vita. L'atività de ła cubia se ga fermà, par po' repartir drìoman co novi spetacołi teatrałi e calche saltuaria aparision tełeviziva. Daspò aver partesipà ad alcune pontade de Paperissima (2002), el 15 e 16 de apriłe 2005 i ga conduzesto Striscia la notizia e 'l 26 de zenaro e'l 2 de febraro 2010 fa na conparsa a Zelig Circus.

Inte'l 2012 ze da novo so łe sene teatrałe inte ła tournée del spetacoło "Tutto Shakespeare in 90 minuti". A novnbre 2012 entra a far parte del staff de condutori del canałe Vero Capri^[3]. El 24 de otobre 2013, co ła morte de Zuzzurro, termena anca l'atività del do comico^[4].

Tełevizion

Non stop (Rete 1, 1978)
La sberla (Rete 1, 1979)
Non lo sapessi ma lo so (Antenna 3, 1982) Autori
Bucce di banana (Antenna 3, 1983)
Drive In (Italia 1, 1983-1986)
Festival (Canale 5, 1987-1988)
Emilio (Italia 1, 1988-1990)
Emilio '90 (Italia 1, 1990)
C'era una volta il festival (Canale 5, 1990)
Canta Vip (Canale 5, 1991)
Il TG delle vacanze (Canale 5, 1992)
Dido... menica (Italia 1, 1992-1993)
Miraggi (Rai Uno, 1994)
Sotto a chi tocca (Canale 5, 1996-1997)
Rido (Rai Due, 2000)
Paperissima (Canale 5, 2002)
Striscia la notizia (Canale 5, 2005)
Comedy Club (Italia 1, 2006)
Zelig (Canale 5, 2010-2012)
Vero in Cucina (Vero TV, 2012-2013)

Notasion

↑ https://www.corriere.it/spettacoli/20_agosto_04/22-estate-testoocorriere-web-sezioni-e19ac2de-d5de-11ea-9379-bda036273e46.shtml
↑ Edoardo Girola, Va fuori strada sulla Milano-Genova Il comico Zuzzurro grave in ospedale, in Corriere della Sera, 10 gennaio 2002, pp. 16. entrada il 1º novembre 2013 (archivià dal URL orizenałe il 29 ottobre 2013).
↑ Vero Tv: dopo Fede arrivano anche Zuzzurro e Gaspare, in tuttotv.info. entrada il 1º novembre 2013.
↑ È morto Andrea Brambilla, Zuzzurro in coppia con Gaspare, in La Repubblica, 24 ottobre 2013. entrada il 1º novembre 2013.

[1] ttps://www.corriere.it/spettacoli/20_agosto_04/22-estate-testoocorriere-web-sezioni-e19ac2de-d5de-11ea-9379-bda036273e46.shtml

[2] Edoardo Girola, Va fuori strada sulla Milano-Genova Il comico Zuzzurro grave in ospedale, in Corriere della Sera, 10 gennaio 2002, pp. 16. entrada il 1º novembre 2013 (archivià dal URL orizenałe il 29 ottobre 2013).

[3] Vero Tv: dopo Fede arrivano anche Zuzzurro e Gaspare, in tuttotv.info. entrada il 1º novembre 2013.

[4] È morto Andrea Brambilla, Zuzzurro in coppia con Gaspare, in La Repubblica, 24 ottobre 2013. entrada il 1º novembre 2013.

[1]

[2]

[3]

[4]