Bomò

Da Wikipedia, l'ençiclopedia libara.
Jump to navigation Jump to search

On bomò o xlogan, l'è na fraxe curta, concentrada e che la te ciapa de s-ciafa. La ga da esar façiłe da ricordarse, co on seguente efeto imediato. Tante 'olte on xlogan el njien fato co calche acorximento ritmego de rime, de asonanse o ałiterasion.

On bomò, caxi senpre, l'è doparà so na situasion pulitega o de trafego economego, come espresion ripetitiva de on idea.

On xlogan pulitego el dixe de solito on fin o un volere. Par exenpio, on stra conosuo xlogan comunista "Prołetari de tuti i paexi, unive" o se no el xlogan de la Drita Italiana "Boja chi che moła". On xlogan de trafego njien doparà n'te la publisità par far capire el nome de chi che ga fato de l'axienda o del prodoto. Par exenpio "Te piaxe vinsare fasiłe" tuti se ricorda che xé el moto dei grata e vinsi.

Derivasion de le parole[canbia | canbia el còdexe]

La parola xlogan la deriva dal gaełego scosexe sluagh-ghairm, che se lexe slogorm, che l'è confato da sluagh (che se traduxe "marea de spiriti") e ghairm ("sigo") e in orixene, dai Celti de le Highland Scosexi, significava "sigo de guera" e n'tel contenpo bomò deriva dal françexe bon mot che vuria dire parola justa.

Altri projeti[canbia | canbia el còdexe]

Sol Wikisionario xlògan