Zonta (derito)

Zonta el ze un tèrmano che el vien doparà par denomenar un òrgano cołejałe restrenzesto, de sòłito co funsion consultive, ezecutive o delìbarative.

Etimołozia

El tèrmano zonta in veneto el vegneva doparà za inte ła Repùblega de Venèsia par denomenar i senatori che i se zontava ai 60 ełezesti dal Major Consejo; i vegnea ełezesti anualmente dai altri senatori e l'ełesion ratificada dal Major Consejo.

Inte i paezi de łéngua spagnoła el tèrmano junta el ze senpre stato slargamente doparà; oncora uncó, par ezénpio, se połe dir junta de gobierno l'òrgano cołejałe de goerno de vàrie organizasion, pùbleghe o privae. Sta denomenasion ła zera doparada anca par denomenar chełi òrgani de goerno nasesti in Amèrica Latina intrà el 1810 e el 1830 sirca, cofà primo paso verso l'indipendensa da ła Spagna.

La zonta miłitare

El tèrmano el ze doparà par denomenar l'òrgano de vèrtaze del Stato inte łe ditature miłitari, co funsion de indiriso pułìtego e lejislative, inte el cuało al comando ghe ze dei esponenti de łe forse armae; ła prezensa de òrgani cusita-fazesti, ła difarénsia sti rezimi da łe ditature de tipo carismàtego, andove che i poderi i ze consentrai inte łe man de un leader. Va intrà el resto notà che ła denomenasion, derivada da cueła adotada inte i rezimi latinoamericani (junta), anca se slargamente doparada inte el łénguajo zornalìstego, miga senpre ła coinside co cueła ufisałe (specialmente par fora de l'àrea latinoamericana se dòpara vàrie denomenasion: "consejo supremo miłitare", "consejo de ła revołusion" etc.)

Linganbi foresti

• (EN) juntaEnçiclopedia Britannica, Encyclopædia Britannica, Inc.

Controło de autorità	GND (DE) 4533644-1