Salta al contegnùo

Consejo dei Pregadi

Da Wikipedia, l'ençiclopedia libara.

El nome de Consejo dei Pregadi el se refarise łetaralmente al fato che i senadori venjiva orizinariamente pregà de fornir el pròpio consejo al Doze, mentre el nome Senato se inponeva inveçe soło inte el XIV sècoło col difonderse de ła cultura umanista.

Conpozision e funsion

[canbia | canbia el còdaxe]

Menbri ełetivi e de derito

[canbia | canbia el còdaxe]
Par savèrghene de pì, vardarse ła voxe Zonta (Repùblega de Venesia).


El Senato zera presiedesto da ła Serenisima Signoria co a cao el Doze, mentre i łaori zera preparai e dirizesti dai Savi del Cołejo.
Ghe zera po' i Pregadi:

  • ansituto i sesanta senadori anuałi ełezesti dal Mazor Consejo;
  • a staltri se ghe zontava drìoman altri senadori che costituiva ła cusìdita Zonta, o sia : istituìa inte ła segonda metà del Trezento e rinovada par decreto de ano in ano, ła devenjeva ordenaria e perpetua parte del Senato inte el 1506, col definitivo nùmaro de sesanta senadori de Zonta.

A sti menbri ełetivi se sumava drìoman, de derìto, l'intièra Cuarantia, el Consejo dei Dieze e i Avogadori de Comùn. Dal 1305 i sentava par derìto in Senato, sensa fabizonjo decreto del Mazor Consejo anca i Procuradori de San Marco.
I pregadi zera distinguìbiłi par el fato de indosar ła toga rosa, contraponesta a ła normałe toga negra dei altri patrisi.

Menbri ex ofisio

[canbia | canbia el còdaxe]

Parteçipava ai łavori del Senato un gran nùmaro de majistradi e funsionari del Stato de volta in volta ciamai a tratar ex ofisio, o sia par neçesità de incargo, łe materie che łi rivardava :

Da rimarcar tutavia come, par l'uzo de asomar difarenti incarghi a ła medezema persona, de frecuente tanti de sti funsionari i raprezentase al contenpo pì funsion desconpanje e i fuse al contenpo łori istesi dei senadori ełexesti.

Bibliografia

[canbia | canbia el còdaxe]
  • L'Archivio di Stato di Venezia. Indice generale, storico, descrittivo ed analitico. Tomo I - Archivi dell'amministrazione centrale della Repubblica Veneta e archivi notarili, 1937.

Altri projeti

[canbia | canbia el còdaxe]
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Consejo_dei_Pregadi&oldid=1036376"